நடந்து முடிந்த இடைத்தேர்தலில் சட்டமன்ற உறுப்பினராக த.வெ.க. அமரலாம். ஆனால் மக்கள் மன்றத்தில் ஆளும் கட்சிக்கு எதிர்ப்பு வாக்குகளே அதிகம். ஆளும் கட்சிக்கு எதிரான அலையே வீசுகிறது.
ஆதவ் அர்ஜுனா, “தி.மு.க.வைக் காட்டிலும் த.வெ.க. இந்த தேர்தலில் ஒரு லட்சம் வாக்குகள் கூடுதலாக
வாங்கும்” என்றார்.
“75,000 வாக்கு வித்தியாசத்தில் தி.மு.க.வை, த.வெ.க. ஜெயிக்கும்” என செங்கோட்டையன் கூறினார். அப்படி நடந்ததா? தி.மு.க.வுக்கு டெபாசிட் கிடைக்காது
என்றார். ஆனால் நடந்தது என்ன?
பக்கத்தில் இருக்கும் பாண்டிச்சேரியைப் பாருங்கள். தட்டாஞ்சாவடியில் நடைபெற்ற இடைத்தேர்தலில் மொத்த எதிர்கட்சிகளின் வாக்கைச் சேர்த்தாலும், ரங்கசாமி காங்கிரஸினைத் தொட முடியாது இதுதான் ஆளும் கட்சிக்கும் அதன் ஆட்சிக்கும் மக்கள் தந்த தீர்ப்பு.
அந்த வகையில் தமிழகத்தில் ஆளும் கட்சிக்கு மதுராந்தகத்தில் கிடைத்த வாக்கு 74,048. எதிர்க்கட்சிகளின் வாக்கு மதுராந்தகத்தில் 1,06,153, ஏறத்தாழ 32 ஆயிரம் வாக்குகள் எதிர்க்கட்சிகள் ஆளும் கட்சியைவிட அதிகமாக பெற்றுள்ளார்கள். ஆக எதிர்ப்பு அலை முப்பதாயிரம்
மதுராந்தகத்தில் மட்டும் அதிகம் உள்ளது.
தாராபுரத்தில் த.வெ.க. வாங்கிய வாக்குகள் 66,814. எதிர்க்கட்சிகள் த.வெ.க. ஆட்சியை எதிர்த்து பெற்றது 1,09,075 வாக்குகள்.
ஏறத்தாழ தாராபுரத்தில் மட்டும் 40,000 பேர்
த.வெ.க.வை அதிகமாக வெறுக்கும் மக்களைத்தான் த.வெ.க. ஆளுகிறது.
பா.ம.க. தேசிய ஜனநாயக கூட்டணியில் இருப்பதாக சௌமியா சொன்னது உண்மை எனில், அ.தி.மு.க.விற்கு வாக்களித்து இருக்க வேண்டும். அ.தி.மு.க.வுடன் முரண்பாடு இருந்தால் கம்யூனிஸ்ட்டுக்கோ, நாம் தமிழர் கட்சிக்கோ ஆதரவு கொடுத்திருக்க வேண்டும். அதைவிட்டு தேர்தலில் நடுநிலை வகித்திருக்கக்கூடாது.
கடந்தமுறை த.வெ.க.விற்கு வாக்களித்தவர்கள், த.வெ.க.வின் ஆட்சி பிடிக்காததால் தி.மு.க.விற்கு வாக்களித்தார்கள். அ.தி.மு.க.விற்கு கடந்தமுறை சென்ற பா.ம.க.வின் ஓட்டு இந்தமுறை த.வெ.க.விற்குச் சென்றுவிட்டது.
