திருவண்ணாமலை,
அக். 14 –
திருவண்ணாமலை தூய்மை அருணை அமைப்பு சார்பில், தூய்மைப்பணி மரம் நடுதல், நீர் நிலை பராமரித்தலோடும், மாதந்தோறும் கர்ப்பிணி பெண்களுக்கு வளைகாப்பு விழா நடத்தப்பட்டு வருகிறது. இம்மாத விழாவில் தென்காசி சட்டமன்ற உறுப்பினர் டாக்டர் கலை கதிரவன் கலந்து கொண்டு, பரிசு பெட்டகங்கள் வழங்கி வாழ்த்துரை
வழங்குகிறார்.
திருவண்ணாமலையில் தொண்டு செய்வோம், துணை நிற்போம் என்ற முழக்கத்தோடு கடந்த 7 ஆண்டுகளாக பொதுப்பணித் துறை அமைச்சர் எ.வ.வேலு அவர்களை அமைப்பாளராகக் கொண்டு, தூய்மை அருணை திட்டம் செயல்பட்டு வருகிறது. தூய்மை அருணை திட்டத்திற்கு 4 மேற்பார்வையாளர்களும், 39 வார்டுக்கு 39 ஒருங்கிணைப்பாளர்களும், மாட வீதி தூய்மைப் பணிக்கு 7 ஒருங்கிணைப்பாளர்களும் ஒவ்வொரு வார்டுக்கும் 25 தூய்மைக் காவலர்கள் என ஆயிரக்கணக்கானோர் மரம் நடுதல், பராமரித்தல், கால்வாய் மற்றும் தூர்வாருதல் என செயல்பட்டு வருகின்றனர்.
அதனை தொடர்ந்து மாதந்தோறும் கர்ப்பிணி பெண்களுக்கு வளைகாப்புவிழாவை கடந்த 2025-ஜுலை மாதம் பொதுப்பணித்துறைஅமைச்சர் தொடங்கி வைத்தார்.
16.10.2026 வெள்ளிக்கிழமை காலை 9.30 மணிக்கு, திருவண்ணா மலை, காந்தி நகர் பைபாஸ் சாலையில் உள்ள நகர்ப்புற அருணை மருத்துவமனை வளாகத்தில், தூய்மை அருணை சார்பில், கர்ப்பிணி பெண்களுக்கு வளைகாப்பு விழா நடைபெறவுள்ளது.
விழாவிற்கு அருணை மருத்துவக் கல்லூரி முதல்வர் டாக்டர் குணசிங் தலைமை வகிக்கிறார்.
அருணை கல்விக்குழுமங்களின் துணைத் தலைவர் எ.வ.வே.குமரன், அருணை மருத்துவக் கல்லூரி மருத்துவமனை சி. இ.ஒ.பேராசிரியர் அசோக் தியாகராஜன் ஆகியோர் முன்னிலை வகிக்கின்றனர்.
தூய்மை அருணை மேற்பார்வையாளர் இரா.ஸ்ரீதரன் அனைவரையும் வரவேற்றுப் பேசுகிறார்.
விழாவில் கலந்து கொண்டு தென்காசி தொகுதி சட்டமன்ற உறுப்பினர் டாக்டர் கலை கதிரவன், கர்ப்பிணி பெண்களுக்கு பட்டுச்சேலை, இனிப்பு கள், தின்பண்டங் கள் மற்றும் மங்கலப் பொருட்கள் அடங்கிய பெட்டகங்களை வழங்கி வாழ்த்திப் பேசுகிறார்.மருத்துவ ஆலோசனைகளை, மகப்பேறு மருத்துவர் டாக்டர் கவிதா வழங்குகிறார். நிறைவாக தூய்மை அருணை மேற்பார்வையாளர் ப.கார்த்தி வேல்மாறன் நன்றி கூறுகிறார்.
விழாவிற்கான ஏற்பாடுகளை மேற்பார்வையாளர்கள் டாக்டர் எ.வ.வே.கம்பன், நாடாளுமன்ற உறுப் பினர் சி.என்.அண்ணாதுரை, முன்னாள் சட்டமன்ற உறுப்பினர் மு.பெ.கிரி, பிரியா ப.விஜயரங்கன்,இல.குணசேகரன் ஆகியோர் செய்து வருகின்றனர்.
கழகத் தலைவர் மு.க.ஸ்டாலின் அவர்கள் ஆணைக்கிணங்க மதுரை மாநகர் மாவட்டத்திற்குட்பட்ட பகுதி கழக, வட்டக்கழக அமைப்புகள் மறுசீரமைப்பு தொடர்பான கழக செயல்வீரர்கள் கூட்டம் மதுரை அண்ணாநகர் டுவின்ஸ் திருமண மண்டபத்தில் நடைபெற்றதில் மாவட்டச் செயலாளர் கோ.தளபதி தலைமைக் கழக பிரதிநிதிகள் பி.டி.சி. செல்வராஜ், மூத்த வழக்கறிஞர் ரவீந்திரன் ஆகியோர் முன்னிலையில் சிறப்புரையாற்றினார். இந்நிகழ்வில் மாவட்ட அவைத் தலைவர் ஒச்சுபாலு, மாநில தணிக்கை குழு உறுப்பினர் வ.வேலுசாமி, உயர்நிலை செயல் திட்ட குழு உறுப்பினர் பெ.குழந்தைவேலு, முன்னாள் நாடாளுமன்ற உறுப்பினர் ஆர்.கோபாலகிருஷ்ணன், மாவட்ட நிர்வாகி முருகவேல் உள்ளிட்ட திரளான கழக நிர்வாகிகள் பங்கேற்றனர்.