நாகர்கோவில், அக். 4–
‘‘தமிழ்நாட்டின் ஒட்டு மொத்த தீயசக்தியாக விளங்குகிறார் முதல்வர் விஜய்’’ என்று முன்னாள் அமைச்சர் என்.சுரேஷ் ராஜன் கண்டனம் தெரிவித்துள்ளார்.
நிதி இல்லை, நீதி இல்லை, நாதி இல்லை என்று கூவிய நீங்கள் இன்று நிலையில்லா மனிதனாக மக்களை ஏமாற்றி தமிழ்நாட்டை வழிநடத்துவதை பார்க்கும் போது தமிழ்நாடு அதள பாதாளத்திற்கு செல்லும் என்பதற்கு இந்த நான்கு மாத ஆட்சியே சாட்சியாய் நிற்கிறது.
தினம் கொலை, கொள்ளை, கற்பழிப்பு, சிறுமிகள் பாலியல் வன்கொடுமை என்று எத்தனை நடந்தாலும் அதைப் பற்றி கவலைப்படாத முதல்வர் கிடைத்ததை எண்ணி மக்கள் புலம்புவது உங்கள் காதில் கேட்பதாக இல்லை என்பதை உங்கள் செயல்பாடுகள் மூலமாக தினம் நாங்கள் அறிந்துக் கொள்கிறோம். நீதி இல்லை என்று கூப்பாடு போட்ட நீங்கள் தமிழ்நாடு சட்டப்பேரவையில் அண்ணா, கலைஞர்,
எம்.ஜி.ஆர்., ஜெயலலிதா உள்ளிட்டோர் முதலமைச்சராக பணியாற்றிய அறையைமாற்றி அமைக்கும் வகையில் 5-வது மாடியில் முதலமைச்சர் அறையை மாற்று ஏற்பாடு செய்து தேவையில்லாத நிதி சுமை ஏற்படுத்தியதை அனைவரும் அறிவோம்.
இதற்கிடையில் புதிதாக தலைமைச் செயலகம் அமைக்கப்படும் என்று அறிவித்துவிட்டு, அதற்கான பணிகளும் தொடங்கப்படும் என்று அறிவித்துள்ள உங்களிடம் சில கேள்விகளை கேட்க விரும்புகிறேன் ?
புதிதாக அமைக்கப்படும் தலைமைச் செயலகம் 1200 கோடி ரூபாய் மதிப்பீட்டில் அமைக்கப்படுவது உங்களுக்கு நிதி சுமையாக தெரியவில்லையா?
அப்படி அமைப்பது அதுவும் மீனவ மக்களின் அடிப்படை ஆதாரமாக இருக்கக் கூடிய பட்டினப்பாக்கம் தான் வேண்டுமா?
ஏன் நீங்கள் நிதி சுமையை குறைக்க முத்
தமிழறிஞர் கலைஞர் அவர்களால் புதிய தலைமை செயலகமாக உருவாக்கப்பட்ட ஓமந்தூரார் மாளிகையை (தற்போது பன்னோக்கு மருத்துவமனை) ஏன் சில கோடிகளில் புனரமைத்து புதிய தலைமைச் செயலகமாக பயன்படுத்த கூடாது?
இந்த கட்டிடம் சட்டமன்ற உறுப்பினர் விடுதி அருகிலேயே அமைந்திருப்பதால் சட்டமன்றத் கூட்டத்தொடர்களில் சட்டமன்ற உறுப்பினர்கள் நேரத்தில் கலந்துக்கொள்ளவும், தேவையில்லாத போக்குவரத்து சிரமம் மற்றும் எரிபொருள் வீணாவதையும் தடுக்கும் நிலையை உருவாக்கலாம் அல்லவா ?
இந்த தலைமை செயலகம் 13.03.2010 அன்று திறக்கப்பட்டு, தமிழ்நாடு அரசின் 2010 -– 2011 ஆண்டுக்கான பட்ஜெட் மார்ச் 19, 2010 அன்று தாக்கல் செய்யப்பட்டு, அதற்கான கூட்டத்தொடர் முழுவதும் இந்த ஓமந்தூரார் மாளிகையில் தான் நடைபெற்றதை வரலாறு பதிவு செய்துள்ளதை இங்கு யாரும் மறுக்க முடியாது.
இதையும் மீறி நிதியை விரயம் செய்வதும், மக்களின் வாழ்வாதாரங்களை சீர்குலைக்கும் வகையிலும் நீங்கள் மேற்கொள்வது உங்களை நம்பி வாக்களித்த மக்களுக்கு துரோகம் செய்யும் செயலாக தெரியவில்லையா?
எனவே உலக தரத்தில் கலைஞர் அவர்களால் உருவாக்கப்பட்ட ஓமந்தூரார் ராமசாமி அவர்கள் பெயரில் அமைக்கப்பட்ட புதிய தலைமைச் செயலகம் இருக்கும் போது நிதி சுமையை கருத்தில் கொண்டு அதனை பயன்படுத்த முன் வர வேண்டும் என்பதே எனது கோரிக்கையாக இந்த நேரத்தில் முன் வைக்க விரும்புகிறேன்.
நான் கலைஞர் அவர்களின் அமைச்சரவையில் அமைச்சராக இருந்த காலகட்டத்தில் இந்த புதிய தலைமைச் செயலகத்தில் அதற்கான தரமான வடிவமைப்புகளை கொண்டு தகுந்தவசதிகளுடன் எனது துறைசார்ந்த அலுவல் பணிகளை மேற்க் கொண்டுள்ளேன் என்பதை இந்த நேரத்தில் சுட்டிக்காட்ட விரும்புகிறேன்.
அங்கு தற்போது செயல்பட்டு வரும் மருத்துவமனையை கடந்த தி.மு.க. ஆட்சியில் கழக தலைவர் முன்னாள் முதலமைச்சர் முத்துவேல் கருணாநிதி ஸ்டாலின் அவர்களின்தலைமையிலான ஆட்சியில்உலகத் தரத்தில் கொண்டுவரப்பட்ட கிண்டி மருத்துவமனையோடு இணைக்கும் வகையில் இடமாற்றஇந்த அரசு ஆலோசிக்கலாம்.
குறிப்பாக கலைஞர் அவர்களால் உருவாக்கப்பட்ட இந்த தலைமை செயலக கட்டிடத்தை திறந்து வைத்த பெருமை தற்போது உங்கள் ஆட்சிக்கு ஆதரவு அளித்துள்ள காங்கிரஸ் கட்சி தலைவர்களான அப்போதைய பிரதமர் திரு.மன்மோகன்சிங் மற்றும் திருமதி.சோனியாகாந்தி அவர்களையும்சாரும் என்பதையும் நினைவில்வைத்துக் கொள்ளுங்கள்.
தி.மு.க.வை தீயசக்தி என்று விமர்சித்த நீங்கள், தற்போது தமிழ்நாட்டின் ஒட்டுமொத்த தீயசக்தி யாய் உருப்பெற்று வருவதையும் கவனத்தில் கொண்டு கடைகோடி மாவட்டத்தில் இருந்து ஒலிக்கும் மக்களின் குரலாக இந்த கோரிக்கையை முன் வைத்துள்ளேன்.
இவ்வாறு அவர் தமது அறிக்கையில் கூறி
யுள்ளார்.