தாராபுரத்தில், மதுராந்தகத்தில், தட்டாஞ்சாவடியில் ஒரு காசுகூட நாங்கள் கொடுக்கவில்லை என தி.மு.க. சத்தியம் செய்து கொடுக்கும். ஆனால் இந்த மூன்று ஊரிலும் த.வெ.க. கூட்டணியோ, அ.தி.மு.க. கூட்டணியோ 10 காசு தரவில்லை என்று சத்தியம் செய்து கூறுவீர்களா? உங்கள் மனசாட்சிக்கே விட்டுவிடுகிறேன். 5 நிமிடத்தில் கொத்துக்கறி போட்டேனென்று சொன்னீங்க. ஆனால் தலைகீழாத் தண்ணி குடிக்க மக்கள் வைச்சாங்க. தாராபுரத்தில் 30 கோடி செலவு செய்தேன் என்று த.வெ.க. வேட்பாளர் சொன்னார்கள்.
மாட்டு வண்டி ஓட்டினீங்க, டிராக்டர் ஓட்டினீங்க,
ஆட்டுச் சந்தையில் சென்று ஆடுகளை விரட்டினீங்க. ஆளும் கட்சி பலம், முதல்வரின் 4 நாள் டூர், அத்தனை அமைச்சர்களும் பிரச்சாரம், டிபன் பாக்சில் 5,000 பணம் கொடுத்தும், பெரிய கட்சிகளுடன் கூட்டணி இருந்தும்
த.வெ.க.வால் இத்தனைக்குப் பிறகும் மொத்தத்தில்
பாதிக்குமேல் வாக்குகளைப் பெற முடியவில்லை என்கிற வருத்தமே இல்லையா?
மொத்த மாநிலத் தேர்தலில் 15 நாள்தான் விஜய் பிரச்சாரம் சென்றார். இங்கே தொகுதிக்கு இரண்டு நாள், தொகுதிக்கு 40 இடம் பிரச்சாரம், தாய்மாமன் சீர், விடியல் பயணத்திட்டம் என பல திட்டங்கள் தேர்தல் விதிமுறை மீறி, தேர்தல் நேரத்தில் நடைமுறைப்படுத்தியும், வாக்கு உயரவில்லை என த.வெ.க.விற்கு வெட்கமாக இல்லையா?
அ.தி.மு.க. தீர்ந்துபோன கட்சி என்று சொன்னோமே. தி.மு.க. – அ.தி.மு.க. கூட்டு என்று சொன்னோமே,
எதுவுமே நிரூபிக்க முடியவில்லை என்று வெட்கமாக
இல்லையா?
கூட்டணி கட்சியால்தான் தி.மு.க. வென்றது என்று சொன்னோமே? இப்போது தி.மு.க.வுடன் தே.மு.தி.க. தவிர கூட்டணி இல்லை. ஆனாலும் இடைத்தேர்தலில் தி.மு.க.வின் வாக்கு வங்கி குறையவில்லை.
அறிவாலயத்தை வாடகைக்கு விடவேண்டியதுதான் என்று நிர்மல் குமார் சொன்னாரே அந்த தி.மு.க.
அ.தி.மு.க. கோட்டையான பகுதிகளில் இரண்டாம் இடத்தில் வாக்கு வாங்கியுள்ளது. அதுவும் ஆளும் கட்சியின் ஆளுயர புயலில், கொஞ்சம்கூட தி.மு.க. அசையவே
இல்லையே! இது த.வெ.க.விற்குக் கொஞ்சம்கூட வெட்கமாக இல்லையா?
தமிழ்நாட்டில் ஒரு கோடி வாக்குகள் நீக்கப்பட்ட
சூழலில், தி.மு.க. மட்டும் எடுத்த சட்ட நடவடிக்கையால்
20 லட்சம் வாக்குகள் மீண்டும் சேர்க்கப்பட்டன. தி.மு.க. தலையிடாமல் இருந்தால் 3 கோடி மக்களின் வாக்கு
பறிக்கப்பட்டு இருக்கும்.
