சென்னை, அக். 13 –
சென்னை ஸ்டான்லி அரசு மருத்துவமனையில் சுகாதார சீர்கேடு கள் நிலவுவதாக பொதுமக்கள் குற்றம்சாட்டி உள்ளனர்.
வடசென்னையின் முக்கிய அரசு மருத்துவமனைகளில் ஒன்றான ஸ்டான்லி மருத்துவமனைக்கு நாள்தோறும் ஆயிரக்கணக்கானோர் சிகிச்சைக்காக வந்து செல்கின்றனர். அண்மைக்காலமாக இந்த மருத்துவமனையில் பாராமரிப்புப் பணிகள் முறையாக நடைபெறுவதில்லை.
மருத்துவமனையில் உள்ள மருந்துகள் வழங்குமிடம், மற்றும் உணவகத்தின் அருகே கழிவுநீர் அடைப்பு ஏற்பட்டுள்ளதால் அப்பகுதிகளில் துர்நாற்றம் வீசுகிறது.
உடல் உறுப்பு பிரிவு செயல்படும் பகுதி
யிலும் கழிவுநீர் தேங்கி சுகாதார சீர்கேடு ஏற்பட்டுள்ளது. மேலும், மருத்துவமனையைச் சுற்றியுள்ள கழிவறை களில் தண்ணீர் வராததால் நோயாளிகளும் பொதுமக்களும் மிகுந்த சிரமத்திற்கு உள்ளாகின்றனர்.
மேலும் மருத்துவ மனைக்கு சிகிச்சைக் காக வரும் நோயாளி களிடம் அங்கு பணிபுரியும் ஊழியர்கள் பணம் கேட்பதாகவும் குறிப்பாக அங்கு பணிபுரியும் சிலர், தாங்களை த.வெ.க. உறுப்பினர்கள் எனக் கூறிக்கொண்டு, நோயாளிகளிடம் பணம் பறிக்க முயல்வதாகவும், இது குறித்து சம்பந்தப்பட்ட அதிகாரியிடம் பலமுறை புகார் தெரிவித்தும் எந்த நடவடிக்கையும் எடுக்கப்படவில்லை என்றும் நோயாளிகள் குற்றம் சாட்டுகின்றனர்.
சம்பந்தப்பட்ட துறை அமைச்சர் மற்றும் அதிகாரிகள் நேரில் ஆய்வு மேற்கொண்டு உரிய நடவடிக்கை எடுக்க வேண்டும் என பொதுமக்கள் கோரிக்கை விடுத்துள் ளனர்.