தாராபுரம், அக். 7–
திராவிட முன்னேற்றக் கழகத்துக்கு தான்வெற்றி நிச்சியம் என்று தாராபுரம் சட்டமன்றத் தொகுதி இடைத்தேர்தல் கழக வேட்பாளர் வழக்கறிஞர் எஸ்.சுகன்யா செய்தியாளர்களிடம் கூறினார்!
தாராபுரம் சட்டமன்றத் தொகுதி இடைத்தேர்தல் கழக வேட்பாளர் வழக்கறிஞர் எஸ்.சுகன்யா நேற்று (06.10.2026) காலை 7.00 மணியளவில் தளவாய் பட்டினம் புரட்சி ஒன்றிய ஆரம்பப் பள்ளியில் தனது ஜனநாயக கடமையை ஆற்றினார்.
அப்போது அவர் செய்தியாளர்களிடம்கூறியதாவது :-–
தி.மு.க.வின் வெற்றி உறுதி குறித்த ஆதரவாளரின் கருத்துகள்?
திராவிட முன்னேற்றக் கழகத்தின் வேட்பாளர், வழக்கறிஞர் எஸ். சுகன்யா எனும் நான்என்னுடைய சொந்த ஊரான தளவாய்பட்டினத்தில் உள்ள ஊராட்சி ஒன்றிய ஆரம்பப் பள்ளியில் முதல் நபராக நான் எனது ஜனநாயக கடமையை வெற்றிகரமாக தொடங்கி வச்சிருக்கேன். எங்கள் கழகத் தலைவர் தளபதி அவர்களின் தலைமையிலான திராவிட முன்னேற்றக் கழகத்திற்கு வெற்றி நிச்சயம்.
இங்கே பாதுகாப்பு எல்லாம்
எப்படி இருக்கு?
நல்லா இருக்கு, நான் இங்கு உள்ள அனைத்து வாக்குச்சாவடிகளுக்கும் உள்ளே சென்று ஆய்வு செய்தேன், பொதுமக்கள் அனைவரும் பொறுமையுடனும், எழுச்சியுடனும் அமைதியான முறையில் வாக்களித்து வருகின்றனர்.
ஐந்து முனைப் போட்டி பெரிய சவாலா இருக்கும்னு நினைக்கி றீங்களா?
அப்படி எல்லாம் இல்லை, வெற்றி கண்டிப்பா திராவிட முன்னேற்றக் கழகத்துக்குதான்.
வெற்றிக்கு அடிப்படை காரணமா எது இருக்கும்னு நினைக்கி றீங்க?
தமிழகத்தில் கடந்த மூன்று மாத காலமாக நடந்த ஏமாற்றம் தான் மக்களோட மாற்றமா இருக்கும். ஆட்சி
மாற்றம் தேவை என்று வாக்களித்த அனைத்து மக்களும் இன்று ஏமாற்றம் அடைந்துள்ளனர். இதுவே திராவிட முன்னேற்றக் கழற்றி வெற்றிக்கு
காரணமாக இருக்கும்.
தி.மு.க. தலைவர்களோட பிரச்சாரம் உங்களுக்குஎந்த அளவுக்கு வலு சேர்த்திருக்கும்னு நினைக்கிறீங்க?
கழகத் தலைவர், எந்நாளும் எங்கள் முதலமைச்சர் மு.க.ஸ்டாலின் அவர்கள், கழக இளைஞர் அணி செயலாளர், சட்டமன்ற எதிர்க்கட்சித் தலைவர் உதயநிதி ஸ்டாலின் அவர்கள், கழக துணை பொதுச் செயலாளர், நாடாளுமன்ற குழுத்தலைவர் கவிஞர் கனிமொழி ராஜாத்தி கருணாநிதி மற்றும் கூட்டணிக் கட்சித் தலைவர்களின் பிரச்சாரங்கள் பொதுமக்களிடையே நல்ல மாற்றத்தை ஏற்படுத்தி உள்ளது. கழகத் தலைவர் அவர்களின் ‘‘ரோடு ஷோ”’’” பொதுமக்களிடம் திராவிட முன்னேற்றக் கழகத்தின் சின்னமான உதயசூரியன் சின்னத்திற்கு பெரிதும் வலு சேர்த்தி ருக்கிறது.