தி.மு.க. ஆளும் மாநிலமாக, இருப்பதால் தமிழகத்தின் அதிகாரிகள் நினைத்தால் தடுக்க முடியுமாம். மாநில
அரசுக்கு அதிகாரம் இருக்கு என எவனும் சொல்ல
மாட்டான், வளர்ந்துகெட்ட முட்டாளைத் தவிர.
மாநில அரசுக்கு அதிகாரம் இல்லை. சம்பளம் மாநில அரசுதான் கொடுக்கிறது. ஆனால் ஒன்றிய அரசை எதிர்த்து. மாநில அரசுக்கு அதிகாரிகள் வேலை செய்ய
மாட்டார்கள். அப்படி வேலை செய்தால் ஜி.எஸ்.டி. வரியைத் தமிழ்நாட்டிலேயே வசூலித்து, தமிழ்நாடே எடுத்துக் கொள்ளலாமே?
வசூலிப்பது தமிழக அதிகாரிகள்தானே. நம் பங்கைக் கூட நாமே எடுத்துக்கொள்ளமுடியாது. ஒன்றியம் வாங்கிக்கொண்டு, அவர்கள் நினைக்கும்போதுதானே நாம் ஒரு ரூபாய் தந்தால் 29 காசு தருகிறார்கள். நமக்கு அதிகாரம் இருந்தால் நீட் தேர்வு அதிகாரிகளைத் தடுத்து நிறுத்தி இருக்க முடியுமே. நீட்டையே நுழையவிடாமல் தடுக்க முடியும்.
எஸ்.ஐ.ஆர். பணியில் 90 ஆயிரம் வாக்காளர்களை நீக்கிய தொகுதியில் அனைத்திலும் த.வெ.க. வெற்றி பெற்று உள்ளது.
எஸ்.ஐ.ஆர். பணியில் குறைவான அளவு வாக்குகள் நீக்கிய தொகுதிகளில் த.வெ.க. தோற்றுள்ளது.
த.வெ.க. அரசு இந்த இடைத்தேர்தலில் அ.தி.மு.க. வினருக்கு. பா.ம.க.வினருக்கு ஆட்சி ஆசை காட்டி 13.82% வாக்குகளை இழுத்துள்ளது.
விடுதலைச் சிறுத்தைகள், காங்கிரஸ், முஸ்லிம் லீக், கம்யூனிஸ்ட்கள் போன்ற தோழமைகள் மதுராந்தகம், தாராபுரம் ஆகிய தொகுதிகளில் நம்முடன் கூட்டணியில் இல்லாத சூழலிலும் தி.மு.க.விற்கு வாக்கு அதிகரித்து இருக்கிறதே தவிர தி.மு.க.விற்கு வாக்கு குறையவில்லை. இது எதைக்காட்டுகிறது என்றால், தோழமைகளின் தலைமை மாறினாலும். தோழமையின் தொண்டர்கள் நம்மிடம்தான் இருக்கிறார்கள் என்பதைக் காட்டுகிறது. அ.தி.மு.க. உடைபடாமலிருந்தால் தி.மு.க.தான் வென்று இருக்கும்.
நாம் மேற்படி தோழமைக் கட்சிகளுக்காக சென்ற
தேர்தலில் கொடுத்த சீட் 23 + 8 + 5 + 5 + 4 + 2 = 47
சீட்டுகளில் இனி கழக தோழர்களே நின்றால் வெற்றி எண்ணிக்கை அதிகரிக்கும்.
இஸ்லாமியர் அதிகமாக இருக்கும் சேப்பாக்கம், துறைமுகம், நாகப்பட்டினம், புதுக்கோட்டை போன்ற தொகுதிகளில் தி.மு.க. வென்றதற்கு இஸ்லாமியர்களும் காரணம். அதே நேரத்தில் I.U.M.L. அல்ல என்பதை இந்த தேர்தல் நிரூபித்திருக்கிறது.
