ஃபோனில் போதைப் பவுடர். இதுவரைக்கும் நடவடிக்கை எடுக்கவில்லை, கேட்டால் தலைவலி மாத்திரை என்றார். திருட்டு வி.சி.டி. அமைச்சர். எல்லாருமே திருட்டு வி.சி.டி. விற்றவர்கள்தான். கடைசியாக, `திருட்டு லாட்டரி அமைச்சர்’. இதுதான் தமிழ்நாட்டினுடைய அமைச்சரவைப் பட்டியல்.
இவர்கள்தான் ஆட்சி அமைத்து, ஆட்சி நடத்திக்கொண்டிருக்கிறார்கள். கேட்டால் என்ன தெரியுமா கூறுவார்? `கெரியரின் உச்சத்தில் இருந்து வந்தேன்’. எப்போது கேட்டாலும், `கெரியரையே விட்டுவிட்டு வந்துவிட்டேன்’ என்று கூறிவிட்டு இன்று தாராபுரத்தில் வாக்காளர்கள் ஒவ்வொருவருக்கும் `டிபன் கேரியர்’ கொடுத்துக் கொண்டிருக்கிறார்கள்! பணத்தை வைத்து டிபன் கேரியர் கொடுத்துக் கொண்டிருக்கிறார்கள். இப்பொழுது இருக்கக்கூடிய முதலமைச்சர் என்ன தெரியுமா சொல்கிறார்.
‘‘நாங்கள் எல்லாம் தூய்மையான ஆட்சி அமைத்திருக்கிறோம்’’. இது தூய்மையான ஆட்சி கிடையாது, துப்பினால் துடைத்துக் கொள்கின்ற ஆட்சி! அதைச் சொன்னது யார் என்று தெரியும் அல்லவா உங்களுக்கு? இப்போது அவர் அங்குதான் இருக்கிறார். நம்மோடு கொஞ்ச நாள் சுற்றிக்கொண்டு இருந்தார், இப்போது அங்குப் போய்விட்டார். ஏன் நான் சொல்கிறேன்?
இது தூய்மையான ஆட்சி கிடையாது, காறி உமிழ்ந்தால் துடைத்துக் கொள்கின்ற ஆட்சி என்று ஏன் சொல்கிறேன் தெரியுமா? ஆட்சி அமைந்த உடனே அவருடைய ஜோதிடர் ஒருவர் இருக்கிறார். அந்த ஜோதிடரை அரசு ஆலோசகராக வைத்துக்கொண்டார். எல்லாரும் காறி துப்பினார்கள், எதிர்க்கட்சிகள் எல்லாம் கேள்வி கேட்டார்கள், மக்கள் காறி துப்பியவுடன் அதை ரத்து செய்துவிட்டார்.
துடைத்துக் கொள்கின்ற ஆட்சி!
அடுத்து இப்போது, `பட்டினப்பாக்கத்தில் தலைமைச் செயலகம் கட்டுவேன்’ என்று சொன்னார், நான் ஏற்கனவே சொன்னேன் அல்லவா பீச் வியூ. அதை மக்கள் இப்போது காறி உமிழ்ந்தவுடனே அதையும், ``இல்லை, நான் யோசித்துச் சொல்கிறேன்’’ என்று கூறிவிட்டார்.
நேற்று பார்த்தீர்கள் என்றால் மாநில நெடுஞ்சாலைகளிலெல்லாம் இந்தியில் எழுத ஆரம்பித்தார். மக்கள் எல்லாம் காறி இப்போது துப்பியவுடன், அந்தத் திட்டத்தைக் கைவிட்டுவிட்டார்.
`சட்டம்-ஒழுங்கு தகவல் அறியும் உரிமைச் சட்டத்தில் வராது’ என்று நடுவில் ஓர் அரசாணை வெளியிட்டார்கள். மக்கள் அனைவரும் காறி துப்பியவுடன் இன்று அதையும் திரும்பப் பெற்றுக்கொண்டார்கள். அதனால்தான் சொல்கிறேன், திரும்பத் திரும்பச் சொல்கிறேன், இது தூய ஆட்சி கிடையாது; காறி துப்பினால் துடைத்துக் கொள்கின்ற ஆட்சி.
