கோவை, அக். 8 –
கோவை மாவட்டம் மேட்டுப்பாளையம் - கல்லார் அருகே பெய்த கனமழை காரணமாக ராட்சச மரம் ஒன்று சாலையில் விழுந்து போக்குவரத்து கடுமையாகப் பாதிக்கப்பட்டுள்ளது. மேட்டுப்பாளையத்திலிருந்து உதகை செல்லக்கூடிய பிரதான சாலையில் ராட்சத மரம் வேரோடு சாய்ந்து விழுந்திருக்கிறது. மரத்தை முறித்து அப்புறப்படுத்தும் பணியில் தீயணைப்பு துறையினரும் வனத்துறையினரும் ஈடுபட்டு வருகின்றனர்.
செவ்வாய் அன்று நள்ளிரவிலிருந்து மேற்கு தொடர்ச்சி பகுதிகளில் கனமழையானது பெய்தது. இடியுடன் பெய்த இந்த கனமழை காரணமாக நேற்று (புதன்) அதிகாலை 4 மணி அளவில் மேட்டுப்பாளையத்திலிருந்து உதகை செல்லக்கூடிய சாலையில் கல்லார் என்ற இடத்தில் ராட்சத மரம் வேரோடு சாய்ந்து விழுந்திருக்கிறது.
இது குறித்த உடனடியாக தீயணைப்புத்துறையினருக்கும் வனத்துறையினருக்கு தகவல் தெரிவிக்கப்பட்டதை தொடர்ந்து சம்பவ இடத் திற்கு விரைந்து சென்ற வனத்துறையினர் மற்றும் தீயணைப்பு துறையினர் அந்த மரத்தை முறித்து அகற்றும் பணியில் ஈடுபட்டு வருகின்றனர்.
மேலும் அந்த பகுதியில் தொடர்ந்து சாரல் மழை பெய்து வருவதால் மரத்தை முறிக்கும் பணியில் பாதிப்பு ஏற்பட்டுள்ளது. மரம் சாலையில் விழுந்ததால் மேட்டுப்பாளையத்திலுருந்து உதகை செல்லும் வாகனங்களும் உதகையிலிந்து மேட்டுப் பாளையம் செல்லக்கூடிய வாகனங்களும் நீண்ட வரிசையில் காத்திருக்கும் சூழல் ஏற்பட்டுள்ளது.
இதற்கிடையே நிலிகிரி மாவட்டத்தில் பெய்த இந்த கனமழை காரணமாக மேட்டுப்பாளையத்தில் இருக்கக்கூடிய பில்லூர் அணைக்கு நீர்வரத்து அதிகரித்து காணப்படுகிறது. அணையின் மொத்த நீர் இருப்பு 100 அடியில் இருக்கக்கூடிய நிலையில் அணையின் தற்போதைய நீர் இருப்பு 94 அடியை எட்டி இருக்கிறது.
இதனால் 6,000 கன அடி தண்ணீர் பவானி ஆற்றில் திறந்து விடக்கூடிய காரணத்தினால் பவானி ஆற்றில் கரையோர பகுதியில் இருக்கக் கூடிய மக்கள் எச்சரிக்கையாக இருக்க வேண்டும் என்று அதிகாரிகள் கேட்டுக்கொண்டுள்ளனர்.
தொடர்ந்து இந்த பகுதிகளில் அதிக மழை பெய்யும் காரணத்தினால் காட்டாறுகள் அமைத்திருக்கக்கூடிய பகுதிகளுக்கு மக்கள் செல்ல வேண்டும் என்று அதிகாரிகள்
கேட்டுக்கொண்டுள்ளனர்.