இந்த இடைத்தேர்தலில் சல்லிக்காசு கொடுக்காமல், கூட்டணி இல்லாமல் தி.மு.க. பெற்ற வாக்கிற்காக நாம் பெருமை கொள்கிறோம்.
அதே நேரத்தில் வி.சி.க. பா.ம.க. காங்கிரஸ், முஸ்லிம் லீக் ஆதரவு இல்லை என்றால் ஆளும் கட்சியாக இருந்தும் த.வெ.க. தோற்றது என்கிற பெயர் வந்திருக்கும். கூட்டணி பலத்திலும், காசைக் கொட்டிக் கொடுத்ததிலும், அதிகாரமிரட்டலிலும்தான் த.வெ.க. வென்றது.
கடந்த 2026–ல் அ.தி.மு.க.வை நம்பிப் போன சத்யபாமா ஏறத்தாழ 17,000 வாக்குகளில் வென்றவர் என்கிற காலம்போய் த.வெ.க. வேட்பாளராக நின்று வெறும் 9,000 வாக்குகளில் மட்டுமே வென்று உள்ளார் என்ற நிலை உருவாகியுள்ளது. 2026–ல் அ.தி.மு.க.வில் 81.100 வாக்குகள் பெற்றுவிட்டு, அக்டோபர் இடைத்தேர்தலில் 66,184 வாக்குகள் பெற்றிடவா விஜய் கட்சிக்கு சத்யபாமா சென்றார்.
ஜான் ஏறி, முழம் சறுக்கிய கதையாய் சத்யபாமா நிலை. இந்த அவமானத்துக்காக த.வெ.க.வினர் வெட்கப்படவேண்டாமா? இதற்குத்தான் விஜய் கட்சிக்கு சத்யபாமா வந்தாரா? 30 கோடி செலவு செய்தாரா? அழுது புரண்டாரா?
விமானத்தில் கூட பக்கத்தில் யாரையும் நம்பாமல்,
அமரவிடாமல் தனிவிமானத்தில் பலகோடி செலவில் டெல்லிக்கே செல்லும் விஜய், 5000 ரூபாய் செலவில் மேட்டூரில் பூத்தூவுவதற்கு பதிலாக தனிவிமானத்தில். 5 கோடி செலவு செய்து மேட்டூருக்கு தனியாக சென்ற விஜயினை 10 பேருடன் மாட்டு வண்டியில் இடித்துக் கொண்டும், டிராக்டரில் 10 பேருடன் தொங்கவிட்டும் கேவலமான பார்டரில் ஜெயிக்க வைத்தது வெட்கமாக இல்லையா?
மதுராந்தகத்தில் பா.ம.க.வை கூட்டணியாக சேர்த்தும் இவ்வளவுதான் நாம்பெற்ற வாக்குகளா என்று வெட்கமாக இல்லையா?
தன் கட்சியில் இல்லாத ஜெயலலிதா படத்தை வைத்துக்கொள்ள செங்கோட்டையனுக்கு அனுமதி கொடுத்தும், அதைப்பார்த்த பலநூறு தொண்டர்கள் ஜெயலலிதா படம் வைக்க அனுமதித்தும், த.வெ.க.விற்கு வாக்கு குறைவு என்பது வெட்கமாக இல்லையா?
த.வெ.க. ஒரே மாவட்டத்தில் வேட்பாளரை போட்டும். தி.மு.க. சென்னையிலிருந்து நிறுத்தியும், த.வெ.க.
வேட்பாளர் ஒரே மாவட்டம் என்பதுடன், இருமுறை M.L.A.. ஒருமுறை M.P. என செல்வாக்கு பெற்று இருந்தும், இதுதான் வாக்கு வித்தியாசமா என த.வெ.க.வினருக்கு வெட்கமாக இல்லையா?
