மதுரை, அக். 12 –
மதுரை தெற்கு மாவட்ட தி.மு.க. செயல் வீரர்கள் கூட்டம் இன்று (12ஆம் தேதி திங்கள் கிழமை) திருமங்கலம் கொடி திருமண மஹாலில் நடைபெற உள்ளதாகவும் இதில் திமுக நிர்வாகிகள் தவறாமல் பங்கேற்று சிறப்பிக்க வேண்டுமென மாவட் டச் செயலாளர் சேடபட்டி மு.மணிமாறன் எம்.எல்.ஏ. தனது அறிக்கையின் மூலம் தெரிவித்துள்ளார்.
அதன் விபரம் வருமாறு:–
கழகத் தலைவர் மு.க. ஸ்டாலின் அவர்கள் ஆணைக்கிணங்க புதிதாக கழக மாவட்டங்கள் உருவாக்கப்பட்டுள்ளன,
மேலும் கழகத் தலைவரின் ஆலோசனையின் படி அமைக்கப்பட்டுள்ள கழக மறு சீரமைப்புக்குழு மூலம் ஒன்றிய, நகர, பகுதிக்கழக, வட்டக் கழக, பேரூர் கழகங்கள் வாக்காளர்கள் எண்ணிக்கைக்கு ஏற்ப புதிதாக உருவாக்கப்பட உள்ளது இது தொடர்பான மதுரை தெற்கு மாவட்ட திமுக செயல்வீரர்கள் கூட்டம் இன்று (12.10.2026 திங்கள் கிழமை) காலை 10.00 மணி அளவில் திருமங்கலம் கொடி திருமண மண்டபத்தில் எனது தலைமையிலும், தலைமை கழக பிரதிநிதிகள் பி.டி.சி செல்வராஜ், மூத்த வழக்கறிஞர் ரவீந்திரன் ஆகியோர் முன்னிலையில் நடைபெற உள்ளது.
முக்கியத்துவம் வாய்ந்த இக்கூட்டத்தில் மாநில, மாவட்டக் கழக நிர்வாகி கள், தலைமைச் செயற்குழு,
பொதுக்குழு உறுப்பினர்கள், ஒன்றிய, நகர, பகுதி, வட்டக்கழக, பேரூர் கழக செயலாளர்கள், நிர்வாகிகள், அனைத்து அணி அமைப்பாளர்கள், துணை அமைப்பாளர்கள், மாமன்ற உறுப்பினர்கள், கழக முன்னோடிகள், கிளைக்கழக செயலாளர்கள் உள்ளிட்ட அனைவரும் தவறாது கலந்து கொண்டு சிறப்பிக்குமாறு மதுரை தெற்கு மாவட்ட செயலாளர் சேடபட்டி மு.மணிமாறன் எம்.எல்.ஏ. தனது அறிக்கையின் மூலம் கழகத்தினருக்கு வேண்டுகோள் விடுத்துள்ளார்.
நியூயார்க், அக். 12 – “ஒரு மனிதனை உங்களால் தடுத்து சிறையில் அடைக்க முடியும்.. ஆனால், உண்மையை ஒருபோதும் சிறைபிடிக்க முடியாது.” டெல்லியில் அமைதியாகப் போராட நினைத்த இளைஞர்கள் மீது அரசு ஏவிய அதிகார அடக்குமுறை, இப்போது சர்வதேச அளவில் பூதாகரமாக வெடித்துள்ளது.
நேற்று முன்தினம் காலை வரை டெல்லி வீதிகளில் மட்டுமே கேட்டுக் கொண்டிருந்த இளைஞர்களின் முழக்கம், இன்று உலகின் மிகப்பெரிய சர்வதேச ஊடகங்களின் தலைப்புச் செய்தியாக மாறியுள்ளது. ராய்ட்டர்ஸ, அசோசியேட்டட் பிரஸ் , பிபிசி, தி கார்டியன் , ப்ளூம்பெர்க், அல் ஜசீரா மற்றும் நியூயார்க் டைம்ஸ் என உலகின் முன்னணி ஊடகங்கள் அனைத்தும் டெல்லி யின் நிலைமையை உலகிற்கு அம்பலப்படுத்தியுள்ளன.
டெல்லி போராட்டம்
இந்தியாவில் வாக்குரிமை பறிக்கப்படுவதை எதிர்த்தும், SIRல் நடைபெற்ற முறைகேடுகளுக்கு எதிராகவும், பல்வேறு புகார் களுக்கு ஆளான தலைமைத் தேர்தல் ஆணையர் ஞானேஷ் குமார் பதவி விலகக் கோரியும், ‘காக்ரோச் ஜனதா கட்சி’ தலைவர் அபிஜித் திப்கே தலைமையில் இளைஞர்கள் டெல்லி ஜந்தர் மந்தரில் போராடத் திட்ட மிட்டனர்.
மும்பையிலிருந்து டெல்லி வந்திறங்கிய அபிஜித் திப்கேவை, விமானத்தை விட்டு வெளியே கூட வரவிடாமல் விமானத்திற்குள்ளேயே புகுந்து டெல்லி போலீஸ் கைது செய்தது. அதைத் தொடர்ந்து ஆயிரக்கணக்கான மாணவர்கள், சமூக ஆர்வலர்கள் மற்றும் அரசியல் தலைவர்கள் தடுப்புக் காவலில் வைக்கப்பட்டனர்.