இந்த ஆட்சிக்கு இன்னொரு முக்கியமான விஷயம். நான் இந்த முதலமைச்சருக்கு வைத்திருக்கிற செல்லப்பெயர் உங்களுக்குத் தெரியும். நம்பர் ஒன் ஓடுகாலி முதலமைச்சர். எதற்கும் பதில் சொல்லத் துப்பில்லை. சட்டமன்றத்தில் காவல்துறை மானியக் கோரிக்கையில் நான் பேசினேன், 40 நிமிடங்கள் பேசினேன், 18 கேள்விகள் கேட்டேன். கடந்த ஐந்து மாதங்களில் 500 படுகொலைகள் நடந்திருக்கின்றன. கடந்த ஐந்து மாதங்களில் கிட்டத்தட்ட 400 பாலியல் வன்கொடுமைகள் நடந்திருக்கின்றன. ஐந்து மாதங்களில் போதைப் பொருள் பழக்கம் எவ்வளவு உயர்ந்திருக்கிறது.
சட்டமன்ற உறுப்பினர்கள் மேல் புகார் வந்திருக்கிறது, பாலியல் வன்கொடுமை, ஸ்ரீவைகுண்டம் சட்டமன்ற உறுப்பினர் சரவணன் அவருடைய பெயர், அவர் மேல் ஒரு பெண் புகார் கொடுத்திருக்கிறார், எந்த நடவடிக்கையும் எடுக்கவில்லை. எப்போது நடவடிக்கை எடுப்பீர்கள் என்று 18 கேள்விகள் கேட்டேன்.
அவர் ஓடிப்போய்விட்டார்!
வேகமாக முதலமைச்சர் எழுந்தார். நான் என்ன சொன்னேன் என்றால், மூன்று நாட்கள் கால அவகாசம் இருக்கிறது, நான் பேசியது வியாழக்கிழமை, மூன்று நாட்கள் விடுமுறை. முதலமைச்சர் மூன்று நாட்கள் சென்று ஆயத்தமாகிவிட்டு வாருங்கள், அரசு அதிகாரிகள் இருக்கிறார்கள் அவர்களிடம் கேளுங்கள் என்றவுடனே சபாநாயகர் உள்ளே வந்துவிட்டார். என்ன செய்தார்? “எதிர்க்கட்சித் தலைவர் இப்படி எல்லாம் பேசக்கூடாது, எங்கள் முதலமைச்சர் எப்போதுமே ஆயத்தமாகத்தான் இருப்பார்’’ என்றார்.
நான் கூறினேன், ``அப்படியா, ஆயத்தமாக இருக்கிறாரா, இப்போதே பதில் சொல்லச் சொல்லுங்கள், நான் உட்கார்ந்து கேட்கிறேன்’’ என்றேன். பயந்துவிட்டார். பயந்துவிட்டு, ``என்னடா இப்படி மாட்டி விடுகிறார்களே’’ என்று சொல்லிவிட்டு எழுந்தார் முதலமைச்சர். நான் கூட ``சரி, ஏதோ பேசப் போகிறார்’’ என்று நினைத்து உட்கார்ந்தேன். உட்கார்ந்து மேலே பார்க்கிறேன், ஆளைக் காணோம். உட்கார்ந்து கொண்டு எதிரே பார்க்கிறேன், காணோம்! ``நான் திங்கட்கிழமை வந்து பதில் சொல்கிறேன், யாரும் ஓடிவிடாதீர்கள்’’ என்று கூறி அவர் ஓடிப்போய்விட்டார்.