தி.மு.கழகத்தினை வெற்றியடையச் செய்ய வேண்டும் என்பதற்காக இடைத்தேர்தல் பொறுப்பாளர்களாக தலைமைக் கழகத்தால் நியமனம் செய்யப்பட்ட கழக துணை பொதுச் செயலாளர், முன்னாள் அமைச்சர் மு.பெ.சாமிநாதன், திருப்பூர் கிழக்கு மாவட்டக் கழகச் செயலாளர் இல.பத்மநாபன்ஏற்பாட்டில் கழக முதன்மைச் செயலாளர், முன்னாள் அமைச்சர் கே.என்.நேரு, கழக துணை பொதுச் செயலாளர், ஒன்றிய முன்னாள் அமைச்சர் ஆ.இராசா உள்பட மாவட்டக் கழக செயலாளர்கள், முன்னாள் அமைச்சர் பெருமக்கள், மாநில, மாவட்டக் கழக நிர்வாகிகள், ஒன்றிய, மாநகர, நகர, பகுதி, வட்டக் கழக, வார்டு கழக, கிளை கழக செயலாளர்கள், நிர்வாகிகள், கழக சார்பு அணிகளின் அமைப்பாளர்கள், துணை அமைப்பாளர்கள், உள்ளாட்சி பிரதிநிதிகள் அனைவரும்
இரவு, பகல் பாராமல் எவ்வளவு தூரம் ஹார்ட்வொர்க் பண்ண முடியுமோ அவ்வளவு தூரம் பண்ணிருக்காங்க. அனைத்து நிர்வாகிகளுக்கும் எனது மனமார்ந்த நன்றியை தெரிவித்துக்கொள்கிறேன்.
சாதகமா என்னென்ன அம்சங்கள் இருக்கும்?
எல்லா அம்சங்களுமே எங்களுக்கு சாதனமாக தான் இருக்கு, அவங்க எதுவுமே பண்ணலையே. கடந்த 3 மாத காலமாக தமிழகத்தில் கொலை, கொள்ளை, பாலியல் குற்றங்கள், லாக்கப் மரணங்கள் தான் அதிக அளவில் நடந்து உள்ளது. விலைவாசி உ-யர்வு, கரண்ட் கட்டண உயர்வு தான் சாதனையாக உள்ளது. கடந்த 2021-ல் நடைபெற்ற எங்களோட திராவிடம் மாடல் ஆட்சியின் 100 நாள் சாதனை திட்டங்களையும் பாருங்க. இப்ப அவங்க உங்க ஆட்சியில் நடைபெற்றுள்ள 100 நாள் திட்டங்களையும் பாருங்க. எதுவுமே இல்லை. மீண்டும் தமிழகத்தில் திராவிட மாடல் ஆட்சி வந்துவிடாதா
என்கிற எதிர்பார்ப்பு மக்கள் இடையேவந்துருச்சு.
ஏற்கனவே இருந்த சட்டமன்ற உறுப்பினர் பதவியை ராஜினாமா
பண்ணிவிட்டு தான் இப்ப த.வெ.க.வில் வேட்பாளராக ஆயிருக்காங்க, அவங்களுக்கு எந்த அளவுக்கு வரவேற்பு இங்க இருக்கும்னு நினைக்கிறீங்க? ஆல்ரெடி நீங்களே சோசியல் மீடியால பார்த்திருப்பீங்க. எல்லா பக்கமும் புறக்கணிச்சிட்டு தானே இருக்காங்க. முதலமைச்சர் அதிக அளவு இங்க ஸ்பென் பண்ணி பிரச்சாரம் பண்ணிருக்காங்க. முதலமைச்சரை நிறுத்தி பேசுற அளவுக்கு வந்து ஒரு பயத்தைஏற்படுத்தி இருக்கிறது எங்களுக்கு மிகப்பெரிய வெற்றி தான் இவ்வாறு செய்தியாளர்களிடம் அவர் கூறினார்.
கோவில்பட்டி – முகமது சாலியாபுரத்தில் வடிகால் அமைக்கப்படும் பணிகளை கழக துணைப் பொதுச் செயலாளர் கனிமொழி ராஜாத்தி கருணாநிதி எம்.பி. பார்வையிட்டார். உடன் கோவில்பட்டி சட்டமன்ற உறுப்பினர் கா.கருணாநிதி, தூத்துக்குடி மேயர் ஜெகன் பெரியசாமி ஆகியோர் உடனிருந்தனர்.