தூத்துக்குடி,அக்.10–
தூத்துக்குடி மாவட்டம் ஸ்ரீவைகுண்டம் சட்டமன்ற தொகுதி தமிழக வெற்றி கழக உறுப்பினர் சரவணன். இவரது சொந்த ஊர் தூத்துக்குடி மாவட்டம் ஏரல் அருகே உள்ள அம்பாள் தோப்பு என்ற கிராமமாகும்.
இவர் கர்நாடகா மற்றும் கேரளா மாநிலங்களில் லாட்டரி சீட்டு வியாபாரம் செய்து வருகிறார். லாட்டரி சீட்டு வியாபார தொடர்பின் மூலமாகவே தமிழக வெற்றி கழகத்தில் இணைந்ததாக கூறப்படு
கிறது.
இவர் சட்டமன்ற உறுப்பினராக பிறகு சட்டமன்ற தொகுதிக்கு உட்பட்ட பல்வேறு பகுதிகளில் ஆய்வு என்ற பெயரில் அட்ராசிட்டி செய்து ரீல்ஸ் வெளியிடுவதுதான் இவரது பணியாக இருந்து வருகிறது.
மேலும் ஆழ்வார்திருநகரியை சேர்ந்த தமிழக வெற்றி கழக நிர்வாகி இசக்கியம்மாள் என்பவரை ராமநாதபுரம் மாவட்டம் ஏர்வாடிக்கு அழைத்து சென்று பாலியல் துன்புறுத்தல் செய்த வழக்கில் சட்டமன்ற உறுப்பினர் சரவணன் தூண்டுதல் பெயர்தான் இந்த சம்பவம் நடைபெற்றதாக அந்தப் பெண் புகார் அளித்திருந்தார். இது தமிழகம் முழுதும் பரபரப்பை ஏற்படுத்திய நிலையில் தற்போது அந்தப் பெண்ணைக் கொண்டே அந்த வழக்கை திரும்பப் பெற வைத்துள்ளனர்.
தற்போது ஆதிதிராவிடர் நலக்குழு உறுப்பினர் பதவி வாங்கி தருவதாக அவரது நண்பரிடம் 60 ஆயிரம் ரூபாய் மோசடி செய்ததாகவும் புகார் ஒன்றும் தற்போது எழுந்துள்ளது.
தேர்தலுக்கு முன்பாக ஏரல் பகுதியைச் சேர்ந்த மாற்றுத்திறனாளி வழக்கறிஞர் ஒருவரை அவதூறாக பேசியதாக ஒரு வழக்குஒன்றும் ஏரல் காவல் நிலையத்தில் இருந்து வந்துள்ளது.
ஸ்ரீவைகுண்டத்தில் உள்ள தமிழ்நாடு நுகர்பொருள் வாணிப கழகத்தில் ஆய்வு என்ற பெயரில் சர்ச்சையில் சிக்கியது.
ஏரல் மருத்துவமனையில் நள்ளிரவில் ஆய்வு செய்து மருத்துவ சங்கங்களில் கண்டனத்தை
பெற்றது.
சட்டமன்ற உறுப்பினர் சரவணன் தன்னை அடையாளப்படுத்திக் கொள்ள பல்வேறு இடங்களில் ஆய்வு நடத்தி சர்ச்சையில் சிக்கி வருவது குறிப்பிடத் தக்கது.