#Title

SIR குளறுபடிகளுக்கு எதிரான சி.ஜே.பி.யினர் ஆர்ப்பாட்டத்திற்கு தி.மு.கழகம் முழு ஆதரவு! தி.மு.க. மாணவர் அணிச் செயலாளர் ஈரோடு வீரமணி அறிக்கை!

சென்னை, அக்.6–

தி.மு.க. மாணவர் அணிச் செயலாளர் ஈரோடு வீரமணி விடுத்துள்ள அறிக்கை வருமாறு:-–

கழகத் தலைவர் மு.க.ஸ்டாலின் ஆணைக்கினங்கவும், இளந்தலைவர் உதயநிதி ஸ்டாலின் அவர்களின் வழிகாட்டுதலின்படியும் தி.மு.க. மாணவர் அணி (02.10.2026) இந்திய தலைமை தேர்தல் ஆணையர் ஞானேஷ் குமார் அவர்களை பதவி விலகக் கோரி கரப்பான்பூச்சி ஜனதா கட்சி (CJP) நடத்திய ஆர்ப்பாட்டத்திற்கு தனது முழு ஆதரவையும் தெரிவித்துக் கொள்கிறது. இந்த ஆர்ப்பாட்டத்தில் கழகமாணவர் அணியின் சென்னை மண்டலப் பொறுப்பாளர், மாணவர் அணித் துணைச் செயலாளர்தமிழ் கா. அமுதரசன் தலைமையில் சென்னை மாவட்ட அமைப்பாளர்கள் பி. அருண் குமார், எம்.எம். செந்தில், பகுதி மாணவர் அணி அமைப்பாளர்கள்வினோத், கிஷோர் மற்றும் தமிழ் மாணவர் மன்ற உறுப்பினர்கள் அனுசல்யா, ஸ்ரீஹரி மற்றும் ஈஸ்வரன் ஆகியோர் கலந்து கொண்டனர்.

தேர்வே சந்தேகம்:

தலைமைத் தேர்தல் ஆணையரைத் தேர்ந்தெடுக்கும் குழுவிலிருந்து இந்தியத் தலைமை நீதிபதி நீக்கப்பட்டு, அந்த இடத்தில் மத்திய உள்துறை அமைச்சர் அமர்த்தப்பட்டார். இந்தப் புதிய சட்டத்தின் கீழ் முதன்முதலில் நியமிக்கப்பட்ட தலைமைத் தேர்தல் ஆணையர் ஞானேஷ் குமார் அவர்கள்

ஆணையத்துக்குள்ளேயே எதிர்ப்பு:

சக ஆணையர்கள் சுக்பீர் சிங் சந்து, விவேக் ஜோஷி இருவரும் பத்து மாதங்களில் குறைந்தது 14 முறை மாற்று கருத்துதெரிவித்தும் புறக்கணிக்கப்பட்டனர் என்கிறது இந்தியன் எக்ஸ்பிரஸ். “தன்னிச்சையாகவும் ரகசியமாகவும் செயல்பட்டது இந்திய ஜனநாயகத்தின் மீதான மிக மோசமான தாக்குதல்” என கழகத் தலைவர் மு.க.ஸ்டாலின் அவர்கள் கண்டனம் தெரிவித்திருந்தார் என்பது குறிபிடத்தக்கது.

SIR நடந்த மூன்று மாநிலங்களிலும் ஆட்சி மாறியது!

தமிழ்நாடு, கேரளா, மேற்கு வங்கம். “இது வெறும் தற்செயல் அல்ல; தெளிவான திட்டம் போல தெரிகிறது” என்று CJP நிறுவனர் அபிஜித் திப்கே கூறுகிறார்.

கேரள முன்னாள் தலைமைச் செயலாளர் சொல்வது என்ன?

2019 மக்களவைத் தேர்தலில் பத்தனம்திட்டாவில் பா.ஜ.க. சார்பில் போட்டியிடுமாறு, பணியில் IAS அதிகாரியாக இருக்கும் ஞானேஷ் குமார் தன்னிடம் கூறியதாக கேரள முன்னாள் தலைமைச் செயலாளர் ஜி.ஜி. தாம்சன் தெரிவித்துள்ளார்.

ஞானேஷ் குமார் அவர்கள் நடுநிலையுடன் செயல்பட வேண்டிய இந்திய தலைமை தேர்தல் ஆணையரா? அல்லது ஆளும் பாசிச பா.ஜ.க. அரசின் கைபாவையா?

நாங்கள்கேட்பது ஒன்றே: ஞானேஷ் குமாரே, பதவி விலகு!

வாக்குரிமையைத் திருடிய வர்கள் வரலாற்றில் வென்றதில்லை.

ஜனநாயகத்தைக் காக்க இளைஞர்களே, மாணவர்களே மற்றும் கழகத் தோழர்களே! அணிதிரள்வோம்! தமிழ்நாடு போராடும்! தமிழ்நாடு வெல்லும்!

இவ்வாறு அவர் தெரிவித்துள்ளார்.