#Title

அறிவுச் செல்வம் – கழகச் செல்வம் – கருத்துச் செல்வம் முரசொலி செல்வம் 2 ஆம் ஆண்டு நினைவு நாள் இன்று! ‘முரசொலி’ வளாகத்தில் உள்ள திருவுருவச் சிலைக்கு – கழகத் தலைவர் மு.க.ஸ்டாலின் மரியாதை செலுத்துகிறார் !

சென்னை, அக்.10

திராவிட இயக்கக் கொள்கைச் சிங்கம் – அறிவுச் செல்வம் – கழகச் செல்வம் – கருத்துச் செல்வம் முரசொலி செல்வம் அவர்களின் இரண்டாமாண்டு நினைவு நாள் (10.10.2026) இன்று!

இந்நாளில், கழகத் தலைவர் மு.க.ஸ்டாலின் அவர்கள், சென்னை ‘முரசொலி’ வளாகத்தில் தாம் நிறுவியுள்ள முரசொலி செல்வம் அவர்களின் திருவுருவச் சிலைக்கு மாலை அணிவித்து வணங்குகிறார்! திருவுருவப்படத்திற்கு மலர் தூவி மரியாதை செலுத்துகிறார்.

அதன் விவரம் வருமாறு:–

பேரறிஞர் அண்ணாவின் அன்பில் திளைத்தவர், முத்தமிழறிஞர் கலைஞரின் நெஞ்சில் நீங்காஇடம் பிடித்தவர், கழகத் தலைவர் மு.க.ஸ்டாலின் அவர்களுக்கு உற்ற துணையாக பக்க பலமாக இருந்தவர்; எல்லாவற்றிற்கும்மேலாக கழகத்தின் கேடயமாகத் திகழ்ந்தவர், முரசொலி செல்வம் அவர்கள்.

‘முரசொலி’யின் 35 ஆண்டுகால ஆசிரியர்!

முத்தமிழறிஞர் கலைஞரின் மூத்த பிள்ளையான ‘முரசொலி’யின் பணிகளைத் தன் தோளில்சுமந்துகொண்டு இளமைப் பருவம் முதலே திறம்படச் செயலாற்றியவர்.

முரசொலியில், தலைவர் கலைஞரின் கைப்பிடித்து நடைபயின்று, கலைஞரின் மனசாட்சியான தன் அண்ணன் முரசொலி மாறன் அவர்களின் வழியில், முரசொலியுடன் தன்னை முழுமையாக அர்ப்பணித்துக் கொண்டவர், முரசொலி செல்வம் அவர்கள்.

நெருக்கடி நிலைக் காலத்தில் தி.மு.கழகமும் முரசொலியும் எதிர்கொண்ட சோதனைகளின் போது தலைவர் கலைஞர் அவர்களுக்கு உற்றதுணையாக இருந்து முரசொலி வேலைகளைத் திறம்படச் செய்வர் முரசொலி செல்வம் அவர்கள்!

‘முரசொலி’யின் ஆசிரியர் பொறுப்பையும் ஏற்று, இதழியல் துறையில் தனித்துவமான முத்திரைகளைப் பதித்தவர். இந்திய இதழியல் வரலாற்றில் எந்தப் பத்திரிகையும் எதிர்கொள்ளாத வகை யில், அ.தி.மு.க ஆட்சியில் சட்டமன்றத்தில் கூண்டிலேறி, தன் நெஞ்சுரத்தைக் காட்டியவர். ‘கூண்டு கண்டேன்-; குதூகலம் கொண்டேன்’ என முத்தமிழறி ஞரால் பாராட்டப் பெற்றவர் முரசொலி செல்வம். அவர்கள்!

கழகத் தலைவர்- திராவிட நாயகர் அவர்களின் அரசியல் வாழ்வில் துணையாக- நிழலாக நின்று வழிகாட்டியதுடன், கழகத்தின் கொள்கை முரசமாக முரசொலியில் ‘சிலந்தி’ என்ற பெயரில் கட்டுரைகளை எழுதி, அரசியல் எதிரிகளை அதிரவைத்தவர் முரசொலி செல்வம் அவர்கள்!

அந்தோ.. அந்த அறிவுச் செல்வத்தை, கழகச் செல்வத்தை, கருத்துச் செல்வத்தை இயற்கை நம்மிடமிருந்து பிரித்து இரண்டு ஆண்டுகள் நிறைவடைந்துவிட்டன. எந்நாளும் நெஞ்சில் அவர் நினைவுகளை ஏந்தி முரசொலி தன் பயணத்தைத் தொடர்கிறது.

¬¬¬முரசொலி செல்வம் அவர்கள் மறைந்ததை அடுத்து – அவர்கள் வளர்த்த ‘முரசொலி’யின் வளாகத்தில் கழகத் தலைவர் மு.க.ஸ்டாலின்அவர்கள், முரசொலி செல்வம் அவர்கள் உருவ மார்பளவுச் சிலையினை நிறுவினார்கள்.

அவரது நினைவுநாளில் இத்திருவுருவச் சிலைக்கு கழகத் தலைவர் அவர்கள் மாலை அணிவித்தும், திருவுருவப் படத்திற்கு மலர் தூவியும் மரியாதை செலுத்தி வருகிறார்கள்.

இன்று (10.10.2026) இரண்டாவது நினைவுநாளில் முரசொலி செல்வம் அவர்களின் திருவுருவச் சிலைக்கு மரியாதை செலுத்திட காலை 10.00 மணியளவில் ‘முரசொலி’ அலுவலகத்திற்கு கழகத் தலைவர் அவர்கள் வருகை தருகிறார்கள்.

இந்நிகழ்வில் ஒருங்கிணைந்த சென்னை மாவட்டக் கழக நிர்வாகிகளும், முன்னணியின ரும், தோழர்களும் பெருந்திரளா¬¬¬கப் பங்கேற்று முரசொலி செல்வம் அவர்களின் திருவுருவச் சிலைக்கு மரியாதை செலுத்துகின்றனர்.