அச்­சி­றுப்­பாக்­கம், அக். 4

மது­ராந்­த­கம் சட்­ட­மன்ற தொகுதி இடைத்­தேர்­தல் களம் நாளுக்கு நாள் சூடு­பி­டித்து வரு­கி­றது. இத்­தொ­கு­தி­யில் திமுக சார்­பில் போட்­டி­யி­டும் வெற்றி வேட்­பா­ளர் இ. பரந்­தா­மன், அச்­சி­றுப்­பாக்­கம் வடக்கு ஒன்­றி­யத்­தில் கிரா­மம் கிரா­ம­மாக சென்று உத­ய­சூ­ரி­யன் சின்­னத்­திற்கு தீவிர வாக்குசேக­ரிப்­பில் ஈடு­பட்டு வரு­கி­றார்.

விழுப்­பு­ரம் வடக்கு மாவட்ட செய­லா­ளர், முன்­னாள் அமைச்­சர் செஞ்சி மஸ்­தான் தலை­மை­யில் அச்­சி­றுப்­பாக்­கம் வடக்கு ஒன்­றிய செய­லா­ளர் தம்பு, மாநில செயற்­குழு உறுப்­பி­னர்­கள் செஞ்சி விஜ­ய­கு­மார், மேல்­ம­லை­ய­னூர் நெடுஞ்­செ­ழி­யன் ஆகி­யோர் முன்­னி­லை­யில்

கழக வேட்­பா­ளர் இ.பரந்­தா­மன் அச்­சி­றுப்­பாக்­கம் வடக்கு ஒன்­றி­யத்­திற்கு உட்­பட்ட அகிலி செண்­டி­வாக்­கம்,டிவி­எஸ் நகர் ,அகிலி ஆதி­தி­ரா­வி­டர் நலப் பகுதி ,மலை­வாழ் மக்­கள் பகுதி உள்­ளிட்ட பல்­வேறு கிரா­மங்­க­ளுக்கு சென்று பொது­மக்­களை சந்­தித்து உத­ய­சூ­ரி­யன் சின்­னத்­திற்கு வாக்கு கேட்­டார்.

அப்­போது கிராம மக்­கள் வேட்­பா­ளர் பரந்­தா­ம­னுக்கு மலர் தூவி, ஆரத்தி எடுத்து உற்­சாக வர­வேற்பு அளித்­த­னர். பெண்­கள் திர­ளாக கலந்து கொண்டு தங்­கள் ஆத­ரவை தெரி­வித்­த­னர்.

வாக்­கா­ளர்­க­ளி­டையே பேசிய வேட்­பா­ளர் இ. பரந்­தா­மன், “நான் உங்­கள் வீட்டு பிள்­ளை­யாக உத­ய­சூ­ரி­யன் சின்­னத்­தில் வாக்கு கேட்டு வந்­துள்­ளேன்.

திமுக தலை­வர் மு.க.ஸ்டாலின் அவர்­க­ளின் வேட்­பா­ள­ரா­க­வும், கழக இளை­ஞ­ரணி செய­லா­ளர்­எ­திர்க்­கட்­சித் தலை­வர் உத­ய­நிதி ஸ்டாலின் அவர்­க­ளின் வேட்­பா­ள­ரா­க­வும் உங்­களை நாடி வந்­துள்­ளேன்.

மது­ராந்­த­கம் தொகு­தி­யின் வளர்ச்­சிக்­கா­க­வும், உங்­கள் கோரிக்­கை­களை நிறை­வேற்­ற­வும், தொடர்ந்து திமுக அரசு கொண்டு வந்­துள்ள திட்­டங்­கள் உங்­களை வந்­த­டை­ய­வும் நீங்­கள் அனை­வ­ரும் உத­ய­சூ­ரி­யன் சின்­னத்­தில் வாக்­க­ளித்து என்னை பெரு­வா­ரி­யான வாக்­கு­கள் வித்­தி­யா­சத்­தில் வெற்றி பெறச் செய்ய வேண்­டும்” என்று உருக்­க­மாக கேட்­டுக்­கொண்ட அவர்

