சென்னை, அக்.4–
இந்திய ஐக்கிய கம்யூனிஸ்ட் கட்சியின் தமிழ்நாடு மாநில செயலாளர் எஸ்.பாஸ்கரன் விடுத்துள்ள அறிக்கை வருமாறு:–
தமிழக மக்கள் மனதில் என்றும் நிரந்தரமாக முதலமைச்சராக குடியிருக்கும் திராவிட முன்னேற்றக் கழக தலைவர் மு.க. ஸ்டாலின் அவர்களுக்கு இந்திய ஐக்கிய கம்யூனிஸ்ட் கட்சி (எம்.கே)யின் சார்பாக வாழ்த்துக்களும், வணக்கங்களும்!
RSS மற்றும் BJP இயக்கங்களின் பாசிச இந்துத்துவா மதவெறி கொள்கைகளின் நிழல் கூட தமிழ்நாட்டு மக்களை தீண்டிடக் கூடாது எனும் எச்சரிக்கை உணர்வுடன், தமிழ் மக்களின் மொழி, கலை, கலாச்சாரம், பண்பாடு ஆகியவற்றை பேணி காத்திட தங்கள் தலைமையிலான திராவிட முன்னேற்றக் கழகம் வெளிப்படுத்தும் முற்போக்கு கருத்துக்களுக்கும், மேற்கொண்டு வரும் அத்தனை இயக்கங்களுக்கும் எமது இந்திய ஐக்கிய கம்யூனிஸ்ட் கட்சி (எம்.கே) தொடர்ந்து ஆதரவு அளித்து வருகின்றது.
கடந்த பத்து ஆண்டுகளாக திராவிட முன்னேற்றக் கழகத்தின் அமைப்புச் செயலாளரான ஆர்.எஸ்.பாரதி அவர்களுடன் நானும் எனது கட்சியினரும் தொடர்ந்து தொடர்பிலிருந்து வருகின்றோம்.
2019 மற்றும் 2024 நாடாளுமன்றத் தேர்தல்களிலும், 2021 மற்றும் 2026 சட்டமன்றத் தேர்தலிலும் நாட்டு நலனையும் தமிழ்நாடு மாநில நலனையும் முன்னிட்டு திராவிட முன்னேற்றக் கழகம் தலைமையிலான மதச்சார்பற்ற முற்போக்கு கூட்டணியினை எமது இந்திய ஐக்கிய கம்யூனிஸ்ட் கட்சி (எம்.கே)யின் சார்பாக எந்தவித பிரதிபலனும் எதிர்பாராமல் ஆதரித்து கடுமையாகத் தேர்தல் பணி செய்தோம். அத் தேர்தல்களில் CPI,CPM கட்சிகள் கொடுத்த அழுத்தத்தால் மதச்சார்பற்ற முற்போக்கு கூட்டணி சார்பில் எவ்வித ஒத்துழைப்பும், அங்கீகாரமும் எங்களுக்கு கிடைக்காவிட்டாலும் எங்கள் இயக்கத் தோழர்கள் சோர்வின்றி தேர்தல் பணியாற்றினார்கள்.
இன்னும் தெளிவாக, சுருக்கமாக எங்களுக்கு ஏற்பட்ட சோதனைகளையும், வேதனைகளையும் தங்களிடம் தெரிவிக்க நான் கடமைப்பட்டுள்ளேன். 2024-ம் ஆண்டு மார்ச் மாதத்தில் சென்னையில் நடைபெற்ற எங்கள் தமிழ்நாடு மாநில மாநாட்டினை முடக்கு வதற்காக இந்திய கம்யூனிஸ்ட் கட்சியினர் கொடுத்த அழுத்தத்தால் தமிழக காவல்துறையும், அரசு நிர்வாகமும் கடுமையான பல தொல்லைகளை எங்களுக்கு கொடுத்தன. தங்கள் கவனத்திற்கு வராமல் நடைபெற்ற இந்நிகழ்ச்சிகளால் எங்களது கட்சியின் பெயரையே UCPI என்பதிலிருந்து UCPI (M.K) என நாங்கள் மாற்ற நேர்ந்தது. ஆனால் இத்தனைக்கு பிறகும் இந்திய தேர்தல் ஆணையத்தின் மோசடி தேர்தல் மூலம் தேர்ந்தெடுக்கப்பட்ட திரு. விஜய் அவர்களின் ஆட்சிக்கு இடதுசாரி கட்சிகள் காங்கிரஸ் மற்றும் விசிக போன்ற கட்சிகள் மதச் சார்பற்ற முற்போக்கு கூட்டணிக்கு துரோகம் செய்து ஆதரவளித்த நிலையிலும் தமிழ் மக்களின் நலன் கருதி நாங்கள் தொடர்ந்து தங்கள் தலைமையிலான திமுக கூட்டணிக்கு ஆதரவாக செயல்பட்டு வருகிறோம்.
