சென்னை, அக். 13 –
கழக மாற்றுத்திறனாளிகள் அணிச் செயலாளர் பேராசிரியர்தீபக் நாதன் விடுத்துள்ள அறிக்கைவருமாறு:–
புதிய மெட்ரோ ரயில் திட்டத்தைத் திறந்து வைப்பதும், நவீன போக்குவரத்துக் கட்டமைப்பை மக்களுக்கு அர்ப்பணிப்பதும் வரவேற்கத்தக்கது. ஆனால், அந்தக் கட்டமைப்பு மாற்றுத்திறனாளிகளும் தடையின்றிப் பயன்படுத்தக்கூடிய வகையில் உருவாக்கப்பட்டுள்ளதா என்பதை உறுதி செய்யாமல் திறப்பு விழாவுக்கு முன்னுரிமை அளிப்பது ஏன்? மாற்றுத்திறனாளிகளின் உரிமைகளையும் அணுகல்தன்மையையும் உறுதி செய்வதில் அரசு தனது சட்டப்பூர்வக் கடமையை நிறைவேற்றியுள்ளதா? என்ற கேள்விகளைப் பேராசிரியர் தீபக் நாதன் எழுப்பியுள்ளார்.
மாற்றுத்திறனாளிகளின் உரிமைகள் சட்டம், 2016-ன் பிரிவு 44 என்ன கூறுகிறது?
மாற்றுத்திறனாளிகளின் உரிமைகள் சட்டம், 2016-ன் பிரிவு 44, கட்டடங்கள் மற்றும் கட்டமைப்புகளுக்கான அணுகல்தன்மை விதிமுறைகளைப் பின்பற்ற வேண்டியதன் அவசியத்தைத் தெளிவு படுத்துகிறது. அணுகல்தன்மை விதிகளைப் பின்பற்றாத கட்டடங்களுக்கு கட்டுமான அனுமதி வழங்குவதிலும், நிறைவுச் சான்றிதழ் அளிப்பதிலும், பயன்பாட்டுக்கு அனுமதிப்பதிலும் சட்டம் கட்டுப்பாடுகளை விதிக்கிறது.
இந்நிலையில், புதிய மெட்ரோ ரயில் திட்டத்தில் பார்வைத்திறன் குறைபாடு உடையவர்கள், செவித்திறன் குறைபாடு உடையவர்கள், சக்கர நாற்காலியைப் பயன்படுத்துவோர் மற்றும் பிற மாற்றுத்திறனாளிகள் பாதுகாப்பாகவும் சுதந்திரமாகவும் பயணிப்பதற்கான வசதி கள் உறுதி செய்யப்ட்டுள்ளனவா?
மாற்றுத்திறனாளிகளுக்கான அணுகல்தன்மை தொடர்பான விதிமுறைகளின்படி ஆய்வு மேற் கொள்ளப்பட்டுள்ளதா? அதற்கான உரிய இணக்கச் சான்றிதழ்கள் பெறப்பட்டுள்ளனவா? பொதுமக்களின் பயன்பாட்டுக்காகத் திறந்து வைப்பதற்கு முன்பாக, மாற்றுத்திறனாளிகள் எதிர்கொள்ளக்கூடிய தடைகள் அடையாளம் காணப்பட்டு சரிசெய்யப்பட்டுள்ளனவா? என்பதற்கு அரசு வெளிப்படையான விளக்கமளிக்க வேண்டும்.
அதிகாரிகளின் பொறுப்பு என்ன?
மாற்றுத்திறனாளிகளுக்கானமாநில ஆணையம் இத்திட்டத்தின் அணுகல்தன்மை குறித்து ஆய்வுமேற்கொண்டுள்ளதா? சம்பந்தப்பட்ட துறை அதிகாரிகள் திட்டத்தை நேரில் ஆய்வு செய்து, குறைபாடுகள் குறித்து அரசுக்குப் பரிந்துரைகள் அளித்துள்ளனரா?மாற்றுத்திறனாளிகள் நலத்துறை இவ்விவ காரத்தில் தனது கருத்துருவை அரசுக்கு அனுப்பியுள்ளதா? என்பதையும் அரசு தெளிவுபடுத்த வேண்டும்.
மாற்றுத்திறனாளிகள் நலத்துறையின் அமைச்சராகப் பொறுப்பு வகிக்கும் திரு. விஜய் அவர்கள், மாற்றுத்திறனாளிகளின் உரிமைகள் மற்றும் அணுகல்தன்மை தொடர்பான இத்தகைய முக்கியமான விவகாரங்களில் நேரடியாகத் தலையிட்டு உரிய நடவடிக்கை எடுப்பாரா? அல்லது மாற்றுத்திறனாளிகளின் தேவைகள் மீண்டும் புறக்கணிக்கப்பட அனுமதிக்கப்படுமா?
மெட்ரோ ரயில் என்பது ஒரு போக்குவரத்துத் திட்டம் மட்டுமல்ல; அது அனைவருக்குமான பொதுச் சேவையாகும். மாற்றுத்திறனாளிகள் பிறரின் உதவியைச் சார்ந்திருக்காமல்,பாதுகாப்பாகவும் சுயமரியாதையுடனும் பயணிக்கக்கூடியசூழலை உருவாக்குவது அரசின் அடிப்படைக் கடமையாகும்.
திறப்பு விழாவை விட உரிமைகளுக்கு முன்னுரிமை அளிக்க வேண்டும்!
எனவே, புதிய மெட்ரோ ரயில் திட்டத்தின் அணுகல்தன்மை தொடர்பான ஆய்வு அறிக்கை, உரிய இணக்கச் சான்றிதழ்கள் மற்றும் குறைபாடுகள் இருந்தால்அவற்றைச் சரிசெய்ய எடுக்கப்பட்ட நடவடிக்கைகள் குறித்த விவரங்களை அரசு பொதுவெளியில் வெளியிட வேண்டும். மாற்றுத்திறனாளிகள் அமைப்புகளின் பிரதிநிதிகளையும் உள்ளடக்கிய ஆய்வுமேற்கொள்ளப்பட வேண்டும்.
வளர்ச்சி என்பது கட்டமைப்புகளை உருவாக்குவதில் மட்டும் இல்லை; அந்தக் கட்டமைப்புகள் சமூகத்தின் ஒவ்வொரு பிரிவின ருக்கும் சமமான வாய்ப்பையும் அணுகலையும் வழங்குவதில்தான் அதன் உண்மையான பொருள் அடங்கியுள்ளது.
சட்டம் உறுதி செய்துள்ள உரிமைகளைநடைமுறைப்படுத்துவது அரசின் கடமை; அது யாருடைய விருப்பத்தையும் சார்ந்தது அல்ல!
இவ்வாறுஅவர்தெரிவித் துள்ளார்.