சென்னை,அக்.8 –
தமிழ்நாட்டில் அத்தியாவசியப் பொருட்களின் விலை விண்ணை முட்டும் அளவுக்கு உயர்ந்து வருகிறது. அரிசி, பருப்பு, சமையல் எண்ணெய் உள்ளிட்ட மளிகைப் பொருட்களின் விலை கிடு கிடுவெனஉயர்ந்து வருவதால் பொதுமக்கள் அதிர்ச்சி அடைந்துள்ளனர்.
தமிழ்நாட்டில் த.வெ.க. ஆட்சி அமைந்தது முதல் அரிசி விலை தொடர்ந்து அதிகரித்து வருகிறது. அரிசி விலை கடந்த 4 மாதங்களில் 4வது முறையாக உயர்ந்துள்ளது, அரிசி மூட்டை ஒன்றுக்கு 300 ரூபாய் முதல் 600 ரூபாய் வரை அதிகரித்துள்ளது.
உதாரணமாக ஆயிரத்து 400 ரூபாய்க்கு விற்பனை செய்யப்பட்ட டீலக்ஸ் பொன்னி அரிசி தற்போது ஆயிரத்து 800 ரூபாய்க்கு விற்பனை செய்யப்படுகிறது. ஆயிரத்து 600 ரூபாய்க்கு விற்பனை செய்யப்பட்ட பொன்னி அரிசி, தற்போது ஆயிரத்து 950 ரூபாய்க்கு விற்பனைசெய்யப்படுகிறது. ஆயிரத்து900 ரூபாய்க்கு விற்பனை செய்யப்பட்ட வெள்ளை பொன்னி அரிசி தற்போது 2 ஆயிரத்து 300 ரூபாய்க்கு விற்பனையாகிறது.
900 ரூபாய்க்கு விற்பனைசெய்யப்பட்ட இட்லி அரிசி தற்போது ஆயிரத்து 200 ரூபாய்க்கு விற்கப்படு கிறது. ஆயிரத்து 500 ரூபாய்க்கு விற்பனை செய்யப்பட்ட பச்சரிசி தற்போது ஆயிரத்து 800 ரூபாய்க்கும், 25 கிலோ எடை கொண்ட சிவாஜி பொன்னி அரிசி ஆயிரத்து 800 ரூபாயில் இருந்து 2 ஆயிரத்து 400 ரூபாய்க்கும் விற்பனை செய்யப்படுகிறது.
அரிசி ஆலைகளில் நெல்கையிருப்பு குறைந்துள்ள தால், அரிசி விலை மேலும் உயர வாய்ப்பு உள்ளதாகக் கூறப்படுகிறது. தீப ஒளி பண்டிகைக்கு முன் ஒரு கிலோ அரிசி நூறு ரூபாயை தாண்டும் என்பதால் பொதுமக்கள் அதிர்ச்சியடைந்துள்ளனர்.
இதேபோல், மளிகைப் பொருட்களின் விலையும் கிடுகிடுவென உயர்ந்துள்ளது. சமையல் எண்ணெய் விலை லிட்டருக்கு 20 ரூபாய் வரை உயர்ந்துள்ளது.
பருப்பு வகைகளின் விலை கிலோவுக்கு 10 ரூபாயும், சீரகம் விலை கிலோவுக்கு 50 ரூபாயும் அதிகரித்துள்ளது.
மளிகைப் பொருட்களின் விலை தொடர்ந்து அதிகரித்து வருவது பொதுமக்களை அதிர்ச்சிக்குள்ளாக்கியுள்ளது.
அரிசி, மளிகைப் பொருட்கள் மட்டுமின்றி காய்கறி விலையும் அதிகரித்து வருகிறது. விலைவாசி உயர்வை கட்டுப்படுத்த நடவடிக்கை எடுக்கா மல் தவெக அரசு தூங்கிக்கொண்டிருக்கிறதா என மக்கள் கேள்வி எழுப்பி வருகின்றனர்.