அரசு நினைத்தது: ‘தலைவரைக் கைது செய்துவிட்டால் போராட்டம் அடங்கிவிடும்; டெல்லியை மூடிவிட்டால் செய்தி வெளியுலகிற்குத் தெரியாது.’ ஆனால் நடந்தது என்ன? அடுத்த சில மணி நேரங்களிலேயே இந்த விவகாரம் கடல் கடந்து உலகின் அனைத்து கண்டங்களிலும் எதிரொலிக்கத் தொடங்கியது.
சர்வதேச ஊடகங்கள் டெல்லியில் நடந்த அடக்குமுறையை மிகக் கடுமையான வார்த்தைகளால் விவரித்துள்ளன:
1.”தலைநகரையே திறந்தவெளி சிறைச்சாலை யாக்கிய அரசு” (ராய்ட்டர்ஸ் & அசோசியேட்டட் பிரஸ்):
சாமானிய இளைஞர்கள் அமைதியாகக் கேள்வி கேட்பதைத் தடுக்க 23,000-க்கும் மேற்பட்ட துணை ராணுவப் படையினரைக் குவித்தது, பல மெட்ரோ நிலையங்களை மூடியது, இணைய சேவையை முடக்கியது ஜனநாயகத்திற்கு எதிரானது என இந்த ஊடகங்கள் விரிவான செய்திகளை வெளியிட்டுள்ளன.
2. “ஜெனரேஷன்-இசட் (Gen-Z) தலைமுறைக்கு அஞ்சும் ஆட்சி” (பிபிசி & தி கார்டியன்):
இணையதளங்கள் மூலமாகவும் வீதிகளிலும் உரிமைக்காகப் பேசும் இளம் தலைமுறையின் குரலை நசுக்க, ஒரு போர்க்களத்தைப் போல அரசு தயார் நிலையில் நின்றது அதிகாரத்தின் பயத்தையே காட்டுகிறது என்று பிரிட்டனின் முன்னணி பத்திரிகைகள் சாடியுள்ளன.
3. “சர்வாதிகாரப் போக்கில் உலகின் மிகப்பெரிய ஜனநாயகம்” (அல் ஜசீரா & நியூயார்க் டைம்ஸ்):
அரசியல் சாசனத்தின்படி அமைதியான வழியில் போராட மக்களுக்கு உரிமை உண்டு. ஆனால் விமானத்திற்குள் ஏறி போராட்டக் குழுத் தலைவரை இழுத்துச் சென்ற விதம் மற்றும் 3,000-க்கும் மேற்பட்டோரை நள்ளிரவில் கைது செய்தது ஒரு சர்வாதிகார ஆட்சியின் நடவடிக்கையைப் போலவே உள்ளது என்று சுட்டிக் காட்டியுள்ளன.
ஐக்கிய நாடுகள் சபை (UN) வரை எதிரொலித்த கொந்தளிப்பு
இந்த விவகாரம் சர்வதேச அரங்கிற்குச் சென்றதைத் தொடர்ந்து, ஜனநாயக நாட்டில் அமைதியான முறையில் கூடுவதற்கும் போராடுவதற்கும் மக்களுக்கு உரிமை உண்டு என்றும், தடுப்புக் காவலில் வைக்கப்பட்டவர்களை விடுவிக்க வேண்டும் என்றும் ஐக்கிய நாடுகள் சபை வட்டாரங்கள் கவலை தெரிவித்தன. இருப்பினும், இது தங்களின் உள்நாட்டு விவகாரம் என்று கூறி மத்திய அரசு அதற்கு மறுப்பு தெரிவித்துள்ளது.
உலகிற்கே தெரிந்துவிட்டது!
தேர்தல் ஆணையம் செய்த வாக்காளர் பட்டியல் குளறுபடிகள் குறித்து இந்திய தொலைக்காட்சி ஊடகங்கள் முழுமையா கப் பேசத் தயங்கிய நிலையில், அரசின் இந்த அதிரடி அடக்குமுறையே அந்தச் செய்தியை உலக அளவில் கொண்டு சேர்த்துள்ளது.
தலைநகரையும் முடக்கிய செயல்:
அரசின் பலத்தைக் காட்டவில்லை; மாறாக இளைஞர்களின் குரலைக் கண்டு அரசு எந்தளவுக்கு அஞ்சுகிறது என்பதையே சர்வதேச அளவில் நிரூபித்துள்ளது.
துப்பாக்கிகளாலும், இரும்புத் தடுப்புகளாலும், விமான நிலையக் கைதுகளாலும் கருத்துச் சுதந்தி ரத்தை அடக்கிவிட முடியாது என்பதை உலக நாடுகள் இந்தியாவின் தற்போதைய சூழலை வைத்துப் பேசத் தொடங்கியுள்ளன.
அபிஜித் திப்கே என்ற தனிமனிதரை அரசாங்கம் தடுத்து வைக்க முடிந்தி ருக்கலாம். ஆனால், உலக வரைபடத்தில் இந்தியாவின் ஜனநாயக எதிர்காலம் குறித்த கேள்விகளை எழுப்பியுள்ள இந்த மக்கள் எழுச்சியை எந்த ஒரு அதிகார அமைப்பாலும் தடுத்து நிறுத்த முடிய வில்லை.