சென்னை, அக். 14 –
த.வெ.க. அரசின் மின்சார கொள்முதலில் மிகப்பெரிய முறைகேடும், ஊழலும் அரங்கேறியுள்ளதாக முன்னாள் அமைச்சர் செந்தில் பாலாஜி குற்றம் சாட்டியுள்ளார்.
இதுகுறித்து அவர் சென்னை தேனாம்பேட்டையில் உள்ள அண்ணா அறிவாலயத்தில் செய்தியாளர்களுக்கு அளித்த பேட்டி வருமாறு : –
மின் தடை குறித்த செய்தி வராத நாளே இல்லை. அரசு கூட்டங்கள், தலைமைச் செயலகம், அமைச்சர்களின் கூட்டங்கள் என மின்வெட்டு ஏற்படுகிறது. பட்டமளிப்பு விழாவில் தொடங்கி தலைமைச் செயலகம் வரை மின்வெட்டு நீண்டுள்ளது.
மின்துறை அமைச்சர் நிர்மல் குமார் தனது துறையை தவிர்த்து மற்ற துறை களுக்கு பதில் அளிப்பார். வெறும் ரீல்ஸை மட்டுமே முன் வைத்து ஆட்சிக்கு வந்த டம்மி முதல்வர், மக்கள் இன்னல்களை பற்றி கவலைப்படவில்லை.
மின்வெட்டுக்கு பியூஸ் கேரியர் திருட்டு என்றார்கள், பிறகு பஞ்சாப் சென்று பாருங்கள் என்றார்கள், த.வெ.க. ஆட்சி பொறுப்பேற்றது முதல் மின்வெட்டு தொடர்பாக எந்த நடவடிக்கையும் இல்லை. தி.மு.க. ஆட்சியின் போது எந்த வித தடையும் இன்றி சீராக மின்விநியோகம் செய்யப்பட்டது. த.வெ.க. ஆட்சி பொறுப்பேற்று 5 மாதங்களாகியும் மின்வெட்டை சரி செய்ய எந்த நடவடிக்கையும் எடுக்கவில்லை. மின்சாரம் கொள்முதல் செய்ய நவம்பர், டிசம்பரிலேயே ஏற்பாடு செய்து டெண்டர் விடுவோம்.
தி.மு.க. ஆட்சியில்
உபரி மின்சாரம்!
தி.மு.க.ஆட்சியில் ஆண்டுதோறும் மின் தேவை அதிகரித்துக் கொண்டே
வந்தது. 5 ஆண்டுகளில் 4,349 மெகாவாட் மின்சார தேவை அதிகரித்தது. 8,600 மில்லியன் யூனிட்அளவுக்கு உபரியாக இருந்ததை வெளி மாநிலங்களுக்கு
விற்பனை செய்தோம். மின்மாற்றிகள் குறைந்த அளவில் பழுதாக கூடிய நமது மாநிலத்தில் எப்படி மின்வெட்டு ஏற்படு
கிறது. தி.மு.க. ஆட்சியின்போது TANGEDCO-வின் மின் உற்பத்தி 13,000 மெகாவாட் வரை அதிகரிக்கப்பட்டது.
ஆந்திராவில் மின்சாரம் கொள்முதல்
செய்வதாக தகவல் வந்துள்ளது. அதற்குள் நான் செல்லவில்லை.
வெளிச்சந்தையில் கொள்முதல்!
மின் உற்பத்தி தமிழ்நாட்டின் சொந்த மின் உற்பத்திய குறைத்து வெளிச்சந்தையில் கொள்முதல் செய்வதற்கான முன்னெடுப்புகளை எடுத்துள்ளார் அமைச்சர்
நிர்மல்குமார். வெளிச்சந்தையில் யூனிட்டிற்கு ரூ.35-க்கு கொள்முதல் செய்வது,