சென்னை, அக்.14–
பணி நிரந்தரம் உள்ளிட்ட கோரிக்கைகளை நிறைவேற்ற வலியுறுத்தி எழும்பூர் ராஜரத்தினம் மைதானம் அருகே போராட்டம் நடத்தி வந்த அரசு பன்னோக்கு மருத்துவமனை பணியாளர்கள் 300க்கும் மேற்பட்டோரை போலீசார் வலுக்கட்டாயமாக சாலையில் தரதரவென இழுத்து சென்று கைது செய்தனர். மேலும், போராட்டத்தை தலைமை ஏற்று நடத்திய நிர்வாகிகளை ஓட்டல் அறைகளிலேயே போலீசார் சிறை வைத்ததால் பரபரப்பு ஏற்பட்டது.
தமிழக முழுவதும் உள்ள பன்னோக்கு அரசு மருத்துவமனையில் 13 ஆண்டுகளுக்கு மேலாக ஒப்பந்த முறையில்பணியாற்றி வரும் ஆயிரத்திற்கும் மேற்பட்ட பணியாளர்கள் தங்களை பணிநிரந்தரம் செய்ய கோரியும், மாதம் ஒரு நாள் ஊதியத்துடன் விடுமுறை,அரசு விடுமுறைகளில் தங்களுக்கும் விடுமுறை அளிக்க கோரி பல ஆண்டுகளாக போராடி வருகின்றனர். அதேநேரம் சட்டமன்ற தேர்தலின் போது த.வெ.க. நாங்கள் ஆட்சிக்கு வந்தால், அரசு பன்னோக்கு மருத்துவமனைகளில் பணியாற்றும் ஒப்பந்த ஊழியர்கள் பணி நிரந்தரம் செய்யப்படுவார்கள் என்று வாக்குறுதி அளித்தனர்.
நூற்றுக்கணக்கான போலீஸ் குவிப்பு!
ஆனால் த.வெ.க. அரசு ஆட்சிக்கு வந்து5 மாதங்கள் ஆன நிலையில் தேர்தலின் போது அளித்த வாக்குறுதியை நிறைவேற்றாததை கண்டித்து தமிழகம் முழுவதும் உள்ள அரசு பன்னோக்கு மருத்துவமனையில் பணியாற்றி வரும்ஒப்பந்த பணியாளர்கள் நேற்று காலை 10 மணி அளவில் எழும்பூரில் உள்ள ராஜரத்தினம் மைதானம் அருகே போராட்டம் நடத்த எழும்பூர் காவல் நிலையத்தில் அனுமதி கோரினர். ஆனால் போலீசார் போராட்டத்திற்கு அனுமதி அளிக்கவில்லை.
இதையடுத்து, பன்னோக்கு அரசு மருத்துவமனை பணியாளர்கள் திட்டமிட்டப்படி போராட்டம் நடத்தப்படும் என்று அறிவித்தனர். பின்னர் போராட்டத்தை கட்டுப்படுத்தும் வகையில் 200க்கும் மேற்பட்டபோலீசார் எழும்பூர் ராஜரத்தினம் மைதானம் அருகே சாலையில் தடுப்புகள் அமைத்து பாதுகாப்புபணியில் ஈடுபட்டனர். தடையை மீறி போராட்டத்தில் ஈடுபடும் பணியாளர்களை கைது செய்து ஏற்றும் வகையில்5க்கும் மேற்பட்ட பேருந்துகள் நிறுத்திவைக்கப்பட்டது.
அப்போது திட்டமிட்டப்படி தமிழகம் முழுவதிலும் இருந்து அரசு பன்னோக்கு மருத்துவமனைகளில் பணியாற்றும் ஒப்பந்த பணியாளர்கள் 300க்கும் மேற்பட்டோர் ஒன்று கூடினர். இதை கவனித்த பாதுகாப்பு பணியில் இருந்த போலீசார் அவர்களை தடுத்து பேருந்து களில் ஏற்ற முயன்றனர். இதனால் ஆத்திரமடைந்த பணியாளர்கள் திடீரென சாலை மறியலில் ஈடுபட்டனர். ஒரு கட்டத்தில் போலீ சார் சாலை மறியலில் ஈடுபட்ட பணியாளர்களிடம் பேச்சுவார்த்தை நடத்தி னர். ஆனால் அவர்கள். எங்கள் கோரிக்கையை அரசு ஏற்கும் வரை நாங் கள் இங்கிருந்து கலைந்து செல்லமாட்டோம் என்று கூறி அரசுக்கு எதிராக கோஷம் எழுப்பினர்.
பின்னர் பேச்சு வாத்தை தோல்வியில் முடிந்ததை தொடர்ந்து போலீசார் சாலை மறியலில் ஈடுபட்ட பணியாளர்களை கைது செய்ய முயன்றனர். இதனால் போலீசாருக்கம் போராட்டக்காரர்களுக்கும்இடையே கடும் வாக்கு வாதம் ஏற்பட்டது. ஒரு கட்டத்தில் போலீசார் மறியலில் ஈடுபட்ட அனைவரையும் குண்டு கட்டாக கைது செய்தனர். ஆனால் மறியலில் ஈடுபட்ட பணியாளர்கள் சாலையில்படுத்துக் கொண்டு கைது செய்ய முயன்ற போலீசாரை கண்டித்து கோஷங்கள் எழுப்பினர். இதனால் சிறிது நேரம் அங்குபரபரப்பு ஏற்பட்டது.
இருந்தாலும் போலீசார் பெண் பணியாளர்கள் என்றும் பாராமல் ஆண் காவலர்கள் உதவியுடன் தரதரவென இழுத்துச் சென்று பேருந்துகளில் ஏற்றினர். பலர் இதில் படுகாயமடைந்தனர். இருந்தாலும் போலீசார் போராட்டத்திற்கு வந்த ஒருவரையும் விடாமல் துரத்தி சென்று கைது செய்தனர். ஒருவரை கைது செய்ய 10 போலீசார்பயன்படுத்தப்பட்டது. அதில் பெண் பணியாளர்கள் மயங்கி விழுந்தனர்.
ஆனால் அவர்களை மருத்துவமனைக்கு அழைத்து செல்லாமல் பேருந்துகளில் ஏற்றி சென்றனர்.
ஓட்டலில் சிறை வைப்பு!
அதேநேரம் எழும்பூரில் ஓட்டலில் தங்கி இருந்த போராட்டத்தை தலைமை ஏற்று நடத்தும் அரசு பன்னோக்கு பணி யாளர்களின் நிர்வாகிகள் பலரை போலீசார், ஓட்டலிலேயே சிறை வைத்தனர். மேலும் வெளி மாவட்டங்களில் இருந்து எழும்பூர் நோக்கி வந்த பணியாளர்கள் பலரைகிளாம்பாக்கம் பேருந்து நிலையம், கோயம்பேடு பேருந்து நிலையங்களில் போலீசார் தடுத்து திருப்பி அனுப்பினர்.
தமிழகம் முழுவதும் 13 ஆண்டுகளாக பணி நிரந்தரம் செய்யக் கோரி போராட்டம் நடத்த வந்த அரசு பன்னோக்கு பணியாளர்களை போலீ சார் மூலம் த.வெ.க. அரசு அடக்கு முறையில் ஈடுபடுவதாக பலவேறு அரசியல் கட்சிகள் கண்டனம் தெரிவித்துள்ளனர்.