சென்னை, அக். 8–

தமிழ்­நாட்­டில் பெரும் அர­சி­யல் எதிர்­பார்ப்பை ஏற்­ப­டுத்­திய மது­ராந்­த­கம் மற்­றும் தாரா­பு­ரம் சட்­ட­மன்­றத் தொகு­தி­க­ளுக்­கான இடைத்­தேர்­தல் வாக்­குப்­ப­திவு அக்­டோ­பர் 6 முழு­மை­யாக நிறை­வ­டைந்­தது. காலை­யில் தொடங்­கிய வாக்­குப்­ப­திவு மாலை 6:00 மணி வரை சுமு­க­மாக நடந்து முடிந்­தது. தேர்­தல் களம் அமை­தி­யாக முடிந்­தா­லும், முந்­தைய பொதுத் ­தேர்­தலை விட இந்த முறை இரண்டு தொகு­தி­க­ளி­லுமே வாக்­குப்­ப­திவு சத­வீ­தம்கணி­ச­மா­கக் குறைந்­துள்­ளது.மது­ராந்­த­கம், தாரா­பு­ரம் தொகு­தி­க­ளில் பதி­வான வாக்­கு­கள் நாளை காலை எண்­ணப்­ப­டு­கின்­றன.

மது­ராந்­த­கம் தொகு­தி­யில் மொத்­தம் 27 வேட்­பா­ளர்­கள் போட்­டி­யிட்­ட­னர். தி.மு.க. சார்­பில் இ.பரந்­தா­மன், அ.தி.மு.க. சார்­பில் கணிதா சம்­பத், .வெ.க. சார்­பில் மர­க­தம் கும­ர­வேல், நாம் தமி­ழர் கட்சி சார்­பில் ஜான­கி­ரா­மன் மற்­றும் சி.பி.எம். சார்­பில் சுகந்தி ஆகி­யோர் முக்­கிய வேட்­பா­ளர்­க­ளா­கக் களம் கண்­ட­னர். 2,13,788 வாக்­கா­ளர்­க­ளைக் கொண்ட இந்­தத் தொகு­தி­யில் 285 வாக்­குச்­சா­வ­டி­கள் அமைக்­கப்­பட்­டி­ருந்­தன.

தாரா­பு­ரம் தொகு­தி­யில் மொத்­தம் 22 வேட்­பா­ளர்­கள் களத்­தில் நின்­ற­னர். தி.மு.க. சார்­பில் சுகன்யா, அ.தி.மு.க. சார்­பில் பானு­மதி, சி.பி.ஐ. சார்­பில் லட்­சு­ம­ணன் த.வெ.க. சார்­பில் சத்­ய­பாமா, நாம் தமி­ழர் கட்சி சார்­பில் கார்த்­திகா ஆகி­யோர் போட்­டி­யிட்­ட­னர். 2,23,306 வாக்­கா­ளர்­கள் உள்ள இத்­தொ­கு­தி­யில் 320 வாக்­குச்­சா­வ­டி­கள் அமைக்­கப்­பட்­டி­ருந்­தன.

வாக்­குப் பதி­வில் மது­ராந்­த­கம் தொகு­தி­யில் 86.26% வாக்­கு­கள் பதி­வா­கின.

தாரா­பு­ரம் தொகு­தி­யில் 80.31% வாக்­கு­கள் பதி­வா­கி­­யுள்­ளன.

கடந்த பொதுத்­தேர்­த­லு­டன் ஒப்­பி­டும்­போது வாக்­குப்­ப­திவு குறிப்­பி­டத்­தக்க அள­வில் சரிந்­துள்­ளது.

மது­ராந்­த­கம் தொகு­தி­யில் கடந்த பொதுத்­தேர்­த­லில் 93.22% வாக்­கு­கள் பதி­வா­கி­யி­ருந்­தன. தற்­போது அது 86.26% ஆகக் குறைந்­துள்­ளது சுமார் 6.96% சரிந்­துள்­ளன.

தாரா­பு­ரம் தொகு­தி­யில் கடந்த முறை 89.92% வாக்­கு­கள் பதி­வா­கி­யி­ருந்­தன. இந்த முறை அது 80.31% ஆகக் குறைந்­துள்­ளது சுமார் 9.61% சரிந்­துள்­ளன.

பொதுத்­தேர்­த­லில் காட்­டிய அள­வி­லான அதீத ஆர்­வத்தை இளம் வாக்­கா­ளர்­கள் இந்த இடைத்­தேர்­த­லில் வெளிப்­ப­டுத்­த­வில்லை என்­பது குறிப்­பி­டத்­தக்­கது.

அங்­கீ­க­ரிக்­கப்­பட்ட அர­சி­யல் கட்சி முக­வர்­கள் முன்­னி­லை­யில் மின்­னணு வாக்­குப்­ப­திவு இயந்­தி­ரங்­கள் (EVM) மற்­றும் விவி­பேட் (VVPAT) இயந்­தி­ரங்­கள் முறைப்­படி சீல் வைக்­கப்­பட்­டரே பின்­னர் மூன்­ற­டுக்கு போலீஸ் பாது­காப்­பு­டன் வாக்கு எண்­ணும் மையங்­க­ளுக்கு அவை கொண்டு செல்­லப்­பட்­டன:

மது­ராந்­த­கம் தொகு­தி­யின் வாக்கு இயந்­தி­ரங்­கள் ஆத்­தூ­ரில் உள்ள ஒருங்­கி­ணைந்த சமு­தாய வளர்ச்சி பயிற்சி மையத்­தில் உள்ள பாது­காப்பு அறை­யில் வைக்­கப்­பட்­டுள்­ளன.

தாரா­பு­ரம் தொகு­தி­யின் வாக்கு இயந்­தி­ரங்­கள் திருப்­பூ­ரில்உள்ள எல்.ஆர்.ஜி. அரசு மக­ளிர் கலை மற்­றும் அறி­வி­யல் கல்­லூரி வளா­கத்­தில் உள்ள பாது­காப்பு அறை­யில் வைக்­கப்­பட்­டுள்­ளன.

அங்கு துப்­பாக்கி ஏந்­திய போலீ­சார், சிசி­டிவி கேம­ராக்­கள் மூலம் 24 மணி நேர­மும் தீவி­ரக் கண்­கா­ணிப்பு போடப்­பட்­டுள்­ளது.

நாளைவாக்கு எண்­ணிக்கை

மக்­க­ளின் இறு­தித் தீர்ப்பு மின்­னணு வாக்கு இயந்­தி­ரங்­க­ளில் பத்­தி­ர­மா­கப் பூட்­டப்­பட்­டுள்­ளது. வாக்கு எண்­ணிக்கை நாளை (9.10.2026 – வெள்­ளிக்­கிழமை) காலை தொடங்­கி­றது.

இதே­போன்று புதுச்­சேரி தட்­டாஞ்­சா­வ­டி­யில் பதி­வான வாக்­கு­க­ளும் நாளை காலை எண்­ணப்­ப­டு­கின்­றன.