காட்­பாடி, அக். 7–

பள்­ளி­யில் காலை உணவு, தங்க மோதிர திட்­டம், மக­ளிர் பய­ணத்­திட்­டம் ஆகி­யவை தி.மு.க. ஆட்­சி­யில் கொண்டு வரப்­பட்ட திட்­டங்­கள் என தி.மு.க. பொதுச்­செ­ய­லா­ளர் துரை­மு­ரு­கன் தெரி­வித்­துள்­ளார்.

காட்­பா­டி­யில் செய்­தி­யா­ளர்­க­ளி­டம்பேசிய தி.மு.க. பொதுச்­செ­ய­லா­ளர் துரை­மு­ரு­கன், தி.மு.க. சாமா­னிய மக்­க­ளுக்­காக தொடங்­கப்­பட்ட கட்சி என தெரி­வித்­தார். தேர்­த­லுக்­காக மட்­டும் மக்­களை சந்­திக்­கும் கட்சி தி.மு.க. கிடை­யாது என்­றும், தி.மு.க.வினர் பார்க்­காத குக்­கி­ரா­மங்­களோ,போகாத இடமோ, சந்­திக்­காத மக்­களோ இல்லை என்­றும் அவர் தெரி­வித்­தார். அதே­போன்று, நாங்­கள் பார்க்­காத வெற்­றியோ, தோல்­வியோ இல்லை என்­றும் அவர் குறிப்­பிட்­டார். பள்­ளி­க­ளில் காலை உணவு, தங்க மோதி­ரம், மக­ளிர் பய­ணம் உள்­ளிட்ட திட்­டங்­கள் தி.மு.க. ஆட்­சி­யில் கொண்டுவரப்­பட்­டவை என்­றும் அவர் கூறி­னார்.

இடைத் தேர்­த­லுக்­காக

தெருத் தெரு­வாக அலை­யும் விஜய்!

கொளத்­தூ­ரில் 5 நிமி­டம் பேசி­ன­துக்கே கொத்து பரோட்டா போட்­ட­தாக சொன்ன முத­ல­மைச்­சர் விஜய், இப்­போது, மது­ராந்­த­கம், தாரா­பு­ரம் தொகு­தி­க­ளில் பல மணி­நே­ரம் பிர­சா­ரம் செய்­த­தாக அவர் குறிப்­பிட்­டார்.இடைத்­தேர்­தல் பிர­சா­ரத்­திற்­காக, எந்த முத­ல­மைச்­ச­ரும் இப்­படி தெருத் தெரு­வாக, வீதி வீதி­யாக அலைந்­தது கிடை­யாது என்­றும் திமுக பொதுச்­செ­ய­லா­ளர் துரை­மு­ரு­கன் கூறி­னார். முத­ல­மைச்­சர் விஜய் தன்­னைத் தானே, அண்ணா, எம்.ஜி.ஆர்., ஜெய­ல­லி­தா­வு­டன் ஒப்­பிட்­டுக்­கொள்­வ­தா­க­வும் விமர்­சித்­தார்.

த.வெ.க. ஆட்­சி­யில்

தமிழ்­நாட்­டில் இந்தி திணிப்பு!

தி.மு.க. ஆட்­சி­யில், தேசிய நெடுஞ்­சா­லை­யில் இருந்த விளம்­பர பல­கை­க­ளில் இந்தி தவிர்க்­கப்­பட்­டி­ருந்­த­தா­க­வும், தற்­போது, த.வெ.க. ஆட்­சி­யில் அந்த மொழி மீண்­டும் வரு­வ­தா­க­வும் கூறி­னார். தமிழ், ஆங்­கி­லம் என்று இருந்த விளம்­ப­ரப் பல­கை­க­ளில் தற்­போது, இந்­தி­யும் சேர்க்­கப்­பட்­டி­ருப்­ப­தாக குற்­றம்­சாட்­டி­னார். இதற்கு தமி­ழக அரசு எந்த விளக்­க­மும் அளிக்­க­வில்லை என்­றும் துரை­மு­ரு­கன் குற்­றம்­சாட்­டி­னார்.