நடுவில் சேலத்திற்குச் சென்றார், உங்களுக்குத் தெரியும். சேலத்திற்குச் சென்று நம்முடைய மேட்டூர் அணையைத் திறந்து விட்டார். திறந்து விட்டுவிட்டு என்ன செய்தார், அங்குப் போகின்ற வழியில் ஒரு பாட்டி இருந்தார். அந்தப் பாட்டிக்குக் கண்ணாடி மாட்டி விட்டார்., அது அப்படியே இருக்கட்டும்.
இப்போது முதலமைச்சர் காலை உணவுத் திட்டம் நம்முடைய தலைவர் கொண்டு வந்த திட்டம். ஒன்றாம் வகுப்பிலிருந்து ஐந்தாம் வகுப்பு வரைக்கும் அனைத்துக் குழந்தைகளுக்கும் முதலமைச்சர் காலை உணவுத் திட்டம் கொண்டு வந்தார். அந்தத் திட்டத்தை இவர்கள் பெயரை மாற்றிவிட்டார்கள், விரிவாக்கம் செய்திருக்கிறார்கள், ஐந்தாம் வகுப்பிலிருந்து எட்டாம் வகுப்பு என்று ஆக்கிவிட்டார்கள். அந்தத் திட்டத்தினுடைய துவக்க விழாவிற்கு முதலமைச்சர் செல்கிறார். ஒரு குழந்தையோடு உட்கார்ந்து சாப்பிடுகிறார், அந்தக் குழந்தைக்குச் சாப்பாடு ஊட்டிவிட்டார். அங்குப் பாட்டிக்குக் கண்ணாடி மாட்டி விட்டார், இங்குப் குழந்தைக்குச் சாப்பாடு ஊட்டி விட்டார். இப்போது அந்தப் பாட்டியும் பேட்டி கொடுத்துவிட்டார், இந்தக் குழந்தையும் பேட்டி கொடுத்துவிட்டது. பாட்டி 10 பேட்டி கொடுத்துவிட்டார், குழந்தை ஒரு 10 பேட்டி கொடுத்துவிட்டது. ஆனால், முதலமைச்சர் இப்போது வரைக்கும் பத்திரிகையாளர்களைப் பார்த்தால் ஓடிப்போய்விடுகிறார். முதலமைச்சர் இப்போது வரைக்கும் ஒரு பேட்டி கூட கொடுத்தது இல்லை. அதனால்தான் சொல்கிறேன், நம்பர் ஒன் ஓடுகாலி முதலமைச்சர்.
பாடம் புகட்ட வேண்டும்!
சீப் மினிஸ்டர் இல்லை, சீட்டிங் மினிஸ்டர். நம்பர் ஒன் சீட்டிங் மினிஸ்டருக்கு இந்தத் தேர்தலில் ஒரு சரியான பாடத்தைப் புகட்ட வேண்டும் என்றால், தாராபுரத்தில் மீண்டும் உதயசூரியன் வெற்றி பெற்றுவிட்டது என்ற செய்தி 9-ஆம் தேதி வர வேண்டும். அதை நீங்கள் செய்து காட்ட வேண்டும்.
இங்கு இருக்கக்கூடிய கழகத் தோழர்கள் நீங்கள் அத்தனை பேரும் முடிவு செய்துவிட்டீர்கள். வந்திருக்கக்கூடிய தாய்மார்கள், இந்தப் பகுதி வாக்காளப் பெருமக்களிடத்தில் நான் கேட்டுக்கொள்வது, வைக்கும் ஒரே வேண்டுகோள்: அடுத்து இரண்டு நாட்கள் இருக்கின்றன, 6-ஆம் தேதி தேர்தல். நீங்கள் ஒவ்வொருவரும் பிரச்சாரம் செய்யுங்கள். 6-ஆம் தேதி வாக்குச்சாவடிக்குச் சென்றீர்கள் என்றால், வாக்குப்பெட்டியில் மூன்றாவது இடம் சகோதரி சுகன்யாவின் பெயர் இருக்கும், பக்கத்தில் உதயசூரியன் சின்னம் இருக்கும். 6-ஆம் தேதி மூன்றாவது இடத்தில் இருக்கும் பெயர், வாக்கு எண்ணிக்கையான 9-ஆம் தேதி முதல் இடத்தில் வந்து உதயசூரியன் வெற்றி பெற்றுவிட்டது என்ற செய்தி வந்தாக வேண்டும்.
