திருப்­பூர், அக். 9 –

திருப்­பூர் மாவட்­டம், தாரா­பு­ரம் சட்­ட­மன்ற தொகு­தி­யில் நடை­பெற்ற இடைத்­தேர்­தல் வாக்­குப்­ப­தி­வில் பொதுத்­தேர்­தல் வாக்­குப்­ப­திவை விட சுமார் 20 ஆயி­ரத்­திற்­கும் மேற்­பட்­டோர் வாக்­க­ளிக்க வரா­தது அர­சி­யல் விவா­தத்தை ஏற்­ப­டுத்­தி­யுள்­ளது.

திருப்­பூர் மாவட்­டம், தாரா­பு­ரம் சட்­ட­மன்ற தொகு­திக்­கான இடைத்­தேர்­தல் வாக்­குப்­ப­திவு கடந்த 6-ம் தேதி நிறைவு பெற்­றது. கடந்த ஏப்­ரல் - மே மாதங்­க­ளில் நடை­பெற்ற பொதுத்­தேர்­த­லில் தபால் வாக்­கு­கள் தவிர்த்து மொத்­த­மாக 1,99,944 வாக்­கு­கள் பதி­வா­கி­யி­ருந்­தன. ஆனால், தற்­போது நடை­பெற்ற இடைத் தேர்­த­லில் மொத்­த­முள்ள 2,23,306 வாக்­கா­ளர்­க­ளில் 1,79,214 நபர்­கள் மட்­டுமே வாக்­க­ளித்­துள்­ள­னர். இத­னால், வாக்­குப்­ப­திவு சத­வீ­தம் 80.25 ஆக குறைந்­துள்­ளது. வெறும் 4 மாத­கால இடை­வெ­ளி­யில் சுமார் 20,730 வாக்­கா­ளர்­கள் வாக்­க­ளிக்க ஆர்­வம் காட்­டா­மல் இருந்­துள்­ள­னர். நடந்து முடிந்த பொதுத் தேர்­த­லுக்­கும், தற்­போது நடை­பெற்ற இடைத் தேர்­த­லுக்­கும் இடைப்­பட்ட 4 மாத கால இடை­வெ­ளி­யில், வாக்­கா­ளர்­கள் காட்­டிய தயக்­க­மும், ஆர்­வம் இன்­மை­யும் அர­சி­யல் கட்­சி­யி­னர் மத்­தி­யில் மட்­டு­மல்­லாது தேர்­தல் பிரிவு அதி­கா­ரி­க­ளி­டத்­தி­லும் அதிர்ச்­சியை ஏற்­ப­டுத்­தி­யுள்­ளது.

கடந்த ஏப்­ரல் - மே மாதங்­க­ளில் நடை­பெற்ற பொதுத்­தேர்­த­லின் போது வெளி­நா­டு­கள், வெளி­மா­நி­லங்­கள் மற்­றும் தமி­ழ­கத்­தின் பல்­வேறு மாவட்­டங்­க­ளி­லி­ருந்து ஆர்­வத்­து­டன் சொந்த ஊருக்கு வந்து வாக்­க­ளித்த இளை­ஞர்­கள், இந்த இடைத்­தேர்­த­லில் பக்­கத்து தாலு­கா­வில் இருந்­து­கூட வந்து வாக்­க­ளிக்க ஆர்­வம் காட்­ட­வில்லை என கூறப்­ப­டு­ கி­றது. வாக்­க­ளிக்க வரா­த­வர்­க­ளில் 5 சத­வீ­தத்­திற்­கும் அதி­க­மா­னோர் இளை­ஞர்­கள் என கூறப்­ப­டு­கி­றது. அண்டை மாவட்­டங்­க­ளுக்கு தொழில் நிமித்­த­மா­க­வும், கல்வி நிமித்­த­மா­க­வும் சென்­ற­வர்­க­ளில் பெரும்­பா­லா­ன­வர்­கள் வாக்­க­ளிக்க வர­வில்லை. ஆளும் அர­சின் மீது ஏற்­பட்ட நான்கு மாத கால அதி­ருப்­தியா? அல்­லது ஏற்­க­னவே வெற்றி பெற்­ற­வர் ராஜி­னாமா செய்து மீண்­டும் போட்­டி­யி­டு­வ­தால் வாக்­கா­ளர்­க­ளுக்கு ஏற்­பட்ட சலிப்பா என்­பதே விவா­தத்­தின் மைய­க­ருத்­தாக மாறி­யுள்­ளது.

