போ லீஸ் கமிஷ்னரின் உத்தரவை, காப்பாற்ற அப்பாவி இளைஞர்கள் மற்றும் இளம்சிறாரை கைது செய்து பைக் ரேஸ் இளைஞர்கள் என முத்திரை குத்தப்பட்டு போலி குற்றவாளிகளை சிறையில் அடைக்கும் காவல் துறையினரால் பாதிக்கப்பட்ட இளைஞர்கள் மற்றும் இளம்சிறாரின் குடும்பங்கள் அவதிப்படுகின்றன..

அவமானத்தால் பள்ளிக்கு செல்லமாட்டேன் என கதறும் மாணவர்கள் பெண்கள் ஓட்டி செல்லும் Fascino வண்டியில் அந்த வழியாக சென்றவர்கள் நம்பர் பிளேட்டுடன் சென்றதால் பெட்ரோல் பங்க்கில் பெட்ரோல் போடும்போது சிசிடிவியில் உள்ள வண்டி எண்ணை வைத்து குற்றவாளி என கைது செய்கிறார்களாம்..

நுங்கம்பாக்கம் வள்ளுவர் கோட்டம் அருகேயுள்ள பகுதியில் பைக் ரேஸ் மற்றும் வீலிங் சாகசத்தில் சில இளைஞர்கள் அதிவேகமாக பைக் ஓட்டி பொதுமக்கள் மத்தியில் பெரும் மீதியை கிளப்பினர். மேலும் சற்று தொலைவில் கோடம்பாக்கம் நெடுஞ்சலையில் இரவு ரோந்து பணியி லிருந்த பாண்டிபஜார் கிரைம் இன்ஸ்பெக்டர் மீது வேகமாக சென்ற ஒரு இருசக்கர வாகனம் மோதி இன்ஸ்பெக்டர் காயமடைந்தார்.

மேலும் சென்னையில் பல இடங்களில் சனிக்கிழமை இரவு என்பதால் இளைஞர்கள் பைக் ரேஸ் சென்றும், வீலீங் செய்து வேகமாக ஓட்டிச்சென்றனர். இதனால் பொதுமக்கள் கோபமடைந்து பைக் சாகச இளைஞர்களை பிடித்து நடவடிக்கை எடுக்க ஆவேசமாக குரல் கொடுத்னர். பல டிவி சேனல்கள், யூடியூப் உள்ளிட்ட சமூகவளை தளங்களில் இச்செய்தி வேகமாக பரவியது..

கடுப்பான சென்னை போலீஸ் கமிஷ்னர் இது போன்ற பைக் ரேஸ் மற்றும் சாகசத்தில் ஈடுபட்டவர்களை பிடித்து ரிமாண்டு செய்ய உத்தரவிட்டார். அனைத்து ஸடேஷன்கள், குறிப்பாக நுங்கம்பாக்கம் ஸ்டேஷன் அலறியது. எங்கேங்கோ சிசிடிவி புட்டேஜ் பார்த்தார்கள். நம்பர் பிளேட் இல்லாத அராஜகத்தில் ஈடுபட்ட 10க்கும் மேற்பட்ட இருசக்கர வாகனங்கள் இருந்தன. ஆனால் அவற்றை ஓட்டிச்சென்றது யாரெனத் தெரியவில்லை.

கமிஷ்னர் உத்தரவை அமுல்படுத்த வேண்டுமே, என்ன செய்வதென்று தெரியாமல் நுங்கம்பாக்கம் வள்ளுவர் கோட்டம் அருகிலுள்ள பெட்ரோல் பங்க் சிசிடிவி யை பார்த்து அங்கு பெட்ரோல் போட்ட அப்பாவி இளைஞர்களின் 3 இருசக்கர வாகனங்களின் பதிவு எண்ணை எடுத்தனர்.

அவர்களின் விலாசங்களுக்கு மதியம் போலீசார் சென்றனர். பெற்றோ ரிடம் ஸபெஷல் டீம் போலீசார் ரொம்ப அன்பாக பேசி சார் உங்க பையன் நேற்று நள்ளிரவு நுங்கம்பாக்கம் பகுதியில் பைக் ரேசில் ஈடுபட்டுள்ளான் என்றபோது பெற்றோர் எங்களது பையன் கட்டாயம் அந்தத் தவறுகளை செய்யமாட்டான் என எவ்வளவோ எடுத்து சொல்லியும் கேட்கவில்லை போலீசார் வண்டியை எங்களிடம் கொடுங்கள். நாங்கள் ஸ்டேசனுக்கு எடுத்துட்டு போறோம். நீங்க பையனை கூட்டிட்டு நுங்கம்பாக்கம் ஸ்டேசன் வாங்க, ஓண்ணுமில்லை. நார்மல் என்கொயரிதான். எழுதி வாங்கி கொண்டு அனுப்பிவிடுவார்கள். நாங்க பாத்துக்கிறோம் என கெஞ்சி பெட்ரோல் போட வந்த இளைஞர்களின் இருசக்கர வாகனத்தை கைப்பற்றிச் சென்றுள்ளனர்.

