தாராபுரம், அக். 4–
தாராபுரம் சட்டமன்றத் தொகுதி இடைத்தேர்தலில் கழக வேட்பாளராகப் போட்டியிடும் வழக்கறிஞர் சுகன்யா அவர்களை ஆதரித்து தென்காசி தெற்கு மாவட்ட கழக பொறுப்பாளர் வே.ஜெயபாலன் ஏற்பாட்டில் காளிபாளையம் ஊராட்சியில் தெருமுனைப் பிரச்சாரம் நடைபெற்றது.
இந்தப் பிரச்சாரத்தை ஆலங்குளம் தொகுதி சட்டமன்ற உறுப்பினர் வழக்கறிஞர் பி.எச்.பி.மனோஜ்பாண்டியன் துவக்கி வைத்து வீடு வீடாகச் சென்று உதயசூரியன் சின்னத்தில் வாக்களிக்குமாறு பொதுமக்களை
கேட்டுக்கொண்டார்.
ஒவ்வொரு வீடுகளிலும் உதயசூரியன் சின்னம் பொறிக்கப்பட்ட ஸ்டிக்கர் ஒட்டியும், துண்டுப் பிரசுரங்களை வழங்கியும் வாக்காளர்களிடம் வாக்குகள் சேகரித்தார்.
இந்த கிராமத்தைச் சேர்ந்த ஆண்களும் பெண்களும் தங்கள் வாக்குகளை உதயசூரியன் சின்னத்திற்குத் தான் அளிப்போம் என்று வாக்கு சேகரித்த கழக நிர்வாகிகளிடம் ஆர்வமுடன் கூறினார்கள். கழகத் தலைவர் அவர்களது ஆட்சியில் நிறைவேற்றப் பெற்ற திட்டங்களால் தான் தங்கள் வாழ்க்கை மிகச் சிறப்பாக இருந்தது என்பதை அவர்கள் நெகிழ்ச்சியுடன் எடுத்துக் கூறினார்கள்
இந்தநிகழ்ச்சியில் தென்காசி தொகுதி கழக சட்டமன்ற உறுப்பினர் மருத்துவர் கலை கதிரவன், முன்னாள் சங்கரன்கோவில் சட்டமன்ற உறுப்பினரும், கழக வர்த்தகர் அணி துணை செயலாளருமான முத்து செல்வி, கழக ஒன்றியசெயலாளர்கள் செல்லத்துரை, சிவன் பாண்டியன், சிவகுமார், சமுத்திர பாண்டியன், மணிகண்டனின் ஆலங்குளம் பேரூர் கழகச் செயலாளர் நெல்சன், முக்கூடல் பேரூர் கழக செயலாளர் ஆர்.லட்சுமணன், விருதுநகர் மாவட்ட மாணவரணி முன்னாள் துணை அமைப்பாளர் எஸ்.எஸ்.கதிரவன் உள்ளிட்ட கழக நிர்வாகிகள் கலந்து கொண்டனர்.