சென்னை, அக். 7 –
த.வெ.க.வின் ரீல்ஸ் மாயைக்கு எதிராக இடைத் தேர்தலில் மக்கள் தக்க பாடம் புகட்டுவர் என்று தினகரன் நாளேடு தலையங்கத்தில் கூறியுள்ளது.
இதுகுறித்து 5.10.2026 தேதிய தினகரன் நாளேடு தலையங்கத்தில் கூறியிருப்பதாவது:–
தமிழகத்தில் இடைத்தேர்தல் நடக்கும் மதுராந்தகம், தாராபுரம் ஆகிய இரு தொகுதிகளிலும் நேற்று மாலையோடு பிரச்சாரம் முடி வடைந்தது. இந்த தேர்தல் களத்தில் த.வெ.க., தி.மு.க., அ.தி.மு.க., நா.த.க. மற்றும் கம்யூனிஸ்ட் கட்சிகள் களம் காண்பதால், 5 முனை போட்டி நிலவுகிறது. தமிழகத்தில் இடைத்தேர்தல் என்றாலே அதில் ஆளும் கட்சியினரின் பணபலமும், படைபலமும் வெற்றி பெறும் என்கிற மாயைகளைதாண்டி, இந்த இடைத்தேர்தலில்5 முனை போட்டி நடப்பதற்கு பல்வேறு காரணங்கள் உள்ளன.
பொதுவாகவே இடைத்தேர்தல்கள் நியாயமான முறையில் நடக்காது என கூறி கொண்டு, சில
சமயங்களில் பிரதான கட்சிகள் கூட ஒதுங்கி கொள்வது வழக்கம். ஆனால் இம்முறை நடுநிலை வகிக்கும் பா.ம.க. தவிர்த்து மற்ற கட்சிகள் அனைத்துமே தேர்தலில் வெற்றி பெற முனைப்பு காட்டுகின்றன. அதற்கு காரணம் கடந்த 5 மாதங்களில் த.வெ.க. ஆட்சிக்கு மக்கள் மத்தியில் காணப்படும் எதிர்ப்பலையே காரணமாகும்.
தமிழகத்தில் கடந்த மே மாதம் நடந்த சட்டசபை தேர்தலில் எந்த கட்சிக்கும் பெரும்பான்மை கிடைக்க வில்லை. த.வெ.க. 108 இடங்களை பெற்று தனிப்பெரும் கட்சியாக உருவெடுத்திருந்தாலும், தி.மு.க. கூட்டணியில் போட்டியிட்ட காங்கிரஸ், விடுதலை சிறுத்தைகள், கம்யூனிஸ்டுகள் உள்ளிட்ட கட்சிகளின்
ஆதரவைபெற்றே ஆட்சி அமைக்க முடிந்தது. சட்டசபை தேர்தலில் வெற்றி பெற்று ஆட்சியை
அமைப்போம் என்ற நம்பிக்கையே இல்லாமல்,
த.வெ.க. தலைவர் விஜய் குடும்ப தலைவிகளுக்கு மாதம் ரூ.2500, ஏழை பெண்களுக்கு ஒரு சவரன் தங்கம், பட்டுசேலை, ஆண்டுக்கு 6 சிலிண்டர் திட்டம், தமிழகத்தில் நவீன வசதிகளுடன் 100 காமராஜர் பள்ளிகள், விவசாய கடன்கள் முழுமையாக தள்ளுபடி என வாய்க்குவந்தபடி வாக்குறுதிகளை அள்ளி விட்டிருந்தார். பிரச்சா ரத்திற்கும் கூட ஏதோ சென்று வருவோம் என்கிற கதையாய், ஒருநாள் விட்டு ஒருநாள் 10 முதல் 15 நிமிடங்கள் கூட்டங்களில் பேசிவிட்டு வந்தார்.
ஆனால் யாருமே எதிர்பாராத வகையில், பொதுமக்கள் ரீல்ஸ்களுக்கு மயங்கியும், சினிமா மாயையிலும் த.வெ.க.வை அரியணை ஏற்றினர். அரசியல் அனுபவம் இல்லாத ஒரு புதிய தலைமுறை, ஆட்சி அதிகாரத்தை கைப்பற்றி, அதை முறையாக கையாள தெரியாமலும், மக்களுக்கு அறிவித்த திட்டங்களை செயல்படுத்த முடியாமலும் இதுநாள் வரை தவித்து வருகிறது. அறுதி பெரும்பான்மை இல்லாததால்,
அ.தி.மு.க.வை உடைத்து, அ.ம. மு.க.வை சிதைத்து, காரல் மார்க்ஸ் பட்டறையில் பயின்ற கம்யூனிஸ்டுகளையும் மதில் மேல் பூனையாக்கி இந்த ஆட்சி நடைபெற்று கொண்டிருக்கிறது.
காங்கிரசிற்கும் காவல், பா.ஜ.விற்கும் தோழன் என்பதுபோல் த.வெ.க. அரசின் கொள்கை முடிவுகள், இன்று வரை தமிழக வாக்காளர்களை தலை சுற்ற வைக்கிறது. இந்நிலையில் தமிழகத்தில் நடக்கும் இடைத்தேர்தல், ஆளும் த.வெ.க.வின் ஆட்சி செயல்பாடுகளை எடை போடும் தேர்தல் எனலாம். தூய அரசியல் என சொல்லிக்கொண்டு ஆட்சிக்கு வந்த வர்கள், குதிரை பேரம் நடத்தி ஆட்சியை தக்க வைக்க நடத்தும் நாடகங்களை வாக்காளர்கள் கண்காணிக்க தவறவில்லை.
தங்கள் ஆட்சிக்கு எதிரான அதிருப்தி கண்கூடாக வெளிப்படுகிறது என்பதை அறிந்தே, சட்டசபை தேர்தலில் ஒரு தொகுதியில் 5 முதல் 10 நிமிடம் பேசிய முதல்வர் விஜய், இப்போது மதுராந்தகம், தாராபுரம் தொகுதிகளில் டெண்ட் அடித்து தங்காத குறையாக பிரச்சாரம் செய்து வருகிறார். மாயைகள் மக்களிடம் வெகுகாலம் எடுபடாது என்பதை இந்த அரசுக்கு இடைத்தேர்தல் முடிவுகள் மூலம் வாக்காளர்கள் பாடம் புகட்ட வேண்டும் என்பதே எதிர்க்கட்சிகளின் விருப்பம்.
இவ்வாறுஅத்தலையங்கத்தில்குறிப்பிடப்பட்டுள்ளது.