பெற்றோரும் பையன்களுடன் 04.10.2026 மதியம் நுங்கம்பாக்கம் போலிஸ் ஸ்டேசன் சென்றபோது, பையனிடம் பேசிவிட்டு உங்களை கூப்பிடறோம். நீங்க வெளியே வெயிட் பண்ணுங்கனு சொல்லிட்டு 6 மணி நேரமா என்ன பண்ணாங்கனுதெரியல. பெற்றோர் பலமுறை கேட்டபோதும் வெயிட் பண்ணுங்கனு சொல்லிட்டு திடீர்னு 10.15 மணிக்கு ஒரு பெரிய போலீஸ் வண்டி வந்து 5 இளைஞர்களை வாகனத்தில் ஏற்றி கேஎம்சிக்கு சென்று அவர்களுக்கு மெடிக்கல் பிட்னஸ் வாங்கி அவசரமாக எக்மோர் நீதிபதி குடியிருப்பில் ஆஜர் படுத்தி புழல் ஜெயிலில் அடைத்தனர்.

இதில் போலிஸ் செய்த தவறுகள்.

1. கைது பற்றி அன்று மதியத்திலிருந்து காவல் நிலையம் வெளியே காத்திருந்த அப்பாவி இளைஞர்களின் பெற்றோரிடம் தெரிவிக்கவில்லை.

2. பைக் சாகசத்தில் ஈடுபட்டதாக கைது செய்யப்பட்ட இளைஞர்களின் சிசிடிவி புட்டேஜ் இல்லை.

3. முக்கியமானது நண்பருடன் பெண்கள் ஓட்டி செல்லும் Fascino வாகனத்தில் நண்பருடன் பின்னால் அமர்ந்திருந்த 12ம் வகுப்பு படிக்கும் 16 வயது அப்பாவி பள்ளி மாணவனை கைது செய்து, இரவு 6 மணிக்கு மேல் ஸ்டேசனில் வைத்து விசாரித்துள்ளனர். இளம்சிறாருக்கான சட்ட வழிகளான குழந்தை நல அலுவலர் வரவில்லை. சாதாரண உடை போலீசார் இல்லை. லாக்கப் அருகில் 18 வயது பூர்த்தி அடைந்த மற்ற இளைஞர்களுடன் அமர வைத்து இரவு 10்.15 மணிக்கு கைது செய்யபட்ட மற்ற இளைஞர்களுடன் காவல் வாகனத்தில் ஏற்றி சென்று 1 மணியளவில் கெல்லீஸ் சிறார் விடுதியில் கொண்டு சென்றபோது இளம்சிறார் மீதான குற்றசசாட்டுக்கான ரிமான்ட் ரிப்போர்ட் தயார் செய்யவில்லை.

4. வேடிக்கை என்னவென்றால் இளம்சிறாரும் அவரது நண்பரும் பைக் சாகசத்தில் பயன்படுத்தியது என போலீசார் கைப்பற்றிய வண்டி, பெண்கள் ஓட்டி செல்லும் Fascino வண்டி.. இந்த வண்டியில் வீலிங்கோ, பைக் ரேசோ முடியாது.

5. 5ம் தேதி காலை வரை இளம்சிறாரை சட்டவிரோதமாக காவல் நிலையத்தில் வைத்து மன உளைச்சலுக்கு ஆளாக்கி அவரது அம்மா பயன்படுத்தி வந்த இருசக்கர வாகனம் என தெரிந்தும் காவல்துறையினர் சட்டவிரோதமாக அப்பாவி இளைஞர்கள் மீது நடவடிக்கை எடுத்துள்ளனர்.

6. குழந்தைகள் பாதுகாப்பு அமைப்பு எங்கே?

7. கமிஷ்னரின் ஆதங்கத்தை போக்க அப்பாவி இளையர்களை பலிகடாவாக்கிய போலீஸ் மீது மனித உரிமை மீறல் ஈடுபட்டதற்கு மனித உரிமை ஆணையம் நடவடிக்கை எடுக்குமா?

8. அவர்களை குற்றவாளியாக்கிய முக்கிய சிசிடிவி ஆதாரம் எங்கே?

9. கமிஷ்னருக்காக கட்டபஞ்சாயத்து் செய்த அதிகாரிகள் எங்கே?

10. லஞ்சம் வாங்கும் போலீசார்மீது நேர்மையாக நடவடிக்கைகள் எடுக்கும்கமிஷ்னர், சட்டவிரோதமாக எந்த ஆதாரமும் இல்லாமல் அப்பாவி இளைஞர்கள் மற்றும் சிறார்களை பிடிக்க எந்த சட்டவிதிகளையும் கையாளாமல் சட்டவிரோதமாக செயல்பட்ட காவல்துறை அதிகாரிகள் மீது நடவடிக்கை எடுக்கப்படுமா?

11. கைது செய்யப்பட்டவர்கள் சாகசத்தில் ஈடுபட்டதாக கூறும் சிசிடிவி ஆதாரங்களை வெளியிடுவார்களா?

இது போன்ற கேள்விகளுக்கு த.வெ.க. அரசு பதிலளிக்குமா?