சென்னை, அக்.8–
தாராபுரம் தவெக வேட்பாளர் ரூ.40 லட்சத்துக்கு மேல் செலவு செய்தது உறுதி செய்யப்பட்டால், சத்தியபாமா மீது உடனடி நடவடிக்கை எடுக்க வேண்டும் என்று தி.மு.க. சார்பில் தமிழக தலைமை தேர்தல்அதிகாரியிடம் புகார் அளிக்கப்பட்டுள்ளது.
சென்னை தலைமை செயலகத்தில் தமிழக தலைமை தேர்தல் அதிகாரியை திமுக துணை அமைப்பு செயலாளரும் எம்எல்ஏவுமான ஆஸ்டின் நேற்றுமுன்தினம் சந்தித்து புகார்மனு அளித்தார்.
பின்னர் அவர் நிருபர்களிடம் கூறியதாவது:–
தாராபுரம் தொகுதி த.வெ.க. வேட்பாளர் சத்தியபாமா வீடியோவில் பேசியதை எல்லாரும் பார்த்திருப்பீர்கள். இந்த தேர்தல் பிரசாரத்திற்காக வந்த அமைச்சர்களுக்காகவும், கட்சி முக்கியஸ் தர்களுக்காகவும் தங்கும் அறையை மல்லி ரிசார்ட் என்ற ஒரு ஓட்டலில் ஒதுக்க கிட்டத்தட்ட ரூ.16 லட்சம் செலவு செய்திருக்கிறேன் என்று கூறியுள்ளார். அதேபோலமேலும் பல தொகைகளை செலவு செய்ததாக அவர் குறிப்பிட்டிருந் தார். இன்றைக்கு அறை ஒதுக்கீடு செய்ய மட்டும் ரூ.14 லட்சம் செலவு செய்திருக்கின்றேன் என வேட்பாளர் சத்தியபாமாகூறி உள்ளார்.
எனவே, இன்றைக்கு தலைமை தேர்தல் அதிகாரியை நேரடியாக சந்தித்து, ஒரு புகார் மனு கொடுத்திருக்கிறோம். இது மாதிரிவேட்பாளர் ஒரு ஒப்புதல் வாக்குமூலம் போல இன்றைக்கு வீடியோவில் தன்னுடைய வாக்குமூலத்தை வெளியிட்டிருக்கின்றார். எனவே, உடனடியாக நீங்கள் சம்பந்தப்பட்ட அதிகாரிகளை, தேர்தல் அப்சர்வர், தேர்தல் ஆபீசர், மாவட்ட தேர்தல் அதிகாரி இவர்களை எல்லாம் உடனடியாக நீங்கள் தொடர்புகொண்டு, இந்த ரூ.14 லட்சம் கணக்கில் காட்டப்பட்டிருக் கின்றதா,
அந்தப்பதிவேட்டில்அவர்கள் பதிவு செய்து, வேட்பாளரும்அவருடைய முகவரும் கையெழுத்து போட்டிருக்கின்றார்களா என்பதை உட னடியாக ஆய்வு செய்யவேண்டும் என்று சொல்லியிருக்கின்றோம். அது மட்டுமல்லாமல், வங்கி மூலமாக வங்கியினுடைய ஸ்டேட்மெண்ட் எடுத்து, அந்த வங்கியில் இந்த ரூ.14 லட்சத்துக்கான பணம் டிரான்ஸ்பர் பண்ணப்பட்டிருக்கின்றதா, யாருக்காவது காசோ லையாக கொடுக்கப்பட்டிருக்கிறதா என்பதை வெரிபை பண்ண வேண்டும் என்று சொல்லியிருக்கின்றோம்.
இந்த இரண்டுமே செய்யவில்லை என்று சொன்னாலும், வங்கி கணக்கிலும் அதுவரவில்லை என்று சொன்னாலும், தேர்தல் கணக்கான அந்த பதிவேட்டிலே பதிவுசெய்யப்படவில்லை என்றுசொன்னாலும், உடனடியாக அவர் மீது நடவடிக்கை மேற்கொள்ள வேண்டும் என்று சொல்லி இருக்கின்றோம். தேர்தல் விதிமுறைப்படி ஒரு வேட்பாளர் ரூ.40 லட்சத்துக்கு மேல் செலவு செய்தார் என்று சொன்னால், அவர் தகுதி நீக்கம் செய்யப்பட வேண்டும்
3 ஆண்டுகளுக்கு அவர் தேர்தலில் போட்டியிட முடியாது. அதிகபட்சமாக ஆறு மாத காலம் சிறைத் தண்டனையும் வழங்கப்பட வேண்டும் என்பதுதான் தேர்தல் விதி. எனவே, ரூ.14 லட்சம் செலவு செய்தேன் என்று வாக்குமூலமாக கொடுத்திருப்பதை நீங்கள் உடனடியாக ஆய்வு செய்து, அது பட்டியலில் சேர்க்கப்படாமலோ, வங்கி கணக்கில் பரிமாற்றம் இல்லாமலோ இருக்கும் என்று சொன்னால், உடனடியாக நடவடிக்கை மேற்கொள்ள வேண்டும் என்று தேர்தல் அதிகாரியை சந்தித்து தி.மு.க. சார்பில் மனு கொடுத்திருக்கின்றோம்.
அந்த வீடியோவில் அவர் பலவிஷயங்களை குறிப்பிட்டிருக்கிறார். தான் வந்துஎன்ன காரணத்துக்காக தவெகவில் சேர்ந்தோம், தெரியாமல் சேர்ந்துவிட்டேன் என்பது பற்றி கொஞ்சம்மோசமாக குறிப்பிட்டி ருக்கின்றார்.இது வெளியேவந்தவுடன், ‘நான்தான் இதை பண்ணேன்’ என்று யாரும் சொல்ல மாட்டாங்க. எந்த வேட்பாளரும், ‘நான்தான் இதை வாக்குமூலமாக சொன்னேன். நான் சொன்னது உண்மைதான். தெரியாமல்சொல்லிவிட்டேன்’ என்றுசொல்ல மாட்டார்கள். இது சித்தரிக்கப்பட்டது என்றுதான் சொல்வார். அது தவறான, பொய்யான ஒரு வாதம்.
எடப்பாடி பணம் தரமாட்டாரு. ஒரு பைசா கூட தரல. கடந்த தேர்தலில் ரூ.31 கோடி செலவு பண்ணேன்” என்றுசொல்லியிருக்காரு. இதேஒரு குற்றச்சாட்டு, மிகப்பெரிய குற்றம். இதில் அவருக்கு இந்த தேர்தலில் நிற்க முடியாது. அதை முறையாக அன்றைக்கு ஆய்வு செய்திருப்பார் என்று சொன்னால், அவர் தகுதி நீக்கம் செய்யப்பட்டிருக்க வேண்டும்.
அவர் ராஜினாமா பண்ண வேண்டிய தேவை கூட இருந்திருக்காது. நாங்கள் கொடுத்த புகார் மீது தேர்தல் ஆணையம் நடவடிக்கை எடுக்கத் தவறும் என்று சொன்னால், சட்டப்படி என்ன நடவடிக்கை மேற் கொள்ள வேண்டுமோ, அதை திமுக மேற்கொள்ளும். தமிழக வாக்காளர்கள் மத்தியில் ஏற்கனவே மாற்றம் வந்துவிட்டது. நடக்க கூடிய தேர்தலில் இரண்டு தொகுதியிலும் தி.மு.க. உறுதியான வெற்றியை பெறப்போகிறது.
இவ்வாறு அவர் கூறினார்.