சென்னை, அக். 11
திருத்துறைப்பூண்டியில் கோயில்களுக்கு சொந்த மான 14 குளம், குட்டை,. ஓடை பகுதிகளில் உள்ள ஆக்கிரமிப்புகளை 4 மாதங் களுக்குள் அகற்றுமாறு மாவட்ட கலெக்டர் மற் றும் இந்து சமய அறநிலை யத்துறைக்கு சென்னை உயர் நீதிமன்றம் உத்தரவிட்டுள்ளது.
சென்னை உயர் நீதிமன்றத்தில் திருவான்மியூரை சேர்ந்த வழக்கறிஞர் ஆர்.கே. அய்யப்பன் தாக்கல் செய்த மனுவில், திருவாரூர் மாவட்டம் திருத்துறை பூண்டி அருள்மிகு பவ ஒளஷதீஸ்வரர் கோயில் உள்ளது. இந்த கோயிலுக்கு சொந்தமான பிரம்ம தீர்த்தம், ராமர் மடக்குளம், அய்யனார் குட்டை உள்ளிட்ட 11 குட்டைகளும்,
அருள்மிகு முள்ளாச்சி மாரியம்மன் கோயிலுக்கு சொந்தமான அழிய நாச்சியம்மன் குட்டை, பாப்பன் ஓடை, பரங்கு குட்டைகளும் சட்டவிரோதமாக ஆக்கிரமிப்பு செய்யப்பட் டுள்ளது.
இந்த குளங்கள் மற்றும் குட்டைகளால்தான் திருத்துறைபூண்டியில் நிலத்தடி நீர் பாதுகாக்கப் பட்டுவந்தது. அப்பகுதி மக்களுக்கு குடிநீர் ஆதாரமாகவும் இருந்து வந்தது. ஆனால், தற்போது இந்த குளங்களும், குட்டைகளும் முழுவதுமாக மக்களால் பயன்படுத்த முடியாத நிலைக்கு ஆக்கிரமிக்கப்பட்டுள்ளது.
இந்த ஆக்கிரமிப்பு களை அகற்றக்கோரி கடந்த 2025 ஜனவரி 6ம் தேதி திருவாரூர் மாவட்ட கலெக்டர், நீராதார துறை செயற்பொறியாளர், இந்து சமய அறநிலையத்துறை இணைக்கமிஷனர் உள் ளிட்டோருக்கு மனு அனுப் பினேன். ஆனால், இது வரை ஆக்கிரமிப்புகளை அகற்ற எந்த நடவடிக்கையும் எடுக்கப்படவில்லை.
அரசு ஆவணங்களில் தெளிவாக குளம். குட்டை, ஓடை என வகைப்படுத்தப்பட்ட இந்த இடங்களில் உள்ள ஆக்கிரமிப்புகளை அகற்ற அதி காரிகள் விரும்பவில்லை என்று தெரியவந்துள்ளது. எனவே. இந்த ஆக்கிரமிப்புகளை அகற்றுமாறு மாவட்ட கலெக்டருக்கும்சம்மந்தப்பட்ட அதிகாரிகளுக்கும் உத்தரவிட வேண்டும் என்று கோரியிருந்தார்.
இந்த மனு நீதிபதிகள் எஸ்.எம்.சுப்பிரமணியம், ஆர்.ராஜேஷ் விவேகா னந்தன்ஆகியோர் அடங்கிய அமர்வில் விசார ணைக்கு வந்தது. வழக்கை விசாரித்த நீதிபதிகள், மனுதாரரின் கோரிக்கை மனுவை 4 மாதங்களில் பரிசீலித்து ஆக்கிரமிப்புகளை அகற்ற வேண்டும் என்று மாவட்ட கலெக்டர் உள்ளிட்டோருக்கு உத்தரவிட்டனர்.