சென்னை, அக்.4–
வணிகர்களுக்கு வரிச்சலுகைகளையும், நலத்திட்டங்களையும் வாரி வழங்கி, வணிகர்களின் வாழ்வாதாரத்தை தொடர்ந்து பாதுகாத்தவர் “திராவிட மாடல் நாயகர்” முத்துவேல் கருணாநிதி ஸ்டாலின் அவர்களின் கரத்தை வலுப்படுத்திட.! இடைத்தேர்தல் பெருவெற்றிக்கு எடை போடத் தெரிந்த வணிகர்கள் நாம் நன்றி உணர்வுடன் துணை நிற்போம் என்று கழக வர்த்தகர் அணி துணைச் செயலாளர் சேப்பாக்கம் வி.பி. மணி தெரிவத்துள்ளார்.
இது குறித்து அவரது அறிக்கை வருமாறு:
நடைபெற உள்ள மதுராந்தகம், தாராபுரம் சட்டமன்ற தொகுதிக்கு உட்பட்ட வணிக வள்ளல் களுக்கு பணிவான வணக்கம்.!!
மேற்கண்ட தொகுதிகளில் வரும் 6 ஆம் தேதி சட்டமன்ற இடைத்தேர்தல் நடைபெற உள்ளது.
இந்த இடைத்தேர்தலில் அரசு இயங்க அச்சாணிகளாய் விளங்கும் வணிகப் பெருமக்களுக்கு வரிச் சலுகைகளையும், நலத்திட்டங்களையும் வாரி - வழங்கி, வணிகர்நல வாரியம் அமைத்துத் தந்து, நிதிநிலை அறிக்கை தாக்கல் செய்வதற்கு முன்பாக வணிகர்களை அழைத்துப் பேசி, அதன் அடிப்படையில் பட்ஜெட்டில் பல்வேறு வாரிச் சலுகைகளை அளித்து, முத்தாய்ப்பாக குடும்ப நலநிதி உதவித்தொகை 5 லட்சமாக உயர்த்தி வழங்கி, வணிகர்களை தொடர்ந்து பாதுகாத்து வருபவர் “வணிகர்களின் பாதுகாவலர்கள்” தலைவர் கலைஞர் அவர்களும், இன்றைய “திராவிட மாடல் நாயகர்” முத்துவேல் கருணாநிதி ஸ்டாலின் அவர்களும் ஆவார்கள் என்பதை இத்தருணத்தில் நாங்கள் நன்றி உணர்வுடன் நினைவு கூற கடமைப்பட்டுள்ளோம்.!!
தற்போதைய அசாதாரண சூழ்நிலையில் தனது ஆட்சிக்கு பெரும்பான்மை இல்லாத த.வெ.க அரசு தற்பொழுது கொல்லைப்புற வாசல் வழியாக அ.தி.மு.க. சட்டமன்ற சில உறுப்பினர்களை தேவைக்கேற்ப அவ்வப்பொழுது விலைக்கு வாங்கி, அவர்களை குறுகிய நாட்களில் ராஜினாமா செய்ய வைத்து, தனது கட்சியில் இணைத்து செயற்கை முறையில் இடைத்தேர்தலை உருவாக்கி, அதிலும் குறிப்பாக இன்று வணிகர்களுக்கு பல்வேறு இன்னல்கள் ஏற்படுவதற்கு முழுமையான காரணமாக இருப்ப வர் தான் இன்றைய முதல்வர் நடிகர் விஜய் அவர்கள்.
தமிழ்நாட்டில் செயற்கை முறையில் நடைபெறும் இந்த இடைத்தேர்தல்கள் இனிமேலும் தொடராமல் இருக்க...
எடை போடத் தெரிந்த “வாக்காள வணிக வள்ளல்கள்” தாங்கள் வாக்குகளை நன்றி உணர்வுடன் உதயசூரியன் சின்னத்திற்கு குடும்பத்துடன் வாக்களிப்பதுடன், உங்கள் வாடிக்கை யாளர்களாகிய பொதுமக்களிடத்திலும் தி.மு.கழக அரசு தனது பொற்கால ஆட்சிக் காலத்தில் மக்களுக்கும் - வணிகர்களுக்கும் கடந்த காலங்களில் செய்த சரித்திர - சாதனைகளை வாய்ப்பு கிடைக்கும் பொழுதெல்லாம் மறவாமல் மக்களிடம் எடுத்துக் கூறி,
அதிலும் முக்கியமாக இன்றைய அத்தியாவாசிய பொருள்களின் கடும் விலைவாசி உயர்வுக்கு பெரிதும் காரணமாக உள்ள - சிறிதும் நிர்வாக திறமையற்ற நடிகர் விஜய் அரசின் தொடர் தவறுகளையும் இத்தருணத்தில் மறவாமல் மக்களிடம்
சுட்டிக்காட்டி,
மதுராந்தகம் மற்றும் தாராபுரம் கழக வேட்பாளர்கள் இ. பரந்தாமன் மற்றும் எஸ். சுகன்யா ஆகியோர்களின் பெரு வெற்றிக்கு, எடைபோடத் தெரிந்த வணிகர்கள் பெரிதும் துணை நிற்குமாறும் மிகவும் பணிவுடன்
வேண்டுகிறோம்.!
இவ்வாறு அவர் தெரிவித்துள்ளார்.
மதுராந்தகம் இடை தேர்தலில் மாமல்லபுரம் நகரம் மற்றும் திருப்போரூர் தெற்கு ஒன்றியத்திற்கு ஒதுக்கப்பட்ட வீராண குன்னம் ஊராட்சி பூத் எண் 89 கீழ்ப்பட்டு பகுதியில் நகரச் செயலாளர் வெ.விஸ்வநாதன் மற்றும் ஒன்றிய செயலாளர் எம்.சேகர் தலைமையில் வாக்கு சேகரிக்கப்பட்டது. உடன் திருப்போரூர் தெற்கு ஒன்றிய நிர்வாகிகள் கே. ரவிக்குமார், ஒ.ஜெ.மதுரைவேல், ஏ.மோகன், எம்.ஜெயராமன், கே.பழனி, மாமல்லபுரம் நகர நிர்வாகிகள் மோகன்குமார் விஸ்வநாதன் எம்.சி., சி.லோகேந்திரன், எம்.ரமேஷ் மற்றும் வீராணம்குன்னம் நிர்வாகிகள் உடன் இருந்தனர்.