சென்னை, அக். 12 –
திராவிட மாடல் ஆட்சியில் கட்டி முடிக்கப்பட்ட பூவிருந்தவல்லி –- வடபழனி இடையேயான மெட்ரோ ரயில் சேவையை ஆறுமாத காலதாமதத்துக்கு பிறகு பிரதமர் மோடி தொடங்கி வைத்தார்.
சென்னை மெட்ரோ ரயில் திட்டம் முத்தமிழறிஞர் கலைஞர் ஆட்சிக் காலத்தில், மு.க.ஸ்டாலின் அவர்கள் துணை முதலமைச்சராக இருந்தபோது தொடங்கப்பட்டது.
சென்னையின் போக்குவரத்து நெரிசலுக்கு மாமருந்தாகவும், பொதுப் போக்குவரத்து அமைப்பில் மிகப் பெரும் மைல்கல்லாகவும் மெட்ரோ ரயில் அமைந்துள்ளது. சென்னை மெட்ரோ ரயிலின் இரண்டாம் கட்டப் பணிகள் கடந்த அ.தி.மு.க. ஆட்சிக்காலத்தில் முடக்கப்பட்டிருந்தது. கடந்த 2021ஆம் ஆண்டு திராவிட மாடல் ஆட்சி அமைந்ததும் சென்னை மெட்ரோ ரயிலின் இரண்டாம் கட்டப் பணிகள் விரைவுபடுத்தப்பட்டன.
மெட்ரோ ரயில் இரண்டாம் கட்ட திட்டத்திற்கான ஒன்றிய அரசின் பங்களிப்பு நிதி மூன்று ஆண்டுகளுக்கும் மேலாக விடுவிக்கப்படாமல் இருந்தது. கடுமையான நிதி நெருக்கடிக்கு
இடையிலும், சென்னை மெட்ரோ ரயில் 2-ம் கட்ட திட்டப்பணிகளை
திராவிட மாடல் அரசு மேற்கொண்டது.
இந்நிலையில், தி,மு,க, ஆட்சியில்
கட்டி முடிக்கப்பட்ட பூவிருந்தவல்லி –- வடபழனி இடையேயான மெட்ரோ ரயில் சேவையை பிரதமர் மோடி நேற்று தொடங்கி வைத்தார்.
2025 ஆம் ஆண்டுக்குள்
திறந்திட முயற்சி!
பூவிருந்தவல்லி – வடபழனி வழித்தடத்தை 2025 ஆம் ஆண்டு இறுதிக்குள்ளேயே திறந்திட அனைத்து முயற்சிகளையும் திராவிட மாடல் அரசு மேற்கொண்டது. 2025 ஆம் ஆண்டு சிக்னல் அமைப்புக்கான ஒப்புதலை இரயில்வே வாரியம் வழங்குவதில் ஏற்பட்ட தாமதத்தால் அது இயலாமல் போனது.
தமிழ்நாட்டில் தேர்தல் நடத்தை விதிமுறைகள் அமலுக்கு வந்ததையடுத்து, திட்டமிட்டபடி கடந்த ஆட்சிக்காலத்தில் மெட்ரோ ரயில் திட்டத்தை திறந்து வைக்க முடியவில்லை. இந்நிலையில், ஆறுமாத காலதாமதத்துக்கு பிறகு பூவிருந்தவல்லி – வட பழனி இடையேயான மெட்ரோ ரயில் சேவையை தொடங்கி வைத்து அந்த ரயிலில் பிரதமர் மோடி பயணம் செய்தார்.
இதுகுறித்து கழகத் தலைவர் மு.க.ஸ்டாலின் அவர்கள் கடந்த சில தினங்களுக்கு முன் வெளியிட்டுள்ள அறிக்கையில்,
கடுமையான நிதி நெருக்கடிக்கு இடையிலும், 2024 செப்டம்பர் நிலவரப்படி, மாநில அரசின் சொந்த நிதியிலிருந்து 11 ஆயிரத்து 762 கோடி ரூபாயும், வெளிநாட்டு நிதி நிறுவனங்களின் கடனுதவி மூலம் 6 ஆயிரத்து 802 கோடி என மொத்தம் 18 ஆயிரத்து 564 கோடி ரூபாயைச் செலவிட்டு
திராவிட மாடல் அரசில் இரண்டாம் கட்டப் பணிகளை நிறுத்தாமல் தொடர்ந்தோம் என்று குறிப்பிட்
டுள்ளார்.
மேலும் பிரதமரால் திறந்து வைக்கப்பட இருக்கும், பூவிருந்தவல்லி –- போரூர் -– வடபழனி வழித்தடத்தை ஒருவழியாகச் சென்னை மக்கள் ஆவலோடு எதிர்பார்த்திருந்த இந்த வழித்தடம் பயன்பாட்டுக்கு வர இருப்பதை அறிந்து மிகுந்த மகிழ்ச்சியும் மன
நிறைவும் கொள்கிறேன் என்றும் ஆண்டுக்கணக்கில் நான் சுமந்து வளர்த்தெடுத்த சென்னைமெட்ரோ இரயில் எனும் குழந்தை அடியெடுத்து வைப்பதில் தாய்மை உணர்வுடன் பெருமை கொள்கிறேன் என்றும் குறிப்பிட்டுள்ளார்.
சென்னை வள்ளுவர் கோட்டம் வரலாற்றை போன்று சென்னை மெட்ரோ இரயில் நிறைவேற்றத்திலும் தி.மு.க. அரசின் இடம் சரித்திரத்தில் எவராலும் மறைக்க முடியாத இடமாக நிலைபெற்றிருக்கும். சென்னை மெட்ரோ இரயில் மட்டுமல்ல, சென்னை மாநகரில் காணும் உட்கட்டமைப்பு வளர்ச்சித் திட்டங்கள் எல்லாவற்றிலும்தி.மு.க அரசின் பெயர்தான் இருக்கும்.
தி.மு.க. ஆட்சிக் காலங்களில்தான் நவீன தமிழ்நாடு கட்டியெழுப்பப்பட்டது என்பதை ஒவ்வொரு மாவட்டத்திலும் உயர்ந்துநிற்கும் வளர்ச்சிச்
சின்னங்கள் பறைசாற்றும்என்றும் தெரிவித்துள்ளார்.