தென்காசி.அக்.13–
தென்காசி மாவட்டம் கடையநல்லூரில் பாம்பு கடித்து உயிரிழந்தவரின் குடும்பத்தினருக்கு அரசு நிவாரண உதவி வழங்க வேண்டும்.என கடையநல்லூர் சட்டமன்ற உறுப்பினர் தி.மு. இராசேந்திரன் மாவட்ட ஆட்சியர் ரஞ்சித் சிங்கிற்கு கோரிக்கை மனு அனுப்பி உள்ளார்.
அதில் அவர் கூறியிருப்ப தாவது.
கடையநல்லூர் முத்துகிருஷ்ணாபுரம் பருத்திவிளை பகுதியைச்சேர்ந்த சிறு வணிகரான சுடர்மணி (வயது 66) அவர்கள், கடையநல்லூர் அரசு பொது மருத்துவமனையில் பாம்பு கடித்து பாதிக்கப்பட்டு அதிகாலையில் அனுமதிக்கப்பட்டுள்ளார்.அதிகாலை வேளையில் மருத்துவர் இல்லாத நிலையில் போதிய சிகிச்சை விரைவாக கிடைக்கப் பெறவில்லை.அதன் காரணமாகத்தான் உயிர் இழப்பு நேர்ந்ததாகவும் இறந்தவரின் உறவினர்கள் பொதுமக்கள் குற்றம் சாட்டுகின்றனர்.
மருத்துவ உதவி உரிய நேரத்தில் கிடைக்கப் பெறாததன் காரணமாக உயிரிழப்பு நேர்ந்திருப்பின் அதற்கு காரணமானவர்கள் மீது தகுந்த நடவடிக்கை எடுக்குமாறும்,
இறந்த சிறு வணிகர் சுடர்மணி அவர்களின் குடும்பத்திற்கு தமிழ்நாடு அரசு நிவாரண நிதி வழங்க வேண்டும்.
இவ்வாறு அவர் மனுவில் கூறியுள்ளார்.