கோவை மாவட்டம், பொள்ளாச்சியில் பரம்பிக்குளம் ஆழியாறு பாசனத் திட்ட விழாவை முன்னிட்டு, இத்திட்டம் நிறைவேற முக்கிய காரணமாக இருந்த பெருந்தலைவர் காமராசர், முன்னாள் அமைச்சர் சி.சுப்பிரமணியம், முன்னாள் சட்டமன்ற உறுப்பினர்கள் வி.கே.பழனிசாமி, பொள்ளாச்சி நா.மகாலிங்கம் ஆகியோரது திருவுருவச் சிலைகளுக்கு கழக துணை பொதுச் செயலாளர், முன்னாள் அமைச்சர் மு.பெ.சாமிநாதன் தலைமையில் மாலை அணிவித்து மலர்தூவி மரியாதை செலுத்தினர். இதில் மாவட்ட கழக செயலாளர்கள் தளபதி முருகேசன், இல.பத்மநாபன், கே.ஈஸ்வரசாமி எம்.பி, சட்டமன்ற உறுப்பினர்கள் இரா.ஜெயராமகிருஷ்ணன், குட்டி (எ) ஆ.சுதாகர், நித்தியானந்தம், மு.ஜெயக்குமார் உள்பட கழக நிர்வாகிகள் பலர் கலந்து கொண்டனர்.