தென்காசி, அக்.6 –
கழகத் தலைவர் மு.க. ஸ்டாலின் அவர்கள்,கழக இளைஞர் அணி செயலாளர் உதயநிதி ஸ்டாலின் அவர்கள் ஆகிய இருவரும் திராவிட மாடல் ஆட்சியின் போது விளையாட்டு க்கு கொடுத்து வந்த ஊக்கத்தின் காரணமாக அப்போது தங்கப் பதக்கங்கள் வென்ற அபிநயா ராஜராஜன் தற்போது ஜப்பானில் நடைபெற்ற ஆசிய விளையாட்டுப் போட்டியில் வெண்கல பதக்கம் வென்று சொந்த கிராமமான தென்காசி மாவட்டம் கல்லுத்தில் அவருக்கு சிறப்பான வரவேற்பு அளிக்கப்பட்டது.அபிநயா ராஜராஜனை தென்காசி தெற்கு மாவட்ட முன்னாள் செயலாளர் பொ.சிவபத்ம நாதன் நேரில் சந்தித்து வாழ்த்து தெரிவித்தார்.
தற்போது ஜப்பானில் நடைபெற்ற ஆசிய விளையாட்டுப் போட்டியில் வெண்கலம் பதக்கம் வென்றும்,அதற்கு முன்பு உசுப்பேக்கிஸ்தான் நாட்டில் நடைபெற்ற தடகளப் போட்டியில் தங்கப் பதக்கங்கள் வென்றும் கொரியாவில் நடைபெற்ற தடகளப் போட்டியிலும் தங்கம் வென்று சாதனை படைத்த அபிநயா ராஜராஜன் அவர்கள் திறமையை பாராட்டி அவருடைய விளையாட்டு ஆர்வத்தை ஊக்குவிக்கும் வகையில் மேற்கொண்டு அவருடைய திறமையை வளர்க்கிற வகையில் திராவிட மாடல் ஆட்சியின் போது கழகத் தலைவர் மு.க.ஸ்டாலின் அவர்களும் கழக இளைஞர் அணி செயலாளர், முன்னாள் துணை முதல்வரும் தற்போதுஎதிர்க்கட்சித் தலைவருமான உதயநிதி ஸ்டா லின் அவர்களும் ஆண்டுக்கு 30 லட்சம் ரூபாய் வழங்கி விளையாட்டு ஆர்வத்தை ஊக்குவித்தார்கள்.
அந்த ஊக்கத்தின் காரணமாக தற்போது ஜப்பானில் நடைபெற்ற ஆசிய விளையாட்டுப் போட்டியில் அபிநயா ராஜராஜன் அவர்கள் வெண்கல பதக்கம் வென்று இந்தியாவிற்கு பெருமை சேர்த்து தமிழகத்திற்கும் பெருமை சேர்த்துள்ளார்.
திராவிட மாடல் ஆட்சியின் போது இரண்டு தங்கப்பதக்கம் வென்ற அபிநயா ராஜராஜன் தற்போது வெண்கலப் பதக்கமும் பெற்று நேற்று இரவு சொந்த கிராமமான கல்லுத்திற்கு வருகிறபோது ஆலங்குளம் பொதுமக்கள் சார்பிலும்,பெருந்தலைவர் காமராஜர் சிலை பாதுகாப்புக்குழு,ஆலங்குளம் வியாபாரிகள் சங்கம்,ஆட்டோ ஓட்டுநர்கள் சங்கம்,வேன் கார் ஓட்டுநர்கள் சங்கம் ஆலங்குளம் பத்திரிகையாளர்கள் சங்கம், லயன்ஸ் கிளப் ஆகியவைகளின் சார்பில் ஆலங்குளம் பெருந்தலைவர் காமராஜர் சிலை அருகில் அபிநயா ராஜராஜன் அவர்களுக்கு சோனா மகேஷ் தலைமையில் வரவேற்பு அளிக்கப்பட்டது. அதன் பின்னர் பெருந்தலைவர் காமராஜர் அவர்களின் சிலைக்கு மாலை அணிவித்து மரியாதை செலுத்தப்பட்டது.
அந்த வரவேற்பு நிகழ்ச்சியில் பல்வேறு அரசியல் கட்சி பிரமுகர்களும் கலந்து கொண்டு வாழ்த்துக்கள் தெரிவித்தனர்.
அதன் பின்னர் தென்காசி தெற்கு மாவட்ட முன்னாள் செயலாளர் பொ.சிவ பத்மநாதன் தலைமையில் சொந்த ஊரான கல்லுத்திற்குவந்த அபிநயா ராஜராஜனுக்கு ஊர் எல்லையில் சிறப்பான வரவேற்பு அளிக்கப்பட்டது.
ஆலங்குளம் முன்னாள் பேரூராட்சி துணைத் தலைவர் தங்கம் நகைக்கடை அதிபர் தங்க செல்வம் பொன்னாடை அணிவித்து தங்ககாயின் வழங்கி அபிநயா ராஜராஜனை இன்னும் பல போட்டிகளில் கலந்து கொண்டு தங்கம் வென்று நம் நாட்டிற்கும் நம் சொந்த மண்ணிற் கும் பெருமை சேர்க்க வேண்டும் என்று வாழ்த்தினார். நிகழ்ச்சியில் மாவட்ட மாணவரணிமுன்னாள் துணை அமைப்பாளர் தினேஷ் பாண்டியன், மாவட்ட தொண்டர் அணி துணை அமைப்பாளர் பொன் மோகன்ராஜ், மாவட்டப் பிரதிநிதி அன்பழகன்,அபிநயா அவர்களின் தந்தை ராஜராஜன் மோகன் உள்பட பலர்கலந்து கொண்டனர்.