புதுடெல்லி,அக்.13 –
இந்தியாவில் உயர் நீதிமன்றங்கள் மற்றும் உச்ச நீதிமன்ற நீதிபதிகளை தேர்வு செய்யும் கொலீஜியம் முறையில் வெளிப்படைத்தன்மை இல்லை என்றும், உண்மையில் இந்த நீதிபதிகள் அனைவரும் பிரதமர் நரேந்திரமோடியால்தான் நேரடியாகநியமிக்கப்படுகிறார்கள் என்றும்சென்னை உயர் நீதிமன்றத்தின் முன்னாள் நீதிபதி கே.சந்துரு தெரிவித்துள்ளார்.
சென்னையில் நடைபெற்ற கருத்தரங்கம் ஒன்றில் அவர் பேசிய இந்தகருத்துகள் தற்போது நாடுமுழுவதும் பெரும் விவாதத்தைக் கிளப்பியுள்ளன.
சென்னையில் உள்ள ஏசியன் காலேஜ் ஆஃப் ஜர்னலிசம் (ACJ) கல்வி நிறுவனம் சார்பில், “நீதிபதிகளை யார் எடைபோடுவது?” (Who Will Judge the Judges) என்ற தலைப்பில் ஒரு சிறப்புக் கருத்தரங்கம் நடைபெற்றது.
நீதிபதிகள் நியமனம், நீதிமன்றங்களின் செயல்பாடு மற்றும் சமூகப் பிரதிநிதித் துவம் குறித்து இந்த நிகழ்வில் மூத்த சட்ட வல்லுநர்கள் விரிவாக விவாதித்தனர்.
நிகழ்ச்சியில் முக்கிய உரையாற்றிய ஓய்வுபெற்ற நீதிபதி கே.சந்துரு, நீதிபதிகள் நியமனத்தில் ஒன்றிய அரசின் மறை முகத் தலையீடுகள் குறித்துப் பேசினார்.
“2014–ஆம் ஆண்டு மத்தி யில் பா.ஜ.க. தலைமை யிலான நரேந்திர மோடி அரசு ஆட்சிக்கு வந்ததும்,தேசிய நீதிபதிகள் நியமன ஆணையச் சட்டத்தை கொண்டுவர முயற்சி செய்தது. ஆனால், அந்தச் சட்டம் அரசியல் சாசனத்திற்கு எதிரானது என்று உச்ச நீதிமன்றம் அதை ரத்து செய்துவிட்டது.
அந்தத் தீர்ப்பிற்குப் பிறகு, உயர்நீதிமன்ற மற்றும் உச்ச நீதிமன்ற நீதிபதிகள் அனைவரையும் கொலீஜியம் தேர்வு செய்வதற்குப் பதிலாக, உண்மையில் பிரதமர் மோடியே நேரடியாக நியமித்து வருகிறார்.
NJAC சட்டத்தை மீண்டும் கொண்டுவர அரசு எந்த முயற்சியும் எடுக்கவில்லை. ஏனெனில், அந்த ஆணையத்தை விட தங்களுக்குச் சாதகமான, அதிக பலன் தரக்கூடிய வேறு குறுக்கு வழிகளை அரசு இப்போது கண்டு பிடித்துவிட்டது” என்று நீதிபதி சந்துரு கூறினார்.
தொடர்ந்து தற்போதுநடைமுறையில் இருக்கும் ‘கொலீஜியம்’ முறையையும் நீதிபதி சந்துருகடுமையாக விமர்சித்தார்.
“உச்ச நீதிமன்றத்தில் 38 நீதிபதிகளும், மாநில உயர் நீதிமன்றங் களில் சுமார் 1,000 நீதிபதிகளும்பணியாற்றுகிறார்கள். இவர்களைத்தேர்வு செய்யும் கொலீஜியம் முறைக்குஇந்திய அரசியல் சாசனத்தில் எந்தவிதமான அங்கீகாரமும் கிடையாது. யாருக்குமே எதுவும் தெரியாமல், மூடிய கதவுகளுக்குப் பின்னால் ரகசியமாக இந்த நியமனங்கள் நடக்கின்றன. இந்தியாவிலேயே மிகக் கவனமாகப் பாதுகாக்கப்படும் மிகப்பெரிய ரகசியம் இந்த கொலீஜியம் முறைதான்.
நீதிபதிகளே நீதிபதி களை நியமித்துக் கொள்ளும் ஒரு விசித்திரமான முறை உலகத்தில் வேறு எங்குமே இல்லை. மக்களால் தேர்ந்தெடுக்கப்படும் ஜனநாயக நாடுகள் எதிலும் இதுபோன்ற ஒரு பழக்கம் கிடையாது; இந்தியாவில் மட்டும்தான் இது நடக்கிறது” என்றுஅவர் சுட்டிக் காட்டினார்.
பங்கேற்றோர் எச்சரிக்கை!
