#Title சென்னை, அக்.11– முரசொலி செல்வம் அவர்களின் 2ஆம் நினைவு நாளான நேற்று, கழகத் தலைவர் மு.க.ஸ்டாலின் அவர்கள், சென்னை ‘முரசொலி’ அலுவலக வளாகத்தில் அமைந்துள்ள முரசொலி செல்வம் அவர்களின் திருவுருவச் சிலைக்கு மலர் மாலை அணிவித்து மரியாதை செலுத்தினார். அப்போது செய்தியாளர்கள் இடைத்தேர்தல் முடிவு குறித்து தொடுத்த வினாவிற்குப் பதிலளித்த கழகத் தலைவர் அவர்கள்; தி.மு.க.வைப் பொறுத்தவரை தோல்வியில் வெற்றியடைந்துள்ளது. த.வெ.க. வெற்றியில் தோல்வி அடைந்துள்ளது என்று குறிப்பிட்டார். கழகத் தலைவர் அவர்கள் கூறியதாவது:– ‘‘மதுராந்தகம், தாராபுரம் இடைத்தேர்தல் முடிவு குறித்து ஏற்கனவே தாம் விரிவாக அறிக்கை வெளியிட்டிருக்கிறேன். ஒரே வார்த்தையில் கூறவேண்டும் என்றால், தி.மு.க.வைப் பொறுத்தவரை தோல்வியில் வெற்றியடைந்துள்ளது; அதேநேரம், த.வெ.க. வெற்றியில் தோல்வியடைந்துள்ளது!’’ இதுவே எனது கருத்து. இவ்வாறு கழகத் தலைவர் அவர்கள் குறிப்பிட்டுள்ளார்.

கழகத்தின் அறிவுச்செல்வம் `முரசொலி’ செல்வம் அவர்களின் 2-ஆம் ஆண்டு நினைவுநாளையொட்டி, `முரசொலி’ அலுவலகத்தில் உள்ள அவரது திருவுருவச் சிலைக்கு அருகே வைக்கப்பட்ட படத்துக்கும், கோபாலபுரத்தில் உள்ள அவரது இல்லத்தில் வைக்கப்பட்ட அவரது திருவுருவப் படத்துக்கும் கழக இளைஞர் அணிச் செயலாளரும் சட்டமன்ற எதிர்க்கட்சித் தலைவருமான உதயநிதி ஸ்டாலின் அவர்கள் மலர் தூவி மரியாதை செலுத்தினார். கழக முன்னோடிகள் உடன் உள்ளார்கள்.