உளுந்தூர்பேட்டை, அக். 6–
சென்னையிலிருந்து தனியார் ஆம்னி பேருந்து, 35க்கும் மேற்பட்ட பயணிகளை ஏற்றிக்கொண்டு மதுரை நோக்கிச் சென்ற கொண்டிருந்த நிலையில், இன்று அதிகாலை உளுந்தூர்பேட்டை அருகே சாலையோர பள்ளத்தில்கவிழ்ந்து விபத்துக்குள்ளானது.
இன்று அதிகாலை உளுந்தூர்பேட்டையை அடுத்த பாதூர் அருகே பேருந்து சென்று கொண்டிருந்தபோது, திடீரென ஓட்டுநரின் கட்டுப்பாட்டை இழந்த பேருந்து சாலையோர பள்ளத்தில் கவிழ்ந்து விபத்துக்குள்ளானது.
இந்த விபத்தில் பேருந்தில் பயணம் செய்த 30க்கும் மேற்பட்டோர் படுகாயமடைந்தனர். தகவல் அறிந்ததும்சம்பவ இடத்திற்கு விரைந்து வந்த திருநாவலூர் காவல் நிலைய போலீசார் மற்றும் போக்குவரத்துக்கு போலீசார்விபத்தில் படுகாயமடைந்தவர்களை மீட்டு உளுந்தூர்பேட்டை அரசு மருத்துவமனைக்கு அனுப்பி வைத்தனர்.
இந்த விபத்தின் காரணமாக அதிகாலையில் சென்னை-திருச்சி தேசிய நெடுஞ்சாலையில் சுமார் இரண்டு மணி நேரத்திற்கும் மேலாக போக்குவரத்து பாதிக்கப்பட்டது. விபத்துக்குள்ளான பேருந்தை கிரேன் மூலம் அப்புறப்படுத்தும் பணியில் போலீசார் ஈடுபட்டனர். இந்த விபத்து குறித்து திருநாவலூர் போலீசார் வழக்குப்பதிவு செய்து விசாரணை நடத்தி வருகின்றனர்.