#Title

அறிவுச் செல்வம் – கழகச் செல்வம் – கருத்துச் செல்வம் முரசொலி செல்வம் 2 ஆம் ஆண்டு நினைவு நாள்! ‘முரசொலி’ வளாகத்தில் உள்ள திருவுருவச் சிலைக்கு – கழகத் தலைவர் மு.க.ஸ்டாலின் மரியாதை செலுத்தினார் !

சென்னை, அக்.11 –

திராவிட இயக்கக் கொள்கைச் சிங்கம் – அறிவுச்செல்வம் – கழகச் செல்வம் – கருத்துச் செல்வம் முரசொலி செல்வம் அவர்களின் இரண்டாமாண்டு நினைவு நாள் நேற்று (10.10.2026)!

இந்நாளில், கழகத் தலைவர் மு.க.ஸ்டாலின் அவர்கள், சென்னை ‘முரசொலி’ வளாகத்தில் தாம்நிறுவியுள்ள முரசொலி செல்வம் அவர்களின் திருவுருவச்சிலைக்கு மாலை அணிவித்து வணங்கி திருவுருவப் படத்திற்கு மலர் தூவி மரியாதை செலுத்தினார்.

அதன் விவரம் வருமாறு:–

பேரறிஞர் அண்ணாவின் அன்பில் திளைத்தவர், முத்தமிழறிஞர் கலைஞரின் நெஞ்சில் நீங்காஇடம் பிடித்தவர், கழகத் தலைவர் மு.க.ஸ்டாலின் அவர்களுக்கு உற்ற துணையாக பக்க பலமாக இருந்தவர்; எல்லாவற்றிற்கும் மேலாக கழகத்தின் கேடயமாகத் திகழ்ந்தவர், முரசொலி செல்வம் அவர்கள்.

‘முரசொலி’யின் 35 ஆண்டுகால ஆசிரியர்!

முத்தமிழறிஞர் கலைஞரின் மூத்த பிள்ளையான ‘முரசொலி’யின் பணிகளைத் தன் தோளில்சுமந்துகொண்டு இளமைப் பருவம் முதலே திறம்படச் செயலாற்றியவர்.

கழகத் தலைவர்- திராவிட நாயகர் அவர்களின் அரசியல் வாழ்வில் துணையாக- நிழலாக நின்று வழிகாட்டியதுடன், கழகத்தின் கொள்கை முரசமாகமுரசொலியில் ‘சிலந்தி’ என்ற பெயரில் கட்டுரைகளைஎழுதி, அரசியல் எதிரிகளை அதிர வைத்தவர் முரசொலி செல்வம் அவர்கள்!

அந்தோ.. அந்த அறிவுச் செல்வத்தை, கழகச் செல்வத்தை, கருத்துச் செல்வத்தை இயற்கை நம்மிடமிருந்து பிரித்து இரண்டு ஆண்டுகள் நிறைவடைந்து விட்டன. எந்நாளும் நெஞ்சில் அவர் நினைவுகளை ஏந்தி முரசொலி தன் பயணத்தைத் தொடர்கிறது.

¬¬¬முரசொலி செல்வம் அவர்கள் மறைந்ததை அடுத்து – அவர்கள் வளர்த்த ‘முரசொலி’யின் வளாகத்தில் கழகத் தலைவர் மு.க.ஸ்டாலின் அவர்கள், முரசொலி செல்வம் அவர்கள் உருவ மார்பளவுச் சிலையினை நிறுவினார்கள்.

நேற்று (10.10.2026) முரசொலி செல்வம் அவர்களின் இரண்டாவது நினைவு நாளில் ‘முரசொலி’யின் வளாகத்தில் உள்ள திருவுருவச்சிலைக்கு மரியாதை செலுத்திட காலை 9.30 மணியளவில் ‘முரசொலி’அலுவலகத்திற்கு கழகத் தலைவர் அவர்கள் வருகை தந்து அன்னாரின் திருவுருவப் படத்திற்கு மலரஞ்சலி செலுத்தினார்.

இந்நிகழ்வில் கழகப் பொருளாளர்டி.ஆர்.பாலு எம்.பி., துணைப் பொதுச்செயலாளர் ஆ.இராசா எம்.பி., கழக அமைப்புச் செயலாளர் ஆர்.எஸ்.பாரதி, இயக்குநர் அமிர்தம், மு.க.தமிழரசு, முன்னாள் அமைச்சர்கள் எ.வ.வேலு எம்.எல்.ஏ., பொன்முத்துராமலிங்கம், மா.சுப்பிரமணியன், பி.கே.சேகர்பாபு எம்.எல்.ஏ., கழக செய்தித் தொடர்புக் குழுத் தலைவர் டி.கே.எஸ்.இளங்கோவன், கழக இணை அமைப்புச் செயலாளர் அன்பகம் கலை,

தலைவர் கலைஞர் அவர்களின் செயலாளர் கே.இராஜமாணிக்கம் ஐ.ஏ.எஸ். (ஓய்வு), தலைமை நிலையச் செயலாளர்கள் துறைமுகம் காஜா, பூச்சி முருகன், துணை அமைப்புச் செயலாளர்கள்ப.தாயகம் கவி, எஸ்.ஆஸ்டின் எம்.எல்.ஏ.,

சென்னைமேற்கு மாவட்டச் செயலாளர் நே. சிற்றரசு எம்.சி., தேனி தெற்கு மாவட்டச் செயலாளர் கம்பம் இராம கிருஷ்ணன், திருவண்ணாமலை வடக்கு மாவட்டச்செயலாளர்எம்.எஸ்.தரணிவேந்தன் எம்.பி., கழகதீர்மானக்குழுத் தலைவர் கவிஞர்தமிழ்தாசன், கடையநல்லூர் தி.மு.இராஜேந்திரன் எம்.எல்.ஏ., முன்னாள் எம்.எல்.ஏ. இள.புகழேந்தி, கழக செய்தித் தொடர்புக் குழு இணைச் செயலாளர் வழக்கறிஞர் தமிழன் பிரசன்னா, ‘முரசொலி’ சிங்காரம், ஈரோடு இறைவன், ஆயிரம்விளக்கு பகுதிச் செயலா ளர்கள்மா.பா.அன்புதுரை,வினோத் வேலாயுதம்,

பொதுக்குழுஉறுப்பினர் வி.எஸ்.ராஜ், மாவட்டப் பொருளாளர் ஜெ.எஸ்.அகஸ்டின் பாபு, புழல் ஒன்றியச் செயலாளர் நாராயணன், கழக மாற்றுத் திறனாளிகள் அணி மாநிலச் செயலாளர் பேராசிரியர் தீபக்நாதன், துணைச் செயலாளர் வேங்கை வெங்கடேஷ், மயிலை சி.தசரதன், இரா.தம்பிதுரை, மாவட்டக் கழகச் சிறுபான்மையினர் நல உரிமைப் பிரிவு அமைப்பாளர் சேப்பாக்கம் எஸ்.எச்.ரகமதுல்லா, எஸ்.எம்.கே. அண்ணாதுரை, வட்டச் செயலாளர்கள் க.சிட்டிபாபு, மோகன், த.பரி, த.குணசேகர், கே.எஸ்.தினேஷ், ஆர்.பாபு, பீட்டர் ஜான், டி.தேவராஜ், விஷ்ணு மற்றும் இதயத் பாஷா, டி.ஐசன்ட், சுரேஷ், முத்துக்குமார் உள்பட நூற்றுக்கணக்கான கழகத்தினர் இந்நிகழ்வில் கலந்து கொண்டார்கள்.