புதுடெல்லி, அக்.10–

தொழிலாளர் வருங்கால வைப்பு நிதி அமைப்பு, உறுப்பினர்கள் வசதிக்காக வும், விரைவான சேவை களை அளிப்பதற்காகவும் பல்வேறு டிஜிட்டல் சீர்திருத்தங்களை செய்து வருகிறது.

அதன்ஒரு பகுதியாக தற்போது வருங்கால வைப்பு நிதியை(பிஎப்) பணத்தை யுபிஐ மூலம் எடுக்கும் வசதி கொண்டு வரப்பட உள்ளது.

இதற்காக புதிய செயலி ஒன்றையும் தொழிலாளர் வருங்கால வைப்பு நிதி அமைப்பு அறிமுகம் செய்ய உள்ளது.

இந்த செயலி வாயிலாக சந்தாதாரர்கள் வருங்கால வைப்பு நிதியில் இருந்து யுபிஐ மூலம் 75 சதவீதம் வரை பணத்தை நேரடியாக தங்கள் வங்கி கணக்கிற்கு மிக எளிதாக மாற்றி கொள்ள முடியும். இந்த வசதி வரும் டிசம்பரில் அறிமுகம் செய்யப்பட இருப்பதாக தகவல்கள் வெளியாகி உள்ளன.