சென்னை, அக். 7 –
பணி பாதுகாப்பு, பணி நிரந்தரம், சம வேலைக்கு சம ஊதியம் உள்ளிட்டகோரிக்கைகளை வலியுறுத்தி, செவிலியர்கள் உண்ணாவிரதப் போராட்டம் நடத்தினர். அவர்களை பேச்சுவார்த்தைக்கு அழைத்து செல்வதாக கூறி போலீசார் கைது செய்தனர். இதனால், பேருந்துகளை மறித்து அரசுக்கும், போலீசாருக்கும் எதிராக கண்டன கோஷங்கள் எழுப்பினர். இதில் பலர் மயங்கியதால் பரபரப்பு ஏற்பட்டது. சம வேலைக்கு சம ஊதியம், பணி நிரந்தரம், பணி பாதுகாப்பு உள்ளிட்ட கோரிக்கைகளை வலியுறுத்தி தமிழ்நாடு இடைநிலை சுகாதாரப் பணியாளர்கள் சங்கத்தை சேர்ந்த 500க்கும் மேற்பட்ட செவிலியர்கள் சென்னை எழும்பூரில் உள்ள ராஜரத்தினம் மைதானம் அருகில் நேற்று முன்தினம் உண்ணாவிரதப் போராட்டத்தில் ஈடுபட்டனர்.
பேச்சு வார்த்தைக்கு என்று அழைத்து கைது செய்துள்ளனர்!
கையில் பதாகைகள் ஏந்தியபடி த.வெ.க. அரசு தேர்ந்தெடுக்கும் முன்பு கொடுத்த தேர்தல் வாக்குறுதிகளை நிறைவேற்ற வேண்டும் என்ற வலியுறுத்தி கோஷங்களை எழுப்பினர். மேலும் அரசு சார்பில் எங்களிடம் பேச்சுவார்த்தை நடத்தி கோரிக்கைகள் நிறைவேற்றும் வரை போராட்டம் தொடரும் என்று கூறி தொடர்ந்து போராட்டத்தில் ஈடுபட்டு வந்தனர். அப்போது அவர்களிடம் பேச்சுவார்த்தைக்கு வரமாறு அரசுசார்பில் அழைத்துள்ளனர். சரி பேச்சுவார்த்தைக்கு தான் கூப்பிடு கிறார்கள் என்றுபோராட்டத்தில் பங்கேற்றவர்களில் 5 செவிலியர்கள் சென்றுள்ளனர். ஆனால் பேச்சுவார்த்தையில் உடன்பாடு எட்டாத நிலையில் போராட்டம் தொடரும் என்று கூறியதையடுத்து பேச்சுவார்த்தைக்கு அழைத்து சென்ற
5 செவிலியர்களைகைது செய்து தனியார் மண்டபத்தில் அடைத்தனர்.
அதன்பிறகு இரவு 9 மணியளவில் போராட்டம் நடந்த இடத்திற்கு வந்த போலீசார் செவிலியர்களிடம் போராட்டத்தை கைவிடுமாறு கூறினர். ஆனால், அவர்கள் போராட்டத்தை கைவிட மறுத்து அவர்களும் கோரிக்கைகள் நிறைவேறும் வரை தொடரும் என்று தெரிவித்தனர். பின்னர் சிறிது நேரத்தில் போராட்டத்தில் ஈடுபட்ட செவிலியர்களை வலுக்கட்டயமாக கைது செய்து பேருந்தில் ஏற்றினர். அப்போது சிலர் பேருந்தில் ஏற மறுத்து செவிலியர்களை கைது செய்த பேருந்தை மறித்து சாலை மறியலில் ஈடுபட்டனர். ஆனாலும் போலீசார் அவர்களை விடாமல் வலுக்கட்டாயமாக கைது செய்து பேருந்தில் ஏற்றினர். அப்போது போலீசார் மற்றும் செவிலியர்களுக்கு இடையே தள்ளுமுள்ளு, வாக்குவாதம் ஏற்பட்டது. இதில் சில செவிலியர்கள் மயக்கமடைந்தனர்.
மேலும் செவிலியர்கள் முன்னேறி செல்லாத வகையில் அவர்கள் அமர்ந்திருந்த இடத்தை சுற்றி போலீசார் தடுப்புகள் அமைத்தனர். இதனால் செவிலியர்கள் போலீசார் மற்றும் அரசுக்கு எதிராக கோஷங்கள் எழுப்பி மொபைலில் டார்ச் லைட் அடித்து போராட்டத்தை தொடர்ந்தனர்.
