தாராபுரம் இடைத்தேர்தல் பணிகள் தொடர்பாக திமுக தகவல் தொழில்நுட்ப அணி செயலாளர் முனைவர் டிஆர்பி ராஜா தலைமையில் அக்டோபர் 3 அன்று தாராபுரம் நகர கழக அலுவலகத்தில் ஆய்வுக் கூட்டம் நடைபெற்றது. கழக சட்டத்துறை செயலாளர் மூத்த வழக்கறிஞர் என்.ஆர்.இளங்கோ காணொலி வாயிலாக பங்கேற்றார். சமூக வலைத்தளப் பணிகளிலும், நேரடியாக வாக்கு சேகரிக்கும் பணிகளிலும் இறுதிக் கட்டத்தில் மேற்கொள்ள வேண்டிய செயல்பாடுகள் குறித்து விரிவான ஆலோசனைகளை அணிச்செயலாளர் வழங்கினார். ஆளுங்கட்சியின் தேர்தல் விதிமீறல்கள் தொடர்பாக கழக வழக்கறிஞர்களுடன் இணைந்து செயல்படுவது குறித்து சட்டத்துறைச் செயலாளர் விளக்கினார். தகவல் தொழில்நுட்ப அணியின் துணைச் செயலாளர்கள், மாவட்ட ஒருங்கிணைப்பாளர்கள், மாவட்டத் துணை ஒருங்கிணைப்பாளர்கள், தொகுதி ஒருங்கிணைப்பாளர்கள் மற்றும் நிர்வாகிகள் இந்தக் கூட்டத்தில் கலந்து கொண்டனர். காணொலி வாயிலாகவும் கலந்து கொண்டனர்.