பொதுத்­தேர்­தலை காட்­டி­லும் இந்த இடைத்­தேர்­தல் மாநில அள­வில் பெரும் முக்­கி­யத்­து­வம் பெற்­ற­தாக அமைந்­தது. பொதுத்­தேர்­த­லின் போது பல மாவட்­டங்­க­ளுக்கு கூட செல்­லாத த.வெ.க. தலை­வ­ரும், முத­ல­மைச்­ச­ ரு­மான ஜோசப் விஜய், தாரா­பு­ரம் தொகு­திக்கு மட்­டும் இரு­முறை நேரில் வந்து தீவிர பிர­சா­ரம் மேற்­கொண்­டார். இதில் 2வது முறை சுமார் 30 கி.மீ திறந்த வாக­னத்­தில் சென்று மக்­களை சந்­தித்து வாக்கு சேக­ரிப்­பில் ஈடு­பட்­டார். மேலும், 13-க்கும் மேற்­பட்ட அமைச்­சர்­கள் கடந்த 15 நாட்­க­ளாக தாரா­பு­ரத்­தில் முகா­மிட்டு வீதி, வீதி­யாக பிர­சா­ரத்­தில் ஈடு­பட்­ட­னர். மறு­பு­றம், தேர்­தல் ஆணை­ய­மும், மாவட்ட நிர்­வா­க­மும் 100 சத­வீத வாக்­குப்­ப­திவை வலி­யு­றுத்தி பல்­வேறு விழிப்­பு­ணர்வு நிகழ்ச்­சி­ களை நடத்­தின. இவ்­வ­ளவு உயர் மட்ட பிர­சா­ரங்­க­ளும், விழிப்­பு­ணர்வு நட­வ­டிக்­கை­க­ளும் மேற் ­கொள்­ளப்­பட்ட போதி­லும், வாக்கு சத­வீ­தம் குறைந்­தி­ருப்­பது அனைத்து தரப்­பி­ன­ரி­ட­மும் அதிர்ச்­சியை ஏற்­ப­டுத்­தி­யுள்­ளது.

அர­சி­யல் கணக்கு :- தாரா­பு­ரம் சட்­ட­மன்ற தொகுதி இடைத் தேர்­த­லில் வாக்கு சத­வீ­தம் குறைந்­தது ஒரு­பு­றம் இருந்­தா­லும், இது எந்த கட்­சிக்கு சாத­க­மாக அமை­யும் என்ற கணக்கு கிரா­மப் ­பு­றங்­க­ளில் உள்ள ஆல­ம­ரத்­தடி முதல் நகர்ப் புறங்­க­ளில் உள்ள டீக்­கடை வரை பேசு பொரு­ளாக மாறி உள்­ளது. குறிப்­பாக கடந்த ஏப்­ரல் - மே மாதங்­க­ளில் நடை­பெற்ற சட்­ட­மன்ற தொகுதி தேர்­த­லில் தாரா­பு­ரத்­தில் பதி­வான வாக்­கு­க­ளில் அ.தி.மு.க. 81,100 வாக்­கு­க­ளும், தி.மு.க. 64,373 வாக்­கு­க­ளும், த.வெ.க. 46,438 வாக்­கு­க­ளும், நாம் தமி­ழர் கட்சி 6,026 வாக்­கு­க­ளும் பெற்­றது. இதில், அ.தி.மு.க. சார்­பில் போட்­டி­யிட்ட சத்­தி­ய­பாமா 16,727 வாக்­கு­கள் வித்­தி­யா­சத்­தில் வெற்றி பெற்­றி­ருந்­தார். ஆனால், இம்­முறை அதே வேட்­பா­ளர் த.வெ.க. சார்­பில் போட்­டி­யிட்­டுள்­ளார். மேலும் தி.மு.க., அ.தி.மு.க, இட­து­சா­ரி­கள், நாம் தமி­ழர் கட்சி என 5 முனை போட்­டி­யாக கூட்­டணி கணக்­கு­க­ளும் மாறி உள்­ளது. இந்த சூழ­லில் வாக்கு சத­வீ­தம் குறைந்­த­த­தால் தாங்­க­ளா­கவே ஒவ்­வொரு கட்­சி­யி­ன­ரும் ஒரு கணக்கு சத­வி­கி­தத்தை போட்டு யார் வெற்றி பெறு­வார் என்று அலசி ஆராய்ந்து வரு­கின்­ற­னர்.