இதற்கிடையே கொலீஜியம் முறையில் யாருக்குப் பதவி வழங்கப்படுகிறது, எந்த அடிப்படையில் தேர்வு செய்யப்படுகிறார்கள் என்பது மக்களுக்குத் தெரிவதில்லை.
அதே நேரத்தில், ஒன்றிய அரசு தங்களுக்கு வேண்டியவர்களை மட்டுமே அங்கீகரித்து மற்ற பெயர்களைத் தாமதப்படுத்துகிறது என்ற குற்றச்சாட்டும் நீண்ட நாட்களாக இருந்து வருகிறது.
நீதிபதிகள் நியமனம் நேர்மையாகவும் வெளிப்படையாகவும் நடக்கா விட்டால், அது நாட்டின் ஒட்டுமொத்தநீதி வழங்கல் முறையையே பாதிக்கும் என்பதை இந்தக் கருத்தரங்கில் பேசிய
பேச்சாளர்கள் எச்சரித்துள்ளனர்.
புதுடெல்லி, அக்.13 –
வாக்காளர் பட்டியல் சிறப்பு தீவிர திருத்தப்பணி களில் முறைகேடு செய்ததாக குற்றம் சாட்டி தலைமை தேர்தல் கமிஷனர் ஞானேஷ் குமார் பதவி விலகக்கோரி கரப்பான் பூச்சி ஜனதா கட்சியினர் போராட்டம் நடத்தி வருகிறார்கள்.
இந்த கோரிக்கையை வலியுறுத்தி கடந்த 2–ந் தேதி காந்தி ஜெயந்தி அன்று மும்பையில் அவர்கள் போராட்டம் நடத்தினார்கள். ஏற்கனவே தங்களது போராட்டத்தால் மத்திய கல்வி மந்திரியை பதவி விலக வைத்த செயல், அவர்களை இந்தபோராட்டத்துக்கு மேலும்ஊக்கப்படுத்தியது.
இதனால் அக் 10–ந்தேதி டெல்லியில் மிகப்பெரிய அளவில் போராட்டம் நடைபெறும் என அறிவித்து இருந்தனர். போராட்டத்தை முறியடிப்பதற்காக போலீசார் டெல்லியில் பல்வேறு கட்டுப்பாடுகளை அறிவித்தனர். முதலாவதாக கரப்பான் பூச்சி கட்சியினரின் போராட்டத்துக்கு அனுமதி மறுக்கப்பட்டது.
இதற்கிடையே மும்பையில் இருந்து இந்த போராட்டத்துக்காக புறப்பட்ட கரப்பான் பூச்சி ஜனதா கட்சியின் நிறுவனர் அபிஜீத் திப்கே, பிற நிர்வாகிகள் சவுரவ் தாஸ், அசுதோஷ் ரங்கா ஆகியோர் டெல்லி விமான நிலையத்துக்கு நேற்று காலை 10:30 மணி அளவில் வந்தனர்.
இதனை முன்கூட்டியே அறிந்திருந்த போலீசார்அந்த விமானத்துக்குள்ளேயேஏறி அவர்களை கைது செய்தனர்.
இந்நிலையில், டெல்லியின் கண்டோன்மென்ட் காவல் நிலையத்தில் சிஜேபி தலைவர்களான அபிஜீத் தீப்கே, அசுதோஷ் ரங்கா மற்றும் சௌரவ் தாஸ் ஆகியோர் நீதிபதி முன் நேற்று ஆஜர்படுத்தப்பட்டனர். அவர்கள் 3 பேரை விடுவிக்க நீதிபதி உத்தரவிட்டார். ஓராண்டு காலம் அமைதிக்கு இடையூறு செய்யக்கூடாது என்ற நிபந்தனையின் அடிப்படையில் அவர்கள் விடுவிக்கப்பட்டுள்ளனர்.
இதனை தொடர்ந்து சர்வதிகாரத்தின் முடிவு தொடங்கிவிட்டது என அபிஜீத் திப்கே கூறியுள் ளார்.
இது தொடர்பாக அவர் எக்ஸ் தள பதிவில்,
மோடி பிரதமராக இருப்பது இந்தியாவுக்கு அவமானம்.நாட்டில் இதுவரை இவ்வளவுபெரிய கோழையையும், அதிகாரத்தைப் பயன்படுத்தி மிரட்டுபவரையும் பார்த்ததில்லை. “இந்தத் துயரமான நேரத்தில் எனது குடும்பத்தினருடன் இருக்க எனது சொந்த கிராமத்துக்குத் திரும்பிச் செல்கிறேன். டெல்லியில் சவுரவ் மற்றும் ஆஷு ஆகியோர் விரைவில் செய்தியாளர் சந்திப்பை நடத்துவார்கள்.
சிஜேபி அமைப்பு ஒருபோதும் பின்வாங்காது. மிரட்டல்களுக்கும்
அஞ்சாது. அக்டோபர்10–ம் தேதி, இந்தச் சர்வாதிகாரத்தின் முடிவுக்கானதொடக்கமாக வரலாற்றில்இடம்பெறும் என அதில் பதிவிட்டுள்ளார்.