“வாழ்க்கை வேற, சினிமா வேற. கடந்த தேர்­த­லில் ஏதோ ஒரு மோகத்­தில், என் பையன் சொல்­லிட்­டான், என் பேரன் சொல்­லிட்­டான் என்று சொல்லி நாம் எல்­லாம் தவ­றான முடிவை எடுத்­து­விட்­டோம். ஆனால் இந்த 5 மாதத்­தில் நாம் என்ன அவ­திப்­ப­டு­கி­றோம்? விலை­வாசி என்ன விலை விற்­கி­றது? கரண்ட் பில் எப்­படி இருக்­கி­றது? கரண்ட் கட் எப்­படி இருக்­கி­றது?

முத­ல­மைச்­சர்­வி­ஜய் சொன்ன எந்த ஒரு வாக்­கு­று­தி­யும் இது­வரை நிறை­வேற்­றப்­ப­ட­வில்லை. ஒரு மனி­தன் சரி­யா­ன­வன், மக்­க­ளுக்கு பணி­யாற்­றக் கூடி­ய­வன் என்­பதை எதை வைத்து சொல்ல வேண்­டும் என்­றால், சொன்ன வாக்­கு­று­தியை காப்­பாற்ற வேண்­டும்.

முத­ல­மைச்­ச­ராக இருந்த மு.க.ஸ்டாலின் ஐயா, மக­ளிர் உரி­மைத் தொகை 1000 ரூபாய் கொடுப்­பேன் என்று சொன்­னார். இன்று வரை அந்த தொகையை நாம் வாங்­கிக் கொண்­டி­ருக்­கி­றோம்.

ஆனால் 2500 ரூபாய் கொடுப்­பேன் என்று சொன்ன திரு.விஜய், இது­வரை கொடுத்­தி­ருக்­கி­றாரா? 6 சிலிண்­டர் இல­வ­ச­மாக கொடுப்­பேன் என்று சொன்­னாரே, கொடுத்­தி­ருக்­கி­றாரா?

தேர்­தல் நேரத்­தில் மு.க. ஸ்டாலின் அவர்­கள், நான் இப்­போது 1000 ரூபாய் கொடுத்­துக் கொண்­டி­ருக்­கி­றேன், என்னை மீண்­டும் முத­ல­மைச்­சர் ஆக்­குங்­கள், உங்­க­ளுக்கு 2000 ரூபா­யாக தரு­கி­றேன் என்று வாக்­கு­றுதி கொடுத்­தார்.

இப்­போது நினைத்­துப் பாருங்­கள் தாய்­மார்­களே, இந்த நிமி­டம் மு.க.ஸ்டாலின் ஐயா முத­ல­மைச்­ச­ராக இருந்­தி­ருந்­தால், இந்த 5 மாத­மும் 2000, 2000 என்று வாங்­கி­யி­ருப்­போமா இல்­லையா? என்று கேட்டு பிரச்­சா­ரம் செய்­தார்.

பிரச்­சா­ரத்­தில் காஞ்­சி­பு­ரம் எம்.பி. செல்­வம்,முன்­னாள் சட்­ட­மன்ற உறுப்­பி­னர் சேது நாதன், மாவட்ட அவைத்­த­லை­வர் டாக்­டர் சேகர், ஒன்­றிய செய­லா­ளர் விஜ­ய­ரா­க­வன், ஒன்­றிய கவுன்­சி­லர் சிலம்­ப­ர­சன், அகிலி ஊராட்சி நிர்­வா­கி­கள் மார்­டின், வேளாங்­கண்ணி, ஆல்­பர்ட், வருன், விஜ­யன், வர­த­ரா­ஜன், சீனு, சசி­கு­மார், சக்­தி­வேல் செஞ்சி மேல்­ம­லை­ய­னூர் ஒன்­றிய நிர்­வா­கி­கள் வாசு அய்­யா­துரை,செல்­வ­மணி, அர்­ஷத், எஸ்.பி.சம்­பத்,செந்­தில்­கு­மார், சிவ பிர­கா­சம், மணி­வண்­ணன், ஜம்­போதி பழனி, உள்­ளிட்ட நிர்­வா­கி­கள் கலந்து கொண்­ட­னர்.