அதன் அடிப்படையில் வருகின்ற மதுராந்தகம்,தாராபுரம் சட்டமன்ற இடைத்தேர்தல்களிலும், புதுச்சேரி மாநிலத்தின் ஒரு சட்டமன்றத் தொகுதி இடைத்தேர்தலிலும் திராவிட முன்னேற்றக் கழக வேட்பாளர்களுக்கு ஆதரவாக எமது இந்திய ஐக்கிய கம்யூனிஸ்ட் கட்சி செயல்பட்டு வருகின்றது என்பதையும் தங்களுக்கு தெரிவித்துக் கொள்கின்றேன். அதேபோல் இனிவரும் காலங்களிலும் மதவெறி பாசிச பாஜக எதிர்ப்பிலும், மக்கள் விரோத தா.வெ.க.- வின் அராஜக ஆட்சியினை எதிர்ப்பதிலும் தங்கள் தலைமையிலான திராவிட முன்னேற்ற கழகம் முன்னெடுக்
கும் அனைத்து போராட்டங்களிலும் எமது இந்தி ஐக்கிய கம்யூனிஸ்ட் கட்சி (எம்.கே)யும் உற்சாகமுடன் பங்கேற்கும் என தோழமையுடன் தெரிவித்துக் கொள்கின்றோம்.
இவ்வாறு அவர் அறிக்கையில் தெரிவித்துள்ளார்.
மதுராந்தகம் தனி இடைத்தேர்தலை முன்னிட்டு கழக வேட்பாளர் இ பரந்தாமனுக்கு அருங்குணம் ஊராட்சியில் உள்ள பாகம் 238–ல் அடங்கிய புளியரணங்கோட்டை ரோடு, மேட்டு தெரு, பிராமணர் தெரு, ஏரிக்கரை தெரு, தெற்கு தெரு, வையத் தெருக்களில் ஆலந்தூர் தெற்கு, வடக்குப் பகுதி செயலாளர்கள் என். சந்திரன் எம்.சி, பா. குணாளன், ஆகியோர் தலைமையில் வீடு வீடாக சென்று உதயசூரியன் சின்னத்திற்கு வாக்குகளை சேகரித்தனர். இப்பிரச்சாரத்தில் தலைமை பொதுக்குழு உறுப்பினர் ஆர். டி. பூபாலன், மாவட்ட அ. அமைப்பாளர்கள் ஆர். ஆர். ஜெயராம் மார்த்தாண்டன், நெய்வேலி தங்கம், வட்ட செயலாளர்கள் ஜெ. நடராஜன், ஏ. சாலமோன், ஜெ. செல்வேந்திரன், கிளை செயலாளர்கள் மகாலிங்கம், மாரியப்பன், சுரேஷ், தேவராஜ், நிர்வாகிகள் பிரான்சிஸ், மீன் மோகன், அசோக்குமார், சுரேஷ், கோபி, சத்யா, மற்றும் கழக நிர்வாகிகள் அனைவரும் உடன் இருந்தனர்.
மதுராந்தகம் இடைத்தேர்தலில் மதுராந்தகம் வடக்கு ஒன்றியம் மங்கலம் கிராமத்தில் தொழிலாளர் அணி மாநில செயலாளர் பி.டி.சி. செல்வராஜ் தலைமையில் காஞ்சிபுரம் தெற்கு மாவட்ட தொழிலாளி அணி அமைப்பாளர் ப.கார்த்திகேயன் சென்னை மேற்கு மாவட்ட தொழிலாளர் அணி அமைப்பாளர் எம்.டி.ஆர். சாரதி மணிமாறன் மாவட்ட துணை அமைப்பாளர் எஸ் பிரசன்னா அவர்களும் மற்றும் கழக நிர்வாகிகளும் தீவிரமாக வாக்கு சேகரித்தனர்.