மதுராந்தகம், தாராபுரம் இடைத்தேர்தலில்
அ.தி.மு.க.வின் வேலுமணி, தங்கமணி வேலைபார்க்காமல் ஒதுங்கியிருந்தனர் என்று சொல்லகூடாது. வேலை செய்தார்கள். த.வெ.க.விற்காக வேலை செய்தார்கள்.
தாராபுரத்தில் பழைய சட்டமன்ற உறுப்பினர் சத்யபாமா, ஒவ்வொரு கிராமமும் தெரிந்தவர். அதுமட்டுமல்ல அ.தி.மு.க.விலிருந்து முன்னாள் எம்.பி.யும், முன்னாள் மாவட்டச் செயலாளருமான ராமலிங்கம், முன்னாள் அமைச்சர் ஆனந்தன், முன்னாள் அமைச்சர் ராதாகிருஷ்ணன் அதிகாரப்பூர்வமாகவும் தங்கமணி, வேலுமணி மறைமுகமாகவும் வேலை பார்த்தும் கேவலமான வித்தியாசத்தில் வென்றாரே என த.வெ.க.வுக்கு வெட்கமாக இல்லையா?
அமைச்சர் பொறுப்பை வழங்கி, விடுதலைச் சிறுத்தைகளின் தலித் ஓட்டுகளை த.வெ.க. பெற்றாலும், பா.ம.க. கட்டளைப்படி விடுதலைச் சிறுத்தைகளுடன் ஒரே மேடை ஏறுதலைத் தவிர்த்து வன்னியர் ஓட்டுகளைப் பெற்றும் இவ்வளவுதான் வாக்கா? வெட்கமாக இல்லையா?
மதுராந்தகத்தின் வேட்பாளர் முன்னாள் எம்.பி. சிட்டிங் எம்.எல்.ஏ. மேலும் பா.ம.க.வும், சி.வி.சண்முகமும்
இருந்ததால்தான் மதுராந்தகத்தில் இந்த வெற்றி கிடைத்தது என்ற வெட்கம் த.வெ.க.விற்கு இல்லையா?
விடியல் பயணம்விரிவாக்கம், காலை உணவு விரிவாக்கம், அண்ணன் சீர், தாய்மாமன் சீர் இவ்வளவு இருந்தும் இந்த தேர்தல் முடிவுகள் என்ன தருகிறது என்றால்.
இனி விஜயினை நம்பி அ.தி.மு.க.வினர் த.வெ.க. விற்கு செல்லுகின்ற எண்ணத்திற்கு கதவு சாத்தப்பட்டுவிட்டது. விஜய் 10 நாள் பிரச்சாரம் செய்து, ஜெயிக்க வைக்கிறேன் என்று விஜய் சொன்னாலும், விஜய் சொல்வதை இனி யாரும் நம்பி இராஜினாமா செய்யமாட்டார்கள்.
அடேங்கப்பா, சத்யபாமா, மரகதம் குமரவேல் இடைத்தேர்தலில் தண்ணீர் குடித்ததைப் பார்த்த வேறு அ.தி.மு.க. வினருக்கு இராஜினாமா எண்ணம், தைரியம் வராது. ஆளும் கட்சி, பெரிய சக்தி விஜய் என்கிற பிம்பம் உடைபட்டுள்ளது. விஜய் கூட்டத்தை எதிர்கட்சிகள் ஒற்றுமையாக, கடினமாக வேலை பார்த்தால் துரத்தி எரியலாம் என்கிற நம்பிக்கையை எதிர்கட்சிகளுக்கு விதைத்த தேர்தல் இந்த தேர்தல். ஈ.வி.எம். மிஷின், S.I.R., ஆளும்கட்சி அதிகாரபலம், பணபலம் இருந்தும், தளபதி ஸ்டாலின் சொன்னதுபோல வெற்றியில் த.வெ.க. தோல்வியை அடைந்துள்ளது. தோல்வியில் தி.மு.க. வெற்றியை அடைந்துள்ளது!!