சென்னை, அக். 13 -

சென்னை கிழக்கு மாவட்­டம், கொளத்­தூர் கிழக்கு பகுதி, 68 (அ) வட்­டக் கழ­கத்­தில் கடந்த 40 ஆண்­டு­கா­ல­மாக வட்ட அவைத் தலை­வர் உள்­ளிட்ட பல்­வேறு கழ­கப் பொறுப்­பு­களி ல் இருந்து இந்த பகு­தி­யில் கழக வளர்ச்­சிக்கு பாடு­பட்­ட­வ­ரும் எஸ்.ஆர்.பி. காலனி குடி­யி­ருப்­போர் சங்­கத்­தின் மேனாள் தலை­வர் மற்­றும் செய­லா­ள­ரு­மான, கழ­கத்­தின் மூத்த முன்­னோ­டி­யும் தீவிர கலை­ஞர் பக்­த­ரு­மான இர.செந்­தில்­நா­தன் (வயது 79) அவர்­கள் கடந்த (09.10.2026 - வெள்­ளிக்­கி­ழமை) காலை 7.30 மணி அள­வில் வயது மூப்­பின் கார­ண­மாக இயற்கை எய்­தி­னார்.

கழக மூத்த முன்­னோடி இர.செந்­தில்­நா­தன் அவர்­கள் கடந்த 60 ஆண்டு கால­மாக இதே பகு­தி­யில் நடை­பெற்ற அனைத்து தேர்­தல்­க­ளி­லும் கழ­கத்­தின் சார்­பில் போட்­டி­யிட்ட அனைத்து கழக வேட்­பா­ளர்­க­ளின் வெற்­றிக்­காக அரும்­பா­டுப்­பட்­ட­வர். கழ­கம் அறி­வித்த அனைத்து போராட்­டங்­க­ளி­லும் முன்­ன­ணி­யில் கலந்து கொண்­ட­வர். குறிப்­பாக தள­பதி அவர்­க­ளின் கொளத்­தூர் தொகு­தி­யில் தள­ப­தி­யின் வெற்­றிக்­காக 2011, 2016, 2021, 2026 ஆகிய தேர்­தல்­க­ளில் கடு­மை­யாக பாடு­பட்­ட­வர். இந்த 2026 தேர்­த­லி­லும் கழ­கத் தலை­வ­ரின் வெற்­றிக்­காக அய­ராது பாடு­பட்­டார். கழ­கத் தலை­வர் தள­பதி மு.க.ஸ்டாலின் அவர்­கள் வெற்றி வாய்ப்பை இழந்த செய்தி கேட்­டது முதல் உடல் நலம் அதி­க­மாக பாதிக்­கப்­பட்­டார்.

அன்­னா­ரின் மறைவு செய்தி அறிந்­த­தும் கழக நாடா­ளு­மன்ற உறுப்­பி­னர் கலா­நிதி வீரா­சாமி, மாநி­லங்­க­ளவை உறுப்­பி­னர் இரா.கிரி­ரா­ஜன், தலைமை செயற்­குழு உறுப்­பி­னர் ப.ரங்­க­நா­தன், கொளத்­தூர் கிழக்கு பகு­திச் செய­லா­ளர் ஐ.சி.எப். வ.முர­ளி­த­ரன், வட்­டச் செய­லா­ளர் பி.டி.சி.ரவி உள்­ளிட்ட மாவட்ட, பகுதி, வட்­டக் கழக நிர்­வா­கி­கள் மற்­றும் கழக முன்­ன­ணி­யி­னர் இறுதி அஞ்­சலி செலுத்­தி­னர்.

அன்­னா­ரின் இறுதி ஊர்­வ­லம் (11.10.2026 - ஞாயிற்­றுக்­கி­ழமை) காலை 10:30 மணி அள­வில், சென்னை, திரு.வி.க. நகர், தாங்­கல் இடு­காட்­டில் உடல் தக­னம் செய்­யப்­பட்­டது.