சென்னை, அக். 13 –

டெல்­லி­யில் எஸ்­ஐ­ஆர்க்கு எதி­ராக போராட்­டம் சென்­னை­யில் பாயா­சமா என்று தி.மு.க. ஐ.டி. விங் சர­மாரி கேள்வி எழுப்­பி­யுள்­ளது.

தி.மு.க. ஐ.டி.விங் தனது சமூக வலைத்­தள பதி­வில் கூறி­யி­ருப்­ப­தா­வது:

டெல்­லி­யில் எஸ்­ஐ­ஆர்க்கு எதி­ராகப் போராட்­டம். சென்­னை­யில் பாயா­சமா? நேற்று, நேற்று முன்­தினம் டெல்­லி­யில் போரா­டி­விட்டு எஸ்­ஐ­ஆர்-க்கு எதி­ராக போரா­டும் சென்னை இளை­ஞர்­களை ஒடுக்­கும் விஜய்­யு­டன் கிடா­வி­ருந்து. இது தான் காங்­கி­ரஸ் டி.வி.கே. – இணைந்து கிண்­டும் பாயா­சமா?. எஸ்­ஐ­ஆர்க்­குப் பிறகு நடந்த எல்லா தேர்­தல்­க­ளும் செல்­லாது என்­றும் அந்த மாநி­லங்­க­ளில் மீண்­டும் தேர்­தல் நடத்த வேண்­டும் என்­றும் காங்­கி­ரஸ் தலை­வர் கார்கே கூறி­வ­ரு­கி­றார்.

ஆனால் எஸ்­ஐ­ஆர்க்கு எதி­ராக போரா­டும் ராகுல்­காந்தி, தாங்­கள் தோற்ற தேர்­தல்­க­ளில் மட்­டும் எஸ்.ஐ.ஆர். மீது சந்­தே­கம் எழுப்­பி­யும் கேரளா, தமிழ்­நாடு தேர்­தல்­களை மட்­டும் புனி­தப்­ப­டுத்­தும் இரட்டை நிலைப்­பாட்­ டுக்­கான விளக்­கத்தை தரு­வாரா? தமிழ்­நாடு 2026 தேர்­தல் பற்றிஏன் மவு­னம் சாதிக்­கி­றார்? ஒரே எஸ்.ஐ.ஆர். ஒரே தேர்­தல் ஆணை­யம். ஆனால் மாநி­லத்­துக்கு மாநி­லம் வேறு நிலைப்­பாடா?. எஸ்.ஐ. ஆர்.க்கு எதி­ராக சென்­னை­யில் மாண­வர்­க­ளி­டையே ராகுல்­காந்தி பேசப் போகி­றா­ராம். அதே எஸ்.ஐ.ஆர்.க்கு எதி­ராக போரா­டும் இளை­ஞர்­களை அவ­ரது கூட்­டாளி விஜய் (நேற்று) கைது செய்­துள்­ளார்.

டெல்­லி­யில் மோடிக்கு எதி­ராக போராட்­டம். சென்­னை­யில் குட்டி ‘ஜி’ உடன் விருந்து. இது என்ன வித­மான அர­சி­யல்?. பா.ஜ.வுக்கு எதி­ராக உண்­மை­யா­கவே போரா­டும் இளை­ஞர்­க­ளுக்கு எந்­த­வி­த­மான கிரெ­டிட் போய்­வி­டக் கூடாது என்று பா.ஜ. வு.க்கு மறை­முக ஆத­ர­வாக செயல்­ப­டும் கள்­ளக் கூட்­டணி அர­சி­யல்.

இவ்­வாறு அதில் கூறப்­பட்­டுள்­ளது.