சென்னை, அக். 6–
சமையலில் முக்கிய பங்கு வகித்து வரும் தக்காளி விலை தொடர்ந்து அதிகரித்து வருகிறது. கிலோ ரூ.60க்கு விற்பனையாவ தால் இல்லத்தரசிகள் அதிர்ச்சிடைந்துள்ளனர். தமிழகத்தை பொறுத்தவரை கடந்த 2 மாதமாக அரிசி, பருப்பு உள்ளிட்ட அத்தியாவசிய பொருட்கள் கடுமையாக அதிகரித்து வருகிறது. இதனால், பொதுமக்கள் கடும் சிரமத்திற்கு ஆளாகி வருகின்றனர். தொடர் விலை அதிகரிப்பால் ஒவ்வொரு குடும்பத்திலும் பட்ஜெட்டில் அதற்காக கூடுதல் பணம் ஒதுக்கும் நிலைக்கு இல்லத்தரசிகள் தள்ளப்பட்டுள்ளனர்.
இந்நிலையில் தக்காளி விலை அதிரடியாக உயர தொடங்கியுள்ளது. சென்னை கோயம்பேடு மார்க்கெட்டிற்கு ஆந்திரா, கர்நாடகா,தமிழ்நாடு ஆகிய பகுதிகளில் இருந்து தினசரி 60 வாகனங்களில் இருந்து 1,300 டன் தக்காளிவருவது வழக்கம். ஆனால்,கடந்த சில நாட்களாக தக்காளி வரத்து என்பது குறைந்து வருகிறது. இதனால், தக்காளி விலை தொடர்ந்து உயர்ந்து வருகிறது.
இந்நிலையில் சென்னை கோயம்பேடு மார்க்கெட்டுக்கு நேற்று தக்காளி வருகை பாதியாக குறைந்தது. அதாவது 35 லாரிகளில் மட்டுமே தக்காளி விற்பனைக்காக வந்தது. வரத்து குறைவால் தக்காளி விலை அதிரடியாக உயர்ந்தது. இதனால் ஒரு கிலோ தக்காளி ரூ.40க்கு விற்பனையானது. மொத்த மார்க்கெட்டில் தான் இந்த விலை. ஆனால், வெளிமார்க்கெட்டில் தக்காளி கிலோ ரூ.60க்கு விற்பனையானது. இந்த விலை உயர்வு இல்லத்தரசிகளை அதிர்ச்சி அடைய செய்துள்ளது.
இதுகுறித்து இல்லத்தரசிகள் கூறுகையில், ‘‘கிலோ ரூ.5க்கு விற்ற தக்காளி தற்போது பல மடங்கு ஏறி உள்ளது. தக்காளிக்கு மட்டுமே இவ்வளவு விலை என்றால் மற்ற காய்கறிகளை எப்படி வாங்க முடியும். நடுத்தர குடும்பத்தின ருக்கு தக்காளி விலை உயர்வு என்பதுசிரமம்தான்” என்றனர். வறட்சி காரணமாக தக்காளி உற்பத்தி பாதிக்கப்பட்டுள்ளதாக வியாபாரிகள் கூறியுள்ள னர்.
வரும் நாட்களில் தக்காளி வரத்து குறையும் பட்சத்தில் தக்காளி விலை மேலும் அதிகரிக்க தான் வாய்ப்பு உள்ளதாக மொத்த வியாபாரிகள் தெரிவித்துள்ளனர். இதேபோல பெரிய வெங்காயமும் விலை உயர்ந்து வருகிறது. மொத்த விற்பனையில் ஒரு கிலோ வெங்காயம் தரத்தைபொறுத்து கிலோ ரூ.60 வரை விற்கிறது. வெளிமார்க்கெட்டில் கிலோ ரூ.80 வரை அதிகரித்துள்ளது.