சென்னை, அக். 7 –
தி.மு.க. அங்கம் வகித்த ஐக்கிய முற்போக்குக் கூட்டணி ஆட்சியின் காலத்தில், தமிழுக்கு செம்மொழி அந்தஸ்து பெற்றுத் தந்த வரலாற்றுச் சாதனையை முத்தமிழறிஞர் கலைஞர் மேற்கொண்டார். 2004 அக்டோபர்
12 அன்று தமிழ் செம்மொழியாக
அதிகாரப்பூர்வமாக அறிவிக்கப்பட்டது.
அதன் தொடர்ச்சியாக, 2008 மே19 அன்று சென்னையில் செம்மொழித்தமிழாய்வு மத்திய நிறுவனம் தனித்த தன்னாட்சி நிறுவனமாக செயல்படத் தொடங்கியது. தமிழுக்குக் கிடைத்த செம்மொழி தகுதியைத் தொடர்ந்து தெலுங்கு, கன்னடம், மலையாளம், ஒடியா உள்ளிட்ட மொழிகளும் செம்மொழிகளாக அங்கீகரிக்கப்பட்டன.
ஐக்கிய முற்போக்கு கூட்டணி அரசு மற்ற செம்மொழிகளுக்கும் தனிநிறுவனம் உருவாக்க திட்டமிட்டது. ஆனால், 2014ல் ஒன்றியத்தில் ஆட்சிக்கு வந்த பா.ஜ.க. தலைமையில் தேசிய முற்போக்கு கூட்டணி அரசு இத்திட்டத்தை கிடப்பில் போட்டு விட்டது.
ஏனைய செம்மொழிகளுக்கான ஆய்வு நடவடிக்கைகள் பெரும்பாலும் ஒன்றிய அரசின் இந்திய மொழிகள் நிறுவனத்தின் (CIIL) கீழ் செயல்படும் உயர்திறன் நிறுவனம் (Centre of
Excellence) போன்ற அமைப்புகளின் வழியாக முன்னெடுக்கப்பட்டன.
கன்னடத்துக்கான உயர்திறன் நிறுவனம் கூட 2011-ல் இந்திய மொழிகள் நிறுவனத்தில் (CIIL), மைசூரில்
நிறுவப்பட்டது.
இந்த நிலையில், 2026 அக்டோபர்1-ஆம் தேதியிட்ட ஒன்றிய கல்வி அமைச்சகத்தின் அலுவலக உத்தரவின்படி,அசாமி, வங்காளம், மராத்தி, பாலி, பிராகிருதம் ஆகிய ஐந்து செம்மொழிகளுக்காக உயர்திறன் நிறுவனம் (Centreof Excellence) அமைக்க முடிவு செய்யப்பட்டுள்ளது. இவை முறையே தேஜ்பூர்பல்கலைக்கழகம், விஸ்வ-பாரதி, டெக்கான் கல்லூரி, மத்திய ஒடிசா பல்கலைக்கழகம், மத்திய குஜராத் பல்கலைக்கழகம் ஆகியஉயர்கல்வி நிறுவனங்களில் செயல்படும் என்று அறிவிக்கப்பட்டுள்ளது.
இதில் குறிப்பிடத்தக்கது என்னவென்றால், செம்மொழித் தமிழாய்வு மத்திய நிறுவனம் போல செம்மொழி தமிழை மட்டுமே மையமாகக் கொண்டு செயல்படும் தனித்த கட்டடம் கொண்ட தன்னாட்சி நிறுவனம் சென்னையில் அமைந்துள்ளது.
மத்திய அரசின் அதிகாரப்பூர்வ தகவலும், தமிழ் ஆய்வுக்கென செம்மொழித் தமிழாய்வு மத்திய நிறுவனம் தனித்துவமாக செயல்படுவதை
உறுதிப்படுத்துகிறது.
மொழிகளின் வளர்ச்சி என்பது வெறும்அறிவிப்புகளால் மட்டும் சாத்தியமல்ல. அதற்குத் தேவையானதுநீண்டகாலஆய்வு, ஆவணப்படுத்தல், பதிப்பாக்கம், மொழிபெயர்ப்பு, கல்வி மற்றும்தனித்துவமான நிறுவனக் கட்டமைப்பு.
தமிழுக்கு இத்தகைய தனித்த நிறுவனக் கட்டமைப்பை உருவாக்கிய வரலாற்றுப் பங்களிப்பில் முத்தமிழறிஞர் கலைஞரின் பங்கு மறக்க முடியாதது.
இன்றைய ஒன்றிய அரசின் ஐந்து புதிய உயர்திறன் நிறுவனத்தின்முயற்சி வரவேற்கத்தக்கதாக இருந்தாலும், தமிழுக்காக உருவாக்கப்பட்ட செம்மொழித் தமிழாய்வு மத்திய நிறு வனத்தின் தனித்துவமான நிறுவன மாதிரியுடன் இவற்றை ஒப்பிட்டுப்
பார்ப்பது அவசியம்.
இதன்மூலம், ஒரு மொழியின் பெருமையைப் பேசுவதற்கும், அதன் வளர்ச்சிக்குத் தேவையான நிரந்தர நிறுவனங்களை உருவாக்குவதற்கும்இடையிலான வேறுபாடு தெளிவாகிறது.
இந்தியை தவிர பிற மொழிகளைவளர்க்கும் உண்மையான அக்கறை பா.ஜ.க. அரசுக்கு இல்லை என்பதும்இதன் மூலம் தெளிவாகின்றது என்றுஎம்.எச்.ஜவாஹிருல்லா விடுத்துள்ள அறிக்கையில் கூறியுள்ளார்.