திருப்பூர், அக். 6 –
திருப்பூர்மாவட்டம் தாராபுரம் இடைத்தேர்தலில் நாம் தமிழர் கட்சி வேட்பாளர் கார்த்திகாவை ஆதரித்து, நேற்று முன்தினம் அக்கட்சியின் தலைமை ஒருங்கிணைப்பாளர் சீமான் குண்டடம் பகுதியில் பிரச்சாரம் மேற்கொண்டார். அப்போது அவர் பேசியதாவது: பங்களாதேஷ், இலங்கையில் வந்த கிளர்ச்சி இங்கு வராது என யாரும் சொல்ல முடியாது. மக்களிடம் வாக்கு பெற எப்படியாவது கவர்ச்சி வாக்குறுதிகள் வழங்கப்படுகின்றன.
தாய்மாமன் தங்க மோதிரம் திட்டம், அண்ணன் சீர் போன்றவை நிதிச்சுமையை ஏற்படுத்தும். இதுபோன்ற திட்டங்க ளால் அரசு பணியாளர்களுக்கு ஓய்வூதியம், பணிக் கொடை வழங்குவது பாதிக்கப்படும். சரியான பொருளாதாரக் கொள்கை இல்லாததால் நிதி நெருக்கடி ஏற்பட்டு, அரசு பணிகள் வழங்கப்படாமல் எல்லாம் ஒப்பந்த பணியாக மாறிவிடும். மேலும், அரசு கஜானா காலியாகும் சூழ்நிலை உருவாகும். பாட்டிலுக்கு பத்து ரூபாய் எனப் பாடியவர் இப்போது பாட மாட்டார், வாய்மூடி கிடக்கிறார்.
இப்போதுபாட்டிலுக்கு 20 ரூபாய் வாங்கப்படுகிறது. லண்டன் சென்று 11 ஆயிரம் கோடி முதலீடு கொண்டு வந்துள்ளதாக கூறுகிறார். அதை இங்குள்ள மார்ட்டின், சிவ்நாடார் ஆகியோரிடம்கூறியிருந்தால் அவர்களே முதலீடு செய்திருப் பார்கள்.
இதற்கு எதுக்கு லண்டன் சென்றார் என தெரியவில்லை. விவசாயம் ஒரு தொழில் இல்லை.
பூமித்தாய் தனது பிள்ளைகளுக்கு தருவது தொழில் இல்லை. அது ஒரு கலாச்சாரம். அரிசி கிடைக்கவில்லை, தண்ணீர் கிடைக்கவில்லை என உனக்கு என்ன கவலை? படுத்துக்கொண்டு விசில் எடுத்து ஊது. “ஊரான் வீட்டு நெய் எடுத்து ஸ்வீட் செய்யாதீங்க” என்று கூறியவர், இப்போது ஏன் அரசு பணத்தில் செய்வதை அண்ணன் சீர், தாய்மாமன் மோதிரம் என பெயர் வைத்துக்கொண்டிருக்கிறீர்கள்? அரசு திட்டம் என்று தானே கூற வேண்டும்.
அவருக்கு 2 ஆண்டில் பொறுப்பு மிக்க பதவியை கொடுத்துவிட்டீர்கள். அவருக்கு என்ன செய்வது எனத்தெரியாமல் அங்கும், இங்கும் சுற்றிக்கொண்டி ருக்கிறார். திட்டத்தைத் தொடங்கி வைக்க வருவதும், செல்வதும் தெரியக்கூடாது. ஆனால், இங்கு 80
கி.மீ.க்கு பேரிகேடு வைத்து வந்து செல்வதா? பண அரசியலை ஒழித்துவிட்டோம் என அவர்தான் சொன்னார்.
இப்போது அவர்தான் அதிகமாக கொடுக்கிறார் என செய்திகள் வருகின்றன. இவ்வாறுஅவர் பேசினார்.
கடலூர் , அக். 6 –
கடலூர் மேற்கு மாவட்டம் நல்லூர் வடக்கு ஒன்றியம் வேப்பூர் தி.மு.க கிளை இளைஞரணி அமைப்பாளர் மூ.முத்துதுரை தந்தையும் கழக மூத்த முன்னோடியுமான
டீக்கடை மூர்த்தி வயது (72) உடல் நலக் குறைவினால் 03.10.2026 சனிக்கிழமை மாலை 4.45 மணி அளவில் மறைவெய்தினார் என்பதை அறிவிக்க வருந்துகிறோம்.
தகவல் அறிந்ததும் நல்லூர் வடக்கு ஒன்றிய இளைஞரணி துணை அமைப்பாளர் வேப்பூர் கூட்டுசாலை வ. குணசேகரன் ஒன்றிய பொறியாளர் அணி துணை அமைப்பாளர் வெ.செல்வராசன் கிளைக் கழக செயலாளர் அ.விஜயன் மற்றும் கிளைக் கழக நிர்வாகிகள் மலர் மாலை வைத்து அஞ்சலி செலுத்தினார்கள்.
மறைவெய்திய அன்னாருக்கு அன்னபூர்ணம் மற்றும் செல்வி என்ற இரண்டு மனைவிகள் அமுதா,மாலதி என்ற இரண்டு மகள்கள் முத்துதுரை என்ற ஒரு மகனும் உள்ளனர்.
அன்னாரின் இறுதி ஊர்வலம் 04.10.2026 ஞாயிற்றுக்கிழமை மாலை அவரது இல்லத்தில் இருந்து புறப்பட்டு வேப்பூரில் உள்ள இடுகாட்டில் நல்லடக்கம் செய்யப்பட்டது.