செய்து காட்ட வேண்டும் என்று உங்கள் எல்லோரையும் அன்போடு கேட்கிறேன், பண்போடு கேட்கிறேன், பாசத்தோடு கேட்கிறேன், உரிமையோடு கேட்கிறேன். உங்கள் வீட்டுப் பிள்ளையாக இருந்து கேட்கிறேன், தலைவருடைய மகனாக இருந்து கேட்கிறேன், இன்னும் பெருமையாகப் பூரிப்பாகச் சொல்ல வேண்டுமென்றால், டாக்டர் கலைஞருடைய பேரனாக இருந்து உதயசூரியன் சின்னத்தில் சுகன்யாவிற்கு வாக்களியுங்கள். உங்கள் அன்புக்கும் வரவேற்புக்கும் நன்றி.
இவ்வாறு கழக இளைஞர் அணிச் செயலாளரும் சட்டமன்ற எதிர்க்கட்சித் தலைவருமான உதயநிதி ஸ்டாலின் எழுச்சிமிக்க உரையாற்றினார்.
பங்கேற்றவர்கள்
கழக முதன்மைச் செயலாளர், முன்னாள் அமைச்சர் கே.என்.நேரு , கழகத் துணைப் பொதுச்செயலாளர் ஐ.பெரியசாமி, ஆ.ராசா, அந்தியூர் செல்வராஜ், வெள்ளக்கோயில் சாமிநாதன், மண்டலப் பொறுப்பாளர், முன்னாள் அமைச்சர் செந்தில் பாலாஜி, மாவட்டக் கழகச் செயலாளர் இல.பத்மநாபன் , முன்னாள் அமைச்சர் அன்பில் மகேஷ் பொய்யாமொழி , முன்னாள் அமைச்சர் சகோதரி கயல்விழி செல்வராஜ் , நாடாளுமன்ற உறுப்பினர்கள் தர்மபுரி மணி, ஈரோடு பிரகாஷ், சட்டமன்ற உறுப்பினர்கள் அப்துல் வஹாப், சீனிவாசன், ஜெயக்குமார், மாவட்டக் கழகச் செயலாளர்கள் காடுவெட்டி தியாகராஜன், வைரமணி, மேயர் அன்பழகன், வடக்கு மாவட்ட மாநகரப் பொறுப்பாளர்தங்கராஜ், முன்னாள் சட்டமன்ற உறுப்பினர்கள், செயற்குழு உறுப்பினர் தனசேகர், மாவட்டக் கழகத் துணைச் செயலாளர் கே.ஆர்.முத்துக்குமார், ஒன்றியச் செயலாளர்கள் எஸ்.ஆர்.எஸ்.செல்வம், கே.கே.சிவானந்தன், நகரமன்றத் தலைவர் பாப்பு கண்ணு, மாநில இளைஞர் அணித் துணைச் செயலாளர் இன்பா ரகு, ஆனந்தகுமார், தாராபுரம் நகரக் கழகச் செயலாளர் முருகானந்தம், மாவட்ட இளைஞர் அணி அமைப்பாளர்கள் யுவராஜ், மதியழகன், வில்சன் மணித்துரை, ஜெகனாதன், மாநகர இளைஞர் அணி அமைப்பாளர்கள் அருண்சுந்தர், கருப்பசாமி கோட்டையப்பன், மாவட்ட மாணவர் அணி அமைப்பாளர் குகன் மற்றும் மதச்சார்பற்ற முற்போக்குக் கூட்டணிக் கட்சி நிர்வாகிகள் உள்பட கழக முன்னணியினர் பலரும் கலந்துகொண்டனர்.