#Title

கும்பகோணம் பரஸ்பர சகாய நிதி (KMBF) நிறுவனம் சட்டரீதியாகச் செயல்படுவதை தமிழ்நாடு அரசு உறுதி செய்திட வேண்டும்! இந்தியக் கம்யூனிஸ்ட் கட்சி வலியுறுத்தல்

சென்னை, அக்.4–

இந்தியக் கம்யூனிஸ்ட் கட்சியின், தமிழ்நாடு மாநில செயற்குழு சார்பில் இது குறித்து, விடப்பட் டுள்ள ஊடகங்களுக்கான செய்தி வருமாறு:–

தஞ்சை மாவட்டம், கும்பகோணம் மாநகரை தலைமை இடமாகக் கொண்டு செயல்பட்டு வரும் கும்பகோணம் பரஸ்பர சகாய நிதி (KMBF) நிறுவனம் கடந்த 1903 முதல் இயங்கி வரும் 123 ஆண்டுகால பாரம்பரியம் கொண்ட தனியார் நிதி நிறுவனம் ஆகும்.

நாடு முழுவதும் 156 கிளைகள் உள்ளன. 12 லட்சத்திற்கும் மேற்பட்ட முதலீட்டாளர்கள் இந்நிறுவனத்தில் பங்குகளை வைத்துள்ளனர்.

1,500க்கும் மேற்பட்ட ஊழியர்கள் இந்நிறுவனத்தில் பணியாற்றுகின்றனர்.

இயக்குநர் குழுத் தேர்தலில் தற்போதைய நிர்வாகம் மீண்டும் வெற்றி பெற்றதாக தேர்தல் முடிவுகள் வெளியாகியுள்ள நிலையில், சில சக்திகள் சட்டம் ஒழுங்கு பிரச்சினைகளை உருவாக்குவது கவலையளிக்கிறது.

ஜனநாயக முறையில் புதிதாக தேர்ந்தெடுக்கப்பட்ட அந்நிதி நிறுவனத்தின் தலைவர்,செயலாளர் மற்றும் இயக்குநர்கள் சட்டப்பூர்வமாக செயல்படுவது உறுதி செய்யப்பட வேண்டும்.

அரசியல் வேறுபாடுகளுக்கு அப்பாற்பட்டு, புதிய நிர்வாகிகளின் பணி தொடர்ந்து நடைபெற தமிழ்நாடு அரசு நடவடிக்கை எடுக்க வேண்டும்.

தேர்வு செய்யப்பட்டுள்ள நிர்வாகிகள் மீது வழக்குகள் பதிந்து கைது செய்து அச்சுறுத்தும் நடவடிக்கைகளில் காவல்துறை ஈடுபடக் கூடாது. அதிகார அத்துமீறல்களுக்கு சிறிதும் அனுமதி அளிக்கக்கூடாது.

கும்பகோணம் மாநகரில் செயல்பட்டு வரும் மத்திய அலுவலகம் மற்றும் நிறுவனத்தின் ஊழியர்களின் பாதுகாப்பு உறுதி படுத்தப்பட வேண்டும்.நிறு வனத்தின் நன்மதிப்பு பாதுகாக்கப்பட வேண்டும்.

பங்குதாரர்கள் மற்றும் உறுப்பினர்களின் முதலீடு கள், உரிமைகள், நலன்கள் பாதுகாக்கப்பட வேண்டும். நிர்வாக முடிவுகள் அனைத்தும் சட்டம் மற்றும் நிறுவன விதிகளுக்கு உட்பட்டே மேற்கொள்ளப்பட வேண்டும் என்பதை உறுதி செய்திட முன்வர வேண்டும் என தமிழ்நாடு அரசை இந்தியக் கம்யூனிஸ்ட் கட்சியன் தமழ்நாடு மாநில செயற்குழு வலியுறுத்துகிறது.

இவ்வாறு இந்தியக் கம்யூனிஸ்ட் கட்சியின் மாநிலச் செயலாளர் மு.வீரபாண்டியன் தெரி வித்துள்ளார்.