மதுரை, அக். 14–
மதுரை அரசு மருத்துவமனை வளாகத்தில் தனியார் ஒப்பந்த ஊழியர்கள் திடீர் வேலை நிறுத்தப் போராட்டத்தில் ஈடுபட்டனர். இதனால் வார்டுகளில் பணிகள் பாதிக்கப்பட்டன.
மதுரை அரசு மருத்துவமனையில் தனியார் நிறுவனத்தின் கீழ் ஒப்பந்த ஊழியர்கள் தூய்மைப்
பணி, செக்யூரிட்டி உள்ளிட்ட பலதரப்பட்ட பணிகளை மேற்கொண்டு வருகின்றனர்.நேற்று மாலை
திடீரென ஒப்பந்த ஊழியர்களில் பழனியம்மாள் உள்ளிட்ட சில பெண்கள் தங்களுக்கு சம்பள உயர்வு, மாதத்தில் 4 நாட்கள் விடுமுறை உள்ளிட்ட கோரிக்கைகளை வலியுறுத்தி திடீரென பிரசவ பிரிவு கட்டிடம் அருகே திரண்டு போராட்டத்தில் ஈடுபட்டனர்.
நேரம் ஆக, ஆக மேலும் ஊழியர்கள் திரண்டு போராட்டத்தை தொடர்ந்தனர். இதைத் தொடர்ந்து அரசு மருத்துவமனை வாயில் முன்பு அமர்ந்து இரவு வரை தொடர் போராட்டத்தில் ஈடுபட்டனர். ஏராளமான ஒப்பந்த பணியாளர்கள் பணிகளை புறக்கணித்து இப்போராட்டத்தில் ஈடுபட்டதால், வார்டுகளில் தூய்மைப்பணியுடன், நோயாளிகளை ஸ்ட்ரெச்சரில் அழைத்துச் செல்வது துவங்கி, பாதுகாப்பு வரை பலதரப்பட்ட சேவைகள் பாதித்தது, நோயாளிகள் பலரும் பெரும் சிரமத்திற்கு ஆளாகினர். போராட்டத்தில் ஈடுபட்ட பெண்கள் கூறிய
தாவது:
எங்களுக்கு வார விடுமுறை கிடையாது. தொழிலாளர்களுக்கான உரிமைகளை கேட்டாலே,
நீ வேலைக்குத் தேவையில்லை வெளியே போ எனக்கூறி அனுப்புகின்றனர். ஒவ்வொருவரும் அடுத்தடுத்த ஒப்பந்த நிறுவனங்கள் என 15 ஆண்டுகளுக்கும் மேலாக வேலை பார்த்து வருகிறோம். அப்போது ரூ.4 ஆயிரத்தில் சேர்ந்து இப்போது படிப்படியாக அதிகபட்ச
சம்பளமே ரூ.14 ஆயிரத்திற்கு வந்துள்ளது. பணியாளர்களை நிரந்த ரப்படுத்து, சம்பளத்தை உயர்த்து என்று விடுதலைச் சிறுத்தைகள் கட்சி பெயரில் பிளக்ஸ் வைத்தோம். அதனால் எங்களை வீட்டுக்கு என்கிறார்கள். போங்கள் சம்பளம் உயர்வு, அரியர் தொகை வழங்குவதாக தெரிவித்து, எதுவுமே தரவில்லை. கையுறை, மாஸ்க் தராமல், வெறும் கையில் தான் குப்பை அள்ளுகிறோம். கழிப்பறையில் இருந்த ஒரு பெண் தொழிலாளி, செல்போன் அழைப்பை ஏற்கவில்லை - யென சூபர்வைசர் சத்தமிட்டு, வேலைக்கு வராதே என்கிறார். 1,200 ஒப்பந்த தொழிலாளர்கள் இருக்கிறோம். இஷ்டம்னா வேலை செய்யுங்க... இல்லேன்னா வீட்டுக்கு போங்க’ என்கின்றனர். எங்களுக்கான ஐடி கார்டில் கூட எந்த நாதியுமின்றிவேலை பார்க் விபரமும் இல்லை. எந்த கிறோம்.நிரந்தரப்படுத்தி, சம்பள உயர்வு வழங்க வேண்டும். இவ்வாறு தெரிவித்தனர். தனியார் ஒப்பந்த நிறு வனத்தினர் கூறும்போது, “புகாரின் பேரில் ஒரு பெண் தொழிலாளிமீது நடவடிக்கை எடுக்கப்பட்டது. அவரது தூண்டுதலில் அனைத்து தொழிலாளர்களையும் வாட்ஸ் அப்பில் அழைத்து இப்போராட்டத்தை செய்கின்றனர்” என்றனர். மதுரை அரசு மருத்துவமனையில் தனியார் ஒப் பந்தத் தொழிலாளர்களின் இந்த போராட்டத்தால் வார்டுகளில் நோயாளிகள் பெரும் சிரமத்திற்கு ஆளாகினர். மருத்துவமனை நிர்வாகம் விரைந்து பேச்சுவார்த்தை நடத்தி தீர்வு கண்டுநோயாளிகளின் பாதிப்பை தவிர்க்க வேண்டும் என்ற கோரிக்கை எழுந்துள்ளது.