இதுகுறித்து, தமிழ்நாடு இடைநிலை சுகாதாரப் பணியாளர் சங்க தலைவர் சுந்தரி நிருபர்களிடம் கூறியதாவது: இடைநிலை சுகாதாரப் பணியாளர்களுக்கு பணி நிரந்தர மும் ஊதிய உயர்வும் அரசு வழங்க வேண்டும். செவிலியர்களுக்கு வழங்கும் ரூ.21,000 ஊதியத்தில் எப்படி வாழ்க்கையை நடத்த முடியும்?, 2023, 2024ம் ஆண்டுக்கான ஊக்கத்தொகை இதுவரை வழங்கப்படவில்லை. இடைநிலை சுகாதார செவிலியர்களுக்கு ஊதியத்துடன் கூடிய மகப்பேறு விடுப்பு வழங்க வேண்டும்.
அத்துடன் செவிலியர்களுக்கு சமூக சுகாதார அதிகாரி என்ற பணி பெயரும், அதற்கான சான்றிதழும் வழங்குவதுடன், இடைநிலை சுகாதாரப் பணியாளர்களுக்கு எம்.எல்.எச்.பி.க்கு பதவி உயர்வு என முதலமைச்சர் கொடுத்த தேர்தல் வாக்குறுதியை நிறைவேற்ற வேண்டும். செவிலியர்களின் கோரிக்கைகள் நிறைவேறும் வரை போராட்டம் தொடரும். உண்ணாவிரத போராட்டமாக நாங்கள் இந்த போராட்டத்தை மேற்கொண்டு வருகிறோம். சுகாதாரத்துறை அமைச்சர், செயலாளர்அழைத்துப் பேச வேண்டும். எங்கள் கோரிக்கைகளை நிறைவேற்றி போராட்டத்தை நிறைவு செய்ய வேண்டும். இவ்வாறு அவர் கூறினார். ெசவிலியர்கள் கைதுக்கு அரசியல் கட்சி தலைவர்கள் மற்றும் பல்வேறு அமைப்பினர் கண்டனம் ெதரிவித்துள்ளனர்.
சாமியானா பந்தல் அகற்றம்!
தலைமைச் செயலகத்துக்கு பேச்சுவார்த்தைக்கு வருமாறு 5 செவிலியர்களை அரசு சார்பில் அழைத்து சென்றுள்ளனர். ஆனால் அவர்களிடம் பேச்சுவார்த்தை நடத்தாமல் அவர்களை கைது செய்து தனியார் மண்டபத்தில் அடைத்து வைத்துள்ளனர். மேலும் வெயிலுக்காக போடப்பட்ட சாமியானா பந்தல்களையும் போலீசார் அப்புறப்படுத்தி
யுள்ளனர்.
குழந்தையை தாக்கிய போலீசார்!
ஒரு சில செவிலியர்கள் போராட் டத்திற்கு குழந்தையுடன் வந்தனர். அப்போது போராட்டத்தில் ஈடுபட்டவர்களை போலீசார் கைது செய்த போது நெரிசல் அதிகமானதால் குழந்தையுடன் வந்தவர்கள் கூட்டத்தில் இருந்து வெளியேற முயன்ற போது அங்கு பணியில் ஈடுபட்ட போலீஸ்காரர் குழந்தையை தாக்கியதாகவும், அதனால் குழந்தை
யின் கண்கள் சிவந்ததாகவும் குழந்தையின் தாய் கண்ணீர் மல்க கூறினார்.
டாக்டர்கள் சங்கம் கண்டனம்!
சமூக சமத்துவத்திற்கான டாக்டர்கள் சங்க பொதுச்செயலாளர் டாக்டர் ரவீந்திரநாத் வெளியிட்ட அறிக்கை: பணி நிரந்தரம், சம வேலைக்கு சம ஊதியம், ஊதிய உயர்வு உள்ளிட்ட 20 அம்ச கோரிக்கைகளை வலியுறுத்தி சென்னையில் செவிலியர்கள் போராடி வருகிறார்கள். அவர்களை அழைத்து பேசி கோரிக்கை களை நிறைவேற்றி இருக்க வேண்டும். அதை விடுத்து, அவர்கள் மீது அடக்குமுறைகளை ஏவுவதும், வலுக்கட்டாயமாக கைது செய்திருப்பதும் கண்டனத்திற்குரியது. கைதான அனைத்து செவிலியர் சங்க நிர்வாகிகளையும், செவிலியர்களையும் தமிழ்நாடு அரசு உடனடியாக விடுவிக்கவேண்டும். சங்கநிர்வாகி களை அழைத்துப்பேசி கோரிக்கைகளை நிறைவேற்ற வேண்டும்.