சென்னை, அக்.8–
‘தினகரன்’ நாளேட்டில் தேர்தல் பயம் என்ற தலைப்பில் வெளியான தலையங்கம் வருமாறு:–
தமிழகத்தில் சட்டமன்ற தேர்தல் முடிவுக்கு பின்னர், அதிமுக எம்எல்ஏக்கள் மரகதம் குமரவேல் (மதுராந்தகம்), சத்தியபாமா (தாராபுரம்) உள்பட 6 பேர் தங்கள் பதவியை ராஜி னாமா செய்துவிட்டு தவெக வில் ஐக்கிய மானார்கள். திருச்சி கிழக்கு, கரூர், பெருந்துறை, விராலி மலை, அம்பாசமுத்திரம் ஆகிய 5 தொகுதிகளின் வெற்றியை எதிர்த்து தொடரப்பட்ட வழக்கை விசாரித்த சென்னை ஐகோர்ட், இந்த 5 தொகுதிகளுக்கு இடைத்தேர்தல் நடத்து வதற்கு தடை உத்தரவு பிறப்பித்தது.
இதனால் இந்த 5 தொகுதிகளை தவிர்த்து, மதுராந்தகம், தாராபுரம் ஆகிய 2 தொகுதிகளுக்கு மட்டும் இடைத்தேர்தல் நடக்கிறது.
கடந்த சட்டமன்ற தேர்தலில் அதிமுக சார்பில் போட்டியிட்டு வெற்றி பெற்ற 2 பேரும் தற்போது தவெக வேட்பாளராக களம் இறங்கி உள்ளனர். மதுராந்தகம் தொகுதியில் 27 வேட்பாளர்களும், தாராபுரத்தில் 22 வேட்பாளர்களும் போட்டியிடுகின்றனர். இந்த 2 தொகுதியிலும் 5 முனை போட்டி நிலவுகிறது. மதுராந்தகம் தொகுதியில் 285 வாக்குச்சாவடி மையங்களும், தாராபுரம் தொகுதியில் 320 வாக்குச் சாவடி மையங்களும் அமைக்கப்பட்டுள்ளன. இந்த மையங்களில் இன்று காலை 7 மணிக்கு வாக்குப்பதிவு தொடங்கு கிறது.
தமிழக அரசியல் வரலாற்றில் ஆட்சிக்கு வந்த 4 மாதத்தில் நடக்கும் இடைத்தேர்தலில் ஆளுங்கட்சிக்கு எதிர்ப்பு அதிகமாக இருப்பது இந்த முறைதான். தமிழக மக்களை முட்டாளாக நினைத்து முதல்வர் விஜய் முகத்தை காண்பித்தால் வெற்றி பெற்று விடலாம் என நினைத்த தவெகவினருக்கு சம்மட்டி அடி விழுந்துள்ளது. பிரசாரம் செல்லும் இடங்களில் ஆளுங் கட்சி வேட்பாளர்களுக்கு கடும் எதிர்ப்பு எழுந்துள்ளது. உடனே போலீசார் பாது காப்புடன் பிரசாரம் மேற்ெகாண்டனர். ரீல்ஸ் மூலம் ஆட்சிக்கு வந்த தவெகவுக்கு இடைத்தேர்தல் கடும் நெருக்கடியை ஏற்படுத்தியுள்ளது. பிரசாரத்தில் நான்கு மாத ஆட்சியின் சாதனைகளை கூறி வாக்கு சேகரிக்காமல் திணறினர்.
தூய சக்தி என பரப்புரை செய்த ஆட்சியில், அரசு வழக்கறிஞர்கள் நிய மனத்துக்கு லஞ்சம், பணிகள் முடிவடைந்த பிறகு டெண்டர் அறிவிப்பு, நேரடி நெல் கொள்முதல் நிலையங்களில் ஒரு மூட்டைக்கு ரூ.70 வரை வசூலிப்பு, செங்கல்பட்டு ஒப்பந்ததாரரிடம் லஞ்சம் வாங்கிய தவெக நிர்வாகி என தினமும் ஊழல்கள் வெளிவந்து கொண்டிருக்கிறது. இந்த ஆட்சியே மர்மமாக நடக்கிறது. அரசாணைகள் வெளியிடாமல் அரசு நியமனங்கள நடக்கிறது. தவெக ஆட்சிக்கு வந்தபிறகு மின்வெட்டு,
சட்டம் ஒழுங்கு பிரச்சினை அதிகரித்துள்ளது. தினமும் கொலை, கொள்ளை அரங்கேறி வருகின்றன.
அரிசி, சர்க்கரை, காய்கறி என எல்லா விலையும் ஏறிவிட்டது. முதியோர், விதவை மற்றும் மாற்றத்திறனாளிகள் உதவித்தொகைகள் சரிவர போடவில்லை.125 நாள் வேலை திட்டத்துக்கான ஊதியமும் பயனாளி களுக்கு கிடைக்கவில்லை. இதுபோன்று பல்வேறு பிரச்னைகளால் பணப்புழக்கமும் அறவே இல்லை. இப்பிரச்னைகளால் பொது மக்கள் கடுமையாக பாதிக்கப் பட்டுள்ளனர். இது முதல்வர் விஜய்பிரசாரத்திலும் எதிரொலித்தது. இரண்டு தொகுதியிலும் நடந்த விஜய் பிரசாரத்தில் பொதுமக்கள் கலந்து கொள்ளவில்லை.
டீக்கடையில் விஜய் டீ குடித்ததும், வயலில் இறங்கி டிராக்டர் ஓட்டியதும், முருங்கைக்காய் பறித்ததும் தான் காட்சியானது. 5 நிமிடம்பேசினால் மக்கள் வாக்களித்து விடுவார்கள் எனக்கூறிய தவெகவினருக்கு மரண பயத்தை காட்டியுள்ளது இந்தஇடைத்தேர்தல். இடைத்தேர்தல் ஆளும் அரசுக்கு எதிராக அமைந்தால் நிர்வாகத்தி லும் மாற்றம் ஏற்படும். ரீல்ஸ் மூலம் ஆட்சிக்கு வந்தவர்களுக்கு தற்போது ரீல்ஸ் அறுந்து விட்டதாக அரசியல் நோக்கர்களும், பொதுமக்களும் கருதுகின்றனர்.
இவ்வாறு அதில் குறிப்பிடப்பட்டுள்ளது.
வடகிழக்கு பருவமழை தொடங்க உள்ளதால் முன்னெச்சரிக்கை நடவடிக்கையாக 15 வார்டுகளில்
தயார்நிலையில் மின் மோட்டார்கள், மரம் வெட்டுவதற்கான கருவிகள்,மழை நீர் உறிஞ்சி மின் அழுத்த மோட்டார்கள்,மின் இயக்கி சாதனங்கள் கொண்டுவரப்பட்டது. அதன்படி நீர்மூழ்கி மோட்டார் 15 பெட்ரோல்மோட்டார்
15 டெலஸ்கோப்பிபுருநர் 15 மரம் அறுக்கும் இயந்திரம் 15 ஹைட்ராலிக் மூவ்மெண்ட் வாகனம் 2 ஜெனரேட்டர் மூன்று ஆகியவை வைத்திருந்தனர். அதனை மண்டல குழு தலைவர் நேதாஜி யு.கணேசன் எம்.சி, மண்டல அலுவலர் ராஜ்குமார், பொறியாளர்கள் ஹரிநாத்,மோகன் ஆகியோர், பார்வையிட்டு ஆய்வு செய்தனர்.