சென்னை, அக். 7–
தேர்தல் ஆணையத்தின் SIR மூலம்
தமிழ்நாடு சட்டப்பேரவைத் தேர்தல் முடிவுகள் மாறியுள்ளதாக, the hindu businessline ஆங்கிலப் பத்திரிகை பரபரப்புத் தகவலை வெளியிட்டுள்ளது. அதிக எண்ணிக்கை
யிலான வாக்காளர் நீக்கங்கள் நடந்த
தொகுதிகளில், த.வெ.க. அதிக தொகுதிகளிலும், குறைவாக வாக்காளர்கள் நீக்கப்பட்ட தொகுதிகளில் த.வெ.க. வெற்றி வாய்ப்பை இழந்துள்ளதும் அம்பலமாகியுள்ளதாக அந்த சிறப்பு கட்டுரையில் புள்ளி விவரங்களுடன் குறிப்பிடப்பட்டுள்ளது.
தமிழ்நாடு தேர்தல் முடிவுகள் குறித்து the hindu businessline ஆங்கில பத்திரிகை அண்மையில் மேற்கொண்ட பகுப்பாய் வில் பல்வேறு அதிர்ச்சி தகவல்கள் வெளி யாகியுள்ளன. அதில், சிறப்புத் தீவிர வாக்காளர் பட்டியல் திருத்தத்தின்போது மேற்கொள்ளப்பட்ட வாக்காளர் நீக்கங்கள், தமிழ்நாடு சட்டமன்றத் தேர்தல் முடிவுகளை மாற்றியமைத்திருப்பது புள்ளிவிபர ஆதாரங்களுடன் சுட்டிக்காட்டப்பட்டுள்ளது.
அதிக எண்ணிக்கையிலான வாக்காளர் நீக்கங்கள் நடந்த தொகுதிகளில் த.வெ.க. அதிகப்படியான இடங்களில் வெற்றி பெற்றுள்ளதாக அதில் தெரிவிக்கப்பட்டுள்ளது.
SIR பணியில் நடந்ததாகக் கூறப்படும் முறைகேடுகளில் பல லட்சம் வாக்காளர்களின் பெயர்கள் நீக்கப்பட்டதால்தான்,
சட்டப்பேரவை தேர்தலில் தி.மு.க.
தோல்வியடைந்ததாக தி.மு.க.தலைவர் மு.க.ஸ்டாலின் கூறியதையும் the hindu businessline சிறப்பு கட்டுரை
சுட்டிக்காட்டியுள்ளது.
புள்ளிவிவரங்கள்!
வாக்காளர்கள் குறைவாக நீக்கப்பட்ட தொகுதிகளில், த.வெ.க.வின் வெற்றி
விகிதம் குறைவாகவும், வாக்காளர்கள்
அதிகமாக நீக்கப்பட்ட தொகுதிகளில் த.வெ.க. அதிக வெற்றியை பதிவு செய்துள்ளதாகவும் குறிப்பிடப்பட்டுள்ளது. தமிழ்நாட்டில் மொத்தம் உள்ள 234 தொகுதிகளில், 19 தொகுதிகளில் வாக்காளர் நீக்கம் 10 ஆயிரத்துக்கும் குறைவாக இருந்தது. இவற்றில், த.வெ.க. வெறும் 2 இடங்களிலும், தி.மு.க. 7 இடங்களிலும், அ.தி.மு.க. 6 இடங்களிலும், மற்ற கட்சிகள் 4 இடங்களிலும் வெற்றி பெற்றதாக கூறப்பட்டுள்ளது. அதேநேரம், 10 ஆயிரம் முதல் 20 ஆயிரம் வாக்காளர்கள் வரை நீக்கப்பட்ட 80 சட்டப்பேரவை தொகுதிகளில் த.வெ.க. 22 இடங்களிலும், தி.மு.க. 20 இடங்களிலும், அ.தி.மு.க. 24 இடங்களிலும், மற்ற கட்சிகள் 14 இடங்களிலும் வெற்றி பெற்றதாக புள்ளி விவரங்களுடன் the hindu businessline குறிப்பிட்டுள்ளது.
இதேபோன்று, 20 ஆயிரம் முதல் 30 ஆயிரம் வரையிலான வாக்காளர்கள் நீக்கப்பட்ட 66 தொகுதிகளில் த.வெ.க. 32 இடங்களிலும், தி.மு.க. 21 இடங்களிலும், அ.தி.மு.க. 11 இடங்களிலும், மற்ற கட்சிகள் 2 இடங்களிலும் வெற்றி பெற்றதாகவும் சிறப்பு கட்டுரையில் குறிப்பிடப்பட்டுள்ளது.
தேர்தல் முடிவுகள்
த.வெ.க.வுக்குச் சாதகமானது எப்படி?
இந்த பகுப்பாய்வுகளின்படி, வாக்காளர் நீக்கங்களின் எண்ணிக்கை அதிகரிக்கும்போது, தேர்தல் முடிவுகள் த.வெ.க.வுக்கு சாதகமாக அமைந்திருப்பது தெளிவாக தெரிவதாகவும் கூறப்பட்டுள்ளது.
30 ஆயிரம் முதல் 50 ஆயிரம் வரை யிலான வாக்காளர்கள் நீக்கப்பட்ட 37 தொகுதிகளில், த.வெ.க. 24 தொகுதிகளிலும், தி.மு.க. 8 தொகுதிகளிலும், அ.தி.மு.க. 5 தொகுதிகளிலும் வெற்றி பெற்றன.
50 ஆயிரம் முதல் 80 ஆயிரம் வரையிலான வாக்காளர்கள் நீக்கப்பட்ட 22 தொகுதிகளில் த.வெ.க. 18 இடங்களிலும், தி.மு.க. 3 இடங்களிலும், அ.தி.மு.க. ஒரு இடத்திலும் வெற்றி பெற்றன.
இவற்றிற்கெல்லாம் மேலாக, 80 ஆயிரத்துக்கும் மேற்பட்ட வாக்காளர்கள் நீக்கப்பட்ட 10 தொகுதிகளில் அனைத்திலும்
த.வெ.க.வே வெற்றி பெற்றதாக புள்ளி விவரங்களுடன் the hindu businessline குறிப்பிட்டுள்ளது. 2021 சட்டமன்றத் தேர்தல்களில் அ.தி.மு.க.வெற்றி பெற்ற தொகுதிகளில் 27 ஆயிரம் வாக்காளர்கள் நீக்கப்பட்டுள்ளனர். அதேநேரம், தி.மு.க. வெற்றி பெற்ற தொகுதிகளில் 31 ஆயிரம் வாக்காளர்கள் நீக்கப்பட்டுள்ளதாகவும் சுட்டிக்காட்டப்பட்டுள்ளது.
பொருளாதார நிபுணர்
பரகலா பிரபாகர் கருத்து!
தற்போது நடைபெற்று வரும் வாக்காளர் பட்டியல் திருத்தப் பணிகள், இந்தியர்களை வாக்குரிமை உள்ளவர்கள்மற்றும் இல்லாதவர்கள் என இரு பிரிவுகளாக பிரித்திருப்ப தாக பிரபல பொருளாதார நிபுணர் பரகலா பிரபாகர் கூறியதும் இந்தக் கட்டுரையில்
சுட்டிக்காட்டப்பட்டுள்ளது.