திருவள்ளூர் அக். 11–
ஏழை, எளிய மக்களின் வாழ்வாதாரத்தைப் பாதுகாப்பதே அரசின் கடமை! அன்றாடம் உழைத்துப் பிழைக்கும் ஆட்டோ ஓட்டுநர்களின் குடும்பங்களின் நிலை என்ன? என்ற கேள்வியை எழுப்பி, திருவள்ளூர் மாவட்டம் பெரியபாளையத்தில் ஆட்டோ ஓட்டுநர்கள் கண்டன ஆர்ப்பாட்டத்தில் ஈடுபட்டனர்.
பெரியபாளையம் மற்றும் அதனைச் சுற்றியுள்ள பகுதிகளில் நூற்றுக்கும் மேற்பட்ட ஆட்டோக்கள்இயங்கிவருகின்றன. பொதுமக்களின் அன்றாடப் போக்குவரத்துத் தேவைகளை நிறைவேற்று வதுடன், ஏராளமான குடும்பங்களின் வாழ்வாதாரமாகவும் ஆட்டோ தொழில் விளங்கிவருகிறது.
இந்நிலையில், கடந்த 2–ம் தேதிமுதல் பெண்களுக்கு இலவசப் பேருந்துப் பயணத் திட்டம் தொடங்கப்பட்டதைத் தொடர்ந்து, தங்களின் வருமானம் பாதிக்கப்படுவதாக ஆட்டோ ஓட்டுநர்கள் கவலை தெரிவித்துள்ளனர்.
மகளிருக்கு இலவசப் பயணம் என்பது வரவேற்கத்தக்கதுதான்; அதே நேரத்தில், ஆட்டோ ஓட்டுநர்களின் வாழ்வாதாரமும் பாதுகாக்கப்பட வேண்டாமா? என்ற கேள்வியை முன்வைத்து, பெரியபாளையத்தில் ஆட்டோ ஓட்டுநர்கள் தங்களது எதிர்ப்பைப் பதிவு செய்தனர்.
பெரியபாளையம் ஆட்டோ ஓட்டுநர்கள் சங்கத் தலைவர்கள் கோபி, மன்சூரலி, சுனில் ஆகியோர் ஆர்ப்பாட்டத்திற்குத் தலைமை தாங்கினர். சிறப்பு அழைப்பாளர்களாகக் கலந்து கொண்ட கம்யூனிஸ்ட் கட்சியின் வட்டக்குழுத் தலைவர் அருள், சிஐடியு மாவட்டத் துணைத்தலைவர் வேலு ஆகியோர் சிறப்புரை யாற்றினர்.
ஆர்ப்பாட்டத்தில், இலவசப் பேருந்துப் பயணத் திட்டத்தால் தங்களின் தொழில் பாதிக்கப்படுவதாகக் கூறிய ஆட்டோ ஓட்டுநர்கள், தங்களின் வாழ்வாதாரத்தைப் பாதுகாக்க உரிய நடவடிக்கை எடுக்க வேண்டும் என்று வலியுறுத்தினர்.
மேலும், ஒன்றிய அரசு கொண்டு வந்துள்ள மோட்டார் வாகனச் சட்டத்தாலும் தாங்கள் பாதிக்கப்படுவதாகத் தெரிவித்த அவர்கள், உழைக்கும் தொழிலாளர்களின் நலனைக் கருத்தில் கொண்டு உரிய தீர்வை ஏற்படுத்த வேண்டும் என்று முழக்க மிட்டனர்.
வரும் அக்டோபர் 31–ம் தேதிக்குள் இலவசப் பேருந்துப் பயணத் திட்டத்தை ரத்து செய்ய வேண்டும் என்று ஆர்ப்பாட்டத்தில் பங்கேற்றவர்கள் கோரிக்கை விடுத்த னர். கோரிக்கையை நிறைவேற்றாவிட்டால், கோட்டையை நோக்கிப் பேரணியாகச் சென்று முற்றுகைப் போராட்டத்தில் ஈடுபடுவோம் என்றும் எச்சரித்தனர்.
இந்த ஆர்ப்பாட்டத்தில் பெரியபாளையம், தண்டலம், பாலவாக்கம், கன்னிகைப்பேர், வடமதுரை உள்ளிட்ட சுற்று வட்டாரப் பகுதிகளைச் சேர்ந்த ஆட்டோ ஓட்டுநர்கள் திரளாகக் கலந்து கொண்டனர்.
தாம்பரத்தில் உலக பார்வை தினத்தை முன்னிட்டு வாசன் கண் மருத்துவமனை நடத்தும் மாணவர்கள் விழிப்புணர்வு நடை பயணத்தை பெருங்களத்தூர் வடக்கு பகுதி செயலாளரும் மண்டல குழு தலைவருமான
டி.காமராஜ் துவக்கி வைத்தார். உடன் தலைமை மருத்துவ அதிகாரி டி. கணேஷ்,மருத்துவக் குழுவினர், சதீஷ் 49வது வட்ட துணைச் செயலாளர் மற்றும் மாணவர்கள் இந்நிகழ்ச்சியில் பெரும் திரளாக கலந்து கொண்டனர்.