தாராபுரம், அக்.7–

தாராபுரம் தொகுதியில் மூதாட்டிக்கு உதவு வதாகக் கூறி, அவரது வாக்கினை த.வெ.க. சின்னத்திற்கு செலுத்திய தேர்தல் அதிகாரியின் செயல் அதிர்ச்சியை ஏற்படுத்தியுள்ளது.

இச்சம்பவத்தைக் கண்டித்து தி.மு.க.வினர், வாக்கு வாதத்தில் ஈடுபட்டதோடு, நடவடிக்கை எடுக்க கோரி மனு அளித்துள்ளனர்.

தாராபுரம் தொகுதியில் உதயசூரியன் சின்னம், பட்டன் எந்த இடத்தில் இருக்கிறது என கேட்ட மூதாட்டியை ஏமாற்றியதேர்தல் அலுவலர், த.வெ.க. சின்னத்திற்கு வாக்களித்த சம்பவம் அதிர்ச்சியை ஏற்படுத்தியுள்ளது.

தாராபுரத்தை அடுத்த கொழிஞ்சிவாடி வாக்குச் சாவடிக்கு வந்த 75 வயதான ஜெய்தீன் பிபீ என்ற மூதாட்டி ஒருவர் உதயசூரியனுக்கு வாக்களிக்க வேண்டும் அது எந்த பட்டன் என்று கேட்டுள்ளார். அங்கு பணியில் இருந்த தேர்தல் அலுவலர், இரண்டாம் நம்பர் பட்டன் என த.வெ.க. சின்னத்தை காண்பித்து, வாக்களிக்க வைத் துள்ளார். இதனை அறிந்த தாராபுரம் நகர தி.மு.க. செயலாளர் முருகானந்தம் உள்ளிட்டதி.மு.க.வினர் அங்கு சென்று தேர்தல் அதிகாரி மீது நடவடிக்கை எடுக்க கோரி வலியுறுத்தினர். இது குறித்து நடவடிக்கை மேற்கொள்ள வேண்டும் என தி.மு.க. வழக்கறிஞர் செல்வராஜ் உள்ளிட்ட நிர்வாகிகள் மனு அளித்தனர்.