#Title

தமிழ்நாட்டில் 24 மணி நேரத்தில் 12 படுகொலைகள்! த.வெ.க. ஆட்சியில் சந்தி சிரிக்கும் சட்டம் - ஒழுங்கு! மக்கள் அச்சம்!

சென்னை, அக். 8 –

செயலற்ற த.வெ.க. ஆட்சியில் தமிழ்நாட்டில் 24 மணி நேரத்தில் 12 படுகொலை சம்பவங்கள் நடைபெற்றுள்ளன. இதனால் பொதுமக்கள் அச்சத்துடன் வாழும் நிலை ஏற்பட்டுள்ளது.

தமிழ்நாட்டில் விஜய் தலைமையிலான தவெக ஆட்சி அமைந்தது முதல், நாள்தோறும் கொலை, கொள்ளை, பாலியல் வன்கொடுமை சம்பவங்கள் சர்வ சாதாரணமாக நடைபெற்று வருகின்றன. சட்டம் ஒழுங்கு சீர்கேட் டால் விஜய் ஆட்சியில் சாலைக்கு வரவே பொதுமக்கள் அச்சமடைந்துள்ளனர்.

சென்னை மயிலாப்பூரில் 19 வயது இளைஞர் சத்தியசீலன் வெட்டிப் படுகொலை செய்யப்பட்டுள்ளார். திருத்த ணியில் தனது 17 வயது மகளுக்குத் தொல்லை கொடுத்த நபர் மீது காவல்நிலையத்தில் புகாரளித்த தந்தை அவரது வீட்டின் முன்பே வைத்துப் படுகொலை செய்யப்பட்டுள்ளார்.

சேலத்தில் வீட்டில் தனியாக இருந்த ஜனாபாய் எனும் மூதாட்டி நகைக்காக பகலிலேயே கழுத்து நெரித்துக் கொலை செய்யப்பட்டுள்ளார். சேலம் மாவட்டம் கிச்சிப்பாளை யத்தில் மனோகரன் என்பவர், மது அருந்தும் போது ஏற்பட்ட தகராறில் அடித்துக் கொலை செய்யப்பட்டுள்ளார்.

திண்டுக்கல் மாவட்டம் சாணார்பட்டி காவல் நிலையத்தில் ஜாமின் கையெழுத்து போட்டுவிட்டுத் திரும்பும்போதே வீரபத்திரன் என்பவர் வெட்டிக் கொலை செய்யப் பட்டார். மதுரை மாவட்டம் சமயநல்லூர் அருகே மது போதையில் நிர்வாணமாக்கி இளைஞர் கொலை செய்யப்பட்டுள்ளார்.

மதுரை சோழவந்தானில் டாஸ்மாக் கடை அருகே இருசக்கர வாகனத்தில் சென்ற சியாம் சுந்தர்ராஜன் என்பவர் வெட்டிப் படுகொலை செய்யப்பட்டார். நெல்லை மாவட்டம் வள்ளியூரில் அரசு பேருந்து நடத்துனர் சிவசுப்பி மணியன் அடித்துக் கொலை செய்யப்பட்டுள்ளார்.

தூத்துக்குடி மாவட்டம் கோவில்பட்டியில் செல்போன் தகராறில் 31 வயது பெருமாள் என்பவர் கற்களால் தாக்கி கொலை செய்யப்பட்டார். கரூர் மாவட்டம் குளித்தலை அருகே மேல விட்டுக்கட்டி பகுதியில் 60 வயது மூதாட்டி இளஞ்சியம் நகைக்காக கழுத்தறுத்து படுகொலை செய்யப்பட்டார்.

ஈரோடு மாவட்டம் சென்னிமலை அருகே வாய்க்கால் புதூரில் மாரிமுத்து என்பவர் சாக்கடை கால்வாய்க்குள் தள்ளிவிட்டு கொலை, கன்னியாகுமரி மாவட்டம் சுசீந்திரம் அருகே உதிரப்பட்டி கிராமத்தில் வீடு புகுந்து வனஜா என்ற பெண் தாக்கப்பட்டு கொலை என 24 மணி நேரத்தில் 12 கொலை சம்பவங்கள் அரங்கேறியுள்ளன.