பவளவிழா கண்டு நூற்றாண்டை நோக்கி நடைபோடும் நம்முடைய திராவிட முன்னேற்றக் கழகம் புத்தெழுச்சியைப் பெற-அடுத்தகட்டப் பயணத்தில் வெற்றிகளை அடைய, கழகத்தலைவர் மு.க.ஸ்டாலின் அவர்களால் அமைக்கப்பட்ட மறுசீரமைப்புக்குழுவானது பல்வேறு பரிந்துரைகளை கழகத்தலைவர் அவர்களிடம் வழங்கியுள்ளது.
மறுசீரமைப்புக் குழு வழங்கிய பரிந்துரைகளின் அடிப்படையிலேயே மாவட்டம் -பகுதி – நகரம் – ஒன்றியம் – பேரூர் – வட்டம் - கிளைகள் மறுசீரமைக்கப்பட வேண்டும் என 22 ஆகஸ்ட் 2026 அன்று நடைபெற்ற தலைமைச் செயற்குழுக் கூட்டத்தில் தீர்மானங்கள் இயற்றப்பட்டுள்ளது.
மாநிலம் முழுவதும் ஒரே அளவிலான பகுதி-நகரம்-ஒன்றியம்-பேரூர் அமைந்திட வேண்டும் என்பது மறுசீரமைப்பின் முக்கியமான இலக்காகும். தற்போது பல்வேறு இடங்களில் பரிந்துரைகளின் அடிப்படையில் இன்றி தன்னிச்சையாக கழக அமைப்புகள் மறுசீரமைக்கப்படுவதாக தலைமைக் கழகத்திற்கு தகவல்கள் வருகின்றன. தலைமைக்கழகத்தில் சரிபார்க்கப்படும் போது பரிந்துரைகளின்படி இல்லாத மறுசீரமைப்புகள் ஏற்றுக்கொள்ளப்படாது.
இயற்றப்பட்ட தீர்மானங்களின்படி, ஒன்றியக்கழகங்கள் சராசரியாக 30,000 வாக்குகளைக் கொண்டதாக அமைத்திட வேண்டும். உதாரணமாக ஒரு வருவாய் ஒன்றியத்தில் 55,000 வாக்குகள் இருந்து முன்பு மூன்று அல்லது நான்கு கழக ஒன்றியமாக இருந்திருந்தாலும் தற்போதைய செயற்குழு தீர்மானத்தின் அடிப்படையில் சராசரியாக 30,000 வாக்குகள் என்பதை அடிப்படையாக வைத்து இரண்டு கழக ஒன்றியங்களாக மட்டுமே பிரிக்க முடியும். 18,000 வாக்குகள் வீதம்
மூன்றாகவோ 14,000 வாக்குகள் வீதம் நான்காகவோபிரிப்பது கூடாது.
பகுதிக்கழகங்கள் சென்னையில் 40,000 வாக்குகளைக் கொண்டதாகவும், மற்ற மாநகரங்களில் சராசரியாக 30,000 வாக்குகளைக் கொண்டதாகவும் அமைய வேண்டும். நகரக்கழகங்கள்
சராசரியாக 40,000 வாக்குகளைக் கொண்டதாகவும் அமைந்திட வேண்டும்.
வட்டக்கழகங்கள் சென்னை மாநகராட்சியில் சராசரியாக 10,000 வாக்குகளைக் கொண்டதாகவும் பிற மாநகராட்சிகளில் சராசரியாக 5000 வாக்குகளைக் கொண்டதாகவும் மறுசீரமைக்கப்பட வேண்டும்.
எனவே, மாவட்டச் செயலாளர்களும், மறுசீரமைப்புக்கான தலைமைக்கழக பிரதிநிதிகளும்
மேற்சொன்ன தீர்மானங்களின் அடிப்படையிலேயே மறுசீரமைப்பு செய்யப்படுவதை உறுதி செய்திட வேண்டும் எனக் கேட்டுக் கொள்ளப